izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
21 ოქტომბერი, 2017
„იაპონიის უნიკალური სასკოლო სისტემა“- როგორ ზრდიან შვილებს „მომავლის ქვეყანაში“

ყველა ქვეყანაში თავისებური საგანმანათლებლო სიტემაა დანერგილი. ერთ-ერთი ყველაზე მაღალტექნოლოგიურად განვითარებული ქვეყნის, იაპონიის საგანმანათლებლო სისტემა, აბსოლუტურად განსხვავებულია სხვა ქვეყნის საგანმანათლებლო სიტემებთან და განათლების მიღება ამ ქვეყნის მოქალაქეებისათვის საბავშვო ბაღიდანვე იწყება.

პოსტში შემოგთავაზებთ რამდენიმე მაგალითს ამ უდიდესი ისტორიისა და კულტურის ქვეყნის საგანმანათლებლო სისტემის შესახებ:

 3 წლის ასაკიდან ბავშვის „საბავშვო ბაღში“ შეყვანა, სავალდებულოა ყველა მშობელისათვის. ბავშვებს ბაღიდანვე შეასწავლიან მათემატიკის საწყისებს და კითხვას. ამიტომ როდესაც ბავშვებს სასკოლო ასაკი მოუწევთ ისინი უკვე მეტ- ნაკლებად გათვითცნობიერებული არიან მათემატიკის საწყისებში და შეუძლიათ წაიკითხონ „ჰირაგანა“(მარცვლოვანი დამწერლობა, რომელიც ერთ-ერთი შემადგენელი ნაწილია იაპონური დამწერლობისა) და „კატაკანა” (გრაფიკული ფორმა იაპონური დამწერლობისა).

 ბაღის დასრულების შემდგომ ბავშვებს სკოლაში მისაღებად, აუცილებლად გამოცდების ჩაბარება უწევთ (რა თქმა უნდა მათი ასაკიდან გამომდინარე შედგენილი სისტემით). იმ შემთხვევაში თუ ბავშვი გამოცდას ვერ ჩააბარებს, იგი სწავლას აგრძელებს სპეციალურად „მოსამზადებელ სკოლაში” და მეორე სასწავლო წლის დაწყებისას, ხელმეორედ უწევს ბავშვს სკოლაში მისაღები გამოცდების ჩაბარება.

დაწყებითი განათლების მიღება ყველასათვის სავალდებულო და უფასოა. ხოლო მაღალ კლასებსა და უმაღლეს სასწავლებლებში კი ფასიანი.

დაწყებით კლასებში „საშიანო დავალება“ ბავშვებს არ მიეცემათ და იგი მხოლოდ მაღალ კლასებშია აქტუალური, შესაბამისად მაღალ კლასებში საკმაოდ რთული და დიდი მოცულობის საშიანო დავალება ეძლევათ მოსწავლეებს, ამასთანავე მათ უწევთ გაკვეთილების შესაწავლაც, რის გამოც მაღალი კლასის მოსწავლეებს მოიხსენიებენ, როგორც „ყველაზე დაკავებული ადამიანები ქვეყანაში“.

ყველა სკოლას თავისებური სტილის სხვადასხვა ფორმები გააჩნიათ.

აბსოლუტურად ყველა სკოლის შესასვლელში განლაგებულია კარადები, სადაც ბავშვები ქურთუკებს, ქუდებსა და სხვა ნივთებს ინახავენ.

უმეტეს იაპონურ სკოლაში არის მკაცრი წესი დანერგილი, რომელიც თმის ფერს შეეხება. მხოლოდ ბუნებრივი თმის ფერით შესაძლოა მაღალი კლასის მოსწავლეები გამოცხადნენ სკოლაში და მათთვის „თმის შეღებვა“ ყოვლად დაუშვებელია.

გოგონებისთვის არ შეიძლება სკოლაში მისვლა საიუველირო ნაკეთობებით და კოსმეტიკური საშუალებების შეტანაც სკოლის ტერიტორიაზე მკაცრად აკრძალულია.

ტიპიური იაპონური სასკოლო კლასი 30-40 ბავშვისაგან შედგება.

სკოლის მოსწავლეები ვალდებული არიან შეისწავლონ წერა-კითხვა სამი სხვადასხვა მეთოდებით: სწორი იაპონური იეროგლიფები, იაპონური ვერსია ჩინური იეროგლიფებისა და ლათინური ანბანი. ძირითადი სასკოლო საგნები კი გახლავთ: მათემატიკა, იაპონური სოციალური მეცნიერებები, ინფორმატიკა, კალიგრაფია, ჰაიკუ, ტრადიციული ხელოვნება, მუსიკა და ფიზკულტურა. სულ ცოტა ხნის წინათ კი იაპონურ დაწყებით კლასებში სასწავლო საგნად ინგლისური ენის შესწავლა დაემატა.

 იაპონური სკოლები მდიდარია თანამედროვე საინფორმაციო ტექნოლოგიებით, რომლებითაც მიმდინარეობს კიდეც სწავლება (ინტერნეტი და სხვა). სკოლებშიარ არსებობს „დამლაგებლის“ შტატი, აღნიშნულ მოვალეობას სასკოლო დღის დასრულების შემდეგ თავად მოსწავლეები ასრულებენ, ეს ეხება არა მარტო კლასების დალაგებას, არამედ კორიდორებისა და სკოლის ეზოების დასუფთავებასაც.

საზაფხულო არდადეგები 40 დღის მანძილზე გრძელდება, 20 ივლისიდან 31 აგვისტოს ჩათვლით. ზამთრის არდადეგები კი 10 დღე გრძელდება 26 დეკემბრიდან – 6 იანვრის ჩათვლით. საგაზაფხულო არდადეგები კი ასევე 10 დღით, 25 მარტიდან 5 აპრილის ჩათვლით.

სასწავლო წელი იაპონურ სკოლებში აპრილში იწყება, ხოლო გაკვეთილები კი იწყება 8:30 საათზე და გრძელდება 15:00-მდე. სკოლებში აკრძალულია, რაიმე საკვების ან წამლის შეტანა, ასევე ნებისმიერი სახის შოკოლადის ან ორცხობილას ჩათვლით.

უდიდესი ყურადღება ექცევა სკოლებში ფიზიკურ აღზრდასა და ჯანმრთელობას. სკოლებში არიან სპეციალურად დიეტოლოგები, რომლებიც ყურადღებას აქცევენ ბავშვების კვების რაციონს.

იაპონურ სკოლებში ყოველი სასწავლო დეტალი, გათვლილი და ხელოვნების დონემდეა აყვანილი. სწორედ ამიტომ არ არის ალბათ გასაკვირი ამ ქვეყნის უდიდესი წარმატებები მსოფლიო არენაზე. 



რას ამბობენ ჩვენზე