izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
09 ივლისი, 2018
„ღელვა მოსწავლეებს ძალებისა და ცოდნის მობილიზებაში ეხმარება'' - ფსიქოლოგი მარინა გოქსაძე და ყოფილი აბიტურიენტების რჩევები მოსწავლეებს

ახლოვდება ერთიანი ეროვნული გამოცდები. წინასაგამოცდო ნერვიულობა მეტ-ნაკლებად ყველასთვის ნაცნობია. ბუნებრივია თუ არა მღელვარება გამოცდების წინ და რაზე უნდა გაამახვილონ ყურადღება მოსწავლეებმა, ამაზე ეტალონს  ფსიქოლოგი მარინა გოქსაძე და ყოფილი აბიტურიენტები ესაუბრებიან:

ფსიქოლოგი მარინა გოქსაძე:

„გამოცდების წინ მოსწავლეების მხრიდან ნერვიულობა სრულიად ნორმალურია. ჩვენს ცხოვრებაში როდესაც რაღაც მნიშვნელოვანი ხდება, მოსწავლისთვის - გამოცდები, მომღერლისთვის და მსახიობისთვის სცენაზე გასვლა - ღელვა გვეხმარება, რომ მეტად მობილიზებულები ვიყოთ.

ღელვა არის მნიშვნელოვან მოვლენაზე ნერვული სისტემის ადეკვატური რეაქცია. იგი ეხმარება მოსწავლეებს ძალებისა და ცოდნის მობილიზებაში. ახსოვთ თუ არა ესა თუ ის საკითხი, იკრებენ ძალებს და იმაზე უკეთეს შედეგს აჩვენებენ, ვიდრე ეგონათ.

თუმცა არის მეორე მომენტიც -  შფოთვა, რომელიც გარეგნულად აბსოლუტურად ისევე გამოიყურება, როგორც ღელვა. მაგრამ შფოთვასა და ღელვას შორის ძალიან დიდი სხვაობაა.

თუ ღელვა გვეხმარება ძალების ორგანიზებაში, შფოთვის დროს პირიქით ხდება, რაც გვახსოვს, ისიც გვავიწყდება. შფოთვა ქრონიკული დათრგუნული ემოციის გამწვავებაა. როდესაც ადამიანი შფოთავს, მუდმივად შიშშია. გამუდმებით ამ სიტუაციაში ყოფნა კი ძალიან ცუდ შედეგს იწვევს.

მნიშვნელოვანია, აბიტურიენტთათვის იყოს ტრენინგები, რომლებსაც პროფესიონალი ფსიქოლოგები ჩაატარებენ. ტრენინგებზე მოსწავლეები ისწავლიან, თუ როგორ არ შეუშალოთ ნერვიულობამ ხელი.“

ყოფილი აბიტურიენტები მოსწავლეებს პრაქტიკულ რჩევებსა და თავიანთ გამოცდილებას უზიარებენ.

ანა  ჯოჯუა, კავკასიის ბიზნეს სკოლის მე-2 კურსის სტუდენტი:

„აბიტურიენტობა რთულია. შენს თავს უნდა ებრძოლო, რაც შეიძლება ნაკლებად ინერევიულო და ეცადო, მაქსიმალურად კარგად დაწერო გამოცდა - ეს მოსაზრება ძალიან ზოგადი და ბანალურია. იმისათვის, რომ გამოცდაზე არ ინერვიულო ან თუნდაც ნაკლებად ინერვიულო, საჭიროა, ხშირად დაწერო შანშანდელი ვარანტები სხვადასხვა საგანში (რასაც აბიტურენტები ისედაც აკეთებენ), დაინიშნო საგამოცდო დრო და ნახო, რამდენად ახერხებ მაქსიმალური წარმატებით დაწერო ტესტი მოცემულ დროში. აბიტურიენტისთვის გამოცდა და იქ არსებული გარემო ძალიან სტრესულია. ჩემი გამოცდილებიდან მოსწავლეებს ვურჩევ, რომ გამოცდის დროს მხოლოდ ტესტით შემოიფარგლონ და ყურადღება არ მიაქციონ მოცემულ გარემოს. დამკვირვებლების იმიჯი - მკაცრი გამოხედვა ეს მათი ვალდებულებაა.''

ანა ერისთავი, თბილისის სახელმწიფო უნივერსიტეტის მე-2 კურსის სტუდენტი:

„იმისათვის, რომ აბიტურიენტმა წარმატებით ჩააბაროს გამოცდა, აუცილებელია, მაქსიმალურად შეამციროს ნერვიულობა და ყველანაირად ეცადოს, თავი ხელში აიყვანოს, მობილიზება გაუკეთოს ცოდნას. ეცადოს, ყურადღება არ მიაქციოს გარემოს. საგამოცდო საკითხების დარიგებისთანავე, ყველა საკითხს გადახედოს და ამოხსნა დაიწყოს ყველაზე რთულით, მაგრამ პირველივე ცდაზე თუ ვერ ამოხსნის, სხვა საკითხზე გადავიდეს, რომ დრო სწორად გაანაწილოს. პასუხების დაფიქსირების შემდეგ თუ დრო დარჩება, ყველა პასუხი თავიდან გადაამოწმოს, შეიძლება გადატანაში ჰქონდეს შეცდომა ან მექანიკურად ეწეროს ის, რისი დაწერაც არ უნდოდა. პასუხების ფურცელში გადატანილი მცდარი პასუხების შემთხვევაც ძალიან ბევრი ყოფილა და ბოლო ეტაპზე ეს ყველაზე მნიშვნელოვანია.''



რას ამბობენ ჩვენზე