izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საინტერესო ამბები
27 დეკემბერი, 2018
გამორჩეული დამრიგებლები თვის შემაჯამებელი ტესტის მნიშვნელობაზე
30 დეკემბერი „შვილებზე განსაკუთრებულად ზრუნვის დღეა“, საგანმანათლებლო ვებ-გვერდის აქტიური წევრები მთელი საქართველოს მასშტაბით თვის განმავლობაში მიღებულ ცოდნას ონლაინ რეჟიმში, პროფესიონალი მასწავლებლებისგან შედგენილი ტესტების მეშვეობით შეამოწმებენ. ამჯერად www.izrune.ge რამდენიმე გამორჩეულ დამრიგებელს ესაუბრა, რომლებმაც საკუთარი შეხედულებები თვის შემაჯამებელ ტესტთან დაკავშირებით გაგვიზიარეს.   


შორენა იმედაიშვილი, 106-ე საჯარო სკოლის პირველი კლასის დამრიგებელი:

„თანამედროვე ეპოქაში ტექნოლოგიების გამოყენება აქტუალური საკითხია და მას 21-ე საუკუნის მოსწავლისათვის უდიდესი მნიშვნელობა აქვს. www.izrune.ge არის უნიკალური პროექტი, რომელიც წარმატებით ახერხებს შესთავაზოს მოსწავლეს მეთოდოლოგიურად გამართული ონლაინ ტესტები. მნიშვნელოვანია, რომ ამ პროცესში ბავშვი პირველი კლასიდანვე ერთვება. ტესტებმა ჩემი მოსწავლეები უფრო მოტივირებულები გახადა, კლასი კიდევ უფრო გააერთიანა და მათ დამეგობრებასაც  შეუწყო  ხელი. ისინი მსჯელობენ და განიხილავენ საკითხებს ტესტებიდან. უზიარებენ ერთმანეთს შთაბეჭდილებებს.  ყოველთვის ახსოვთ, რომ ხუთშაბათი და  თვის ბოლო კვირა ,,შვილებზე განსაკუთრებულად ზრუნვის დღეა“.  ყოველი შემაჯამებელი ტესტის შემდეგ ვხვდები, რომ მათ იმაზე მეტი იციან, ვიდრე იცოდნენ. რაც მთავარია, მოსწავლეები საიტს სასარგებლო კუთხით იყენებენ. ეს მათთვის აუცილებლად იქნება წარმატების მომტანი. აღსანიშნავია, რომ მშობლებიც აქტიურად არიან  ჩართულები სასკოლო ცხოვრებაში. მათ საშუალება აქვთ  თვალი ადევნონ შვილის განვითარებას,  წინსვლას. დაინახონ მათი ძლიერი და  სუსტი მხარეები და გაუწიონ დახმარება.  www.izrune.ge-ს როლი მოსწავლის, სკოლის და მშობლის გაერთიანებაში უდაოდ დიდია. “

ნინო ნემსიწვერაძე, 71-ე საჯარო სკოლის მესამე კლასის დამრიგებელი:

www.izrune.ge უნიკალური პროექტია,  კიდევ უფრო დააკავშირა მშობელი, ბავშვი და სკოლა. ვფიქრობ, რომ თვის შემაჯამებელი ტესტი ძალიან მნიშვნელოვანია, რადგან თითოეულ მოსწავლეს ეძლევა შესაძლებლობა გაიაროს უნიკალური ტესტები და შეამოწმოს თვის განმავლობაში მიღებული ცოდნა.“



რიტა ოთარაშვილი, სამთაწყაროს საჯარო სკოლის მეოთხე კლასის დამრიგებელი:

„მნიშვნელოვანია, როდესაც ყველა მოსწავლეს აქვს შესაძლებლობა ყოველი თვის ბოლოს შეამოწმოს საკუთარი ცოდნა. ჩემი მოსწავლეები ყოველ ხუთშაბათს აკეთებენ სავარჯიშო ტესტებს და „შვილებზე განსაკუთრებულად ზრუნვის დღისთვის“ განსაკუთრებულად ემზადებიან. მინდა თითოეულ მათგანს წარმატებები ვუსურვო.“



ლელა გვაზავა, 145-ე საჯარო სკოლის პირველი კლასის დამრიგებელი:
„ყოველი თვის შემაჯამებელი ტესტის გავლის შემდეგ ბავშვები ხდებიან უფრო მეტად თავდაჯერებულები. ისინი არიან მოტივირებულები  და ყველას უნდა ოქროს დიპლომის მოპოვება. შემაჯამებელი ტესტის მეორე დღეს მოსწავლეებს სკოლაში მოაქვთ დიპლომები, რომლებსაც წარმატების კედელზე ვაკრავთ. “




რას ამბობენ ჩვენზე