izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
08 აპრილი, 2020
„მასწავლებლობა ადამიანის სულში უნდა იყოს - ეს არ არის პროფესია სამსახურისთვის, ხელფასისთვის“
პროფესიის არჩევანი გენეტიკურმა ფაქტორმა განაპირობა - ბებია-ბაბუა მასწავლებლები ჰყავდა, თუმცა ამასთან ერთად, ბავშვები ძალიან უყვარს და მიაჩნია რომ მასწავლებლობა ადამიანის სულის ნაწილია და არა პროფესია სამსახურისთვის.

შორენა იმედაიშვილი ზურაბ იარაჯულის სახელობის ქალაქ თბილისის 106-ე სკოლის მეორეკლასელების დამრიგებელია და ჩვენთან საუბრისას სიამაყით ამბობს - Izrune.ge-ში ასპროცენტიანი ჩართულობა გვაქვსო. ქალბატონი შორენა izrune.ge-ს წიგნიერების დღისთვის მეორეკლასელებისთვის კითხვებსაც ამზადებს და იმაზეც გვესაუბრება, რატომაა მნიშვნელოვანი მოსწავლეების ჩართულობა პროექტში, მით უმეტეს, ახლა, როდესაც ქართული საგანმანათლებლო სისტემა სწავლების ონლაინ-რეჟიმზეა გადასული.

- პროექტში ორი წლის წინ ჩავერთეთ, როგორც კი ინფორმაცია გაჟღერდა izrune.ge-ს შესახებ. მას შემდეგ  ყველა აქტივობაში აქტიურად ვმონაწილეობთ, რასაც პორტალი გვთავაზობს და მშობელთა მაქსიმალური მხარდაჭერით მოვახერხეთ ისე, რომ ასპროცენტიანი ჩართულობა გვაქვს; მოვიპოვეთ მეგობრული კლასის, შემდეგ სუპერ კლასის წოდება და ახლა ველით მომავლის კლასის ტიტულს.



რაც შეეხება izrune.ge-ს მნიშვნელობას, მისი  როლი ძალიან დიდია მრავალმხრივი განვითარების საქმეში - ბავშვები არა მხოლოდ  ცოდნას იღებენ, არამედ ცხოვრებისეულ საკითხებშიც ერკვევიან და ისიც იციან, როგორ გამოიყენონ მიღებული ცოდნა. ეს ყველაფერი ნათლად გამოჩნდა ჩემი  ორწლიანი მუშაობის შედეგად; როდესაც გაჩნდა ისეთი კითხვები, რის შესახებაც არ სმენიათ, ან კლასში არ გვისაუბრია, ცდილობენ, მიიღონ ინფორმაცია, ეკითხებიან მშობლებს, მასწავლებლებს, რაც ძალიან მნიშვნელოვანია.

აქვე შეუძლებელია, არ აღვნიშნო მამოტივირებელი აქტივობები - დიპლომები დიდ გავლენას ახდენს ბავშვებზე... izrune.ge-ს მხრიდან ჩვენი პატარების წარმატების აღიარება განაპირობებს პროექტში მონაწილეობის სურვილს, მით უმეტეს, ახლა, როდესაც დისტანციურ სწავლებაზე ვართ გადასულები. ფაქტია - უფრო გაიზარდა izrune.ge-ს როლი და ძალიან გვეხმარება პედაგოგებს, რათა მოსწავლეებს შევთავაზოთ მრავალფეროვანი აქტივობები სახლში.

- ქალბატონო შორენა, როგორც ვიცი, izrune.ge-ს წიგნიერების დღისთვის ტესტების შედგენაში მონაწილეობთ. ალბათ ძალიან საპასუხისმგებლოა?

- რა თქმა უნდა, ეს დიდი პასუხისმგებლობაა - საკითხზე გუნდურად ვმუშაობთ და თითოეულ კითხვას გულდასმით, გააზრებით ვადგენთ, მოსწავლეების თვალით ვუყურებთ და ასეთი დამოკიდებულება გვეხმარება, წარმატებით შევარჩიოთ კითხვები.



- თქვენ ხართ ის ადამიანი, რომელიც გარკვეულწილად განსაზღვრავს, რა წაიკითხონ ბავშვებმა. არადა, პატარებს კითხვა დიდად არ უყვართ, ასეა?

- ეს ყველაფერი, ერთგვარად, მასწავლებლის ძალისხმევაზეა დამოკიდებული და მე, როგორც პედაგოგს, ამ საკითხში ძალიან დამეხმარა izrune.ge.

- ქალბატონო შორენა, თქვენი პროფესიის არჩევანი რამ განაპირობა?

- ვფიქრობ, მასწავლებლობა ადამიანის სულში უნდა იყოს; ეს არ არის პროფესია სამსახურისთვის, ხელფასისთვის, ესაა მოწოდება...თუმცა ჩემ შემთვევაში, პროფესიის არჩევანი გენეტიკურმა ფაქტორმაც განაპირობა - ბებია-ბაბუა მასწავლებლები იყვნენ... ბავშვები ძალიან მიყვარს და ხანდახან რომ დავფიქრებულვარ, სხვა რა პროფესია შეიძლებოდა ამერჩია, მაინც მასწავლებლობას ვუბრუნდები - ესაა ჩემი საქმე.

- თქვენს ბავშვებს ოთხი წლის შემდეგ ცხოვრების სხვა ეტაპზე უშვებთ. ალბათ რთულია საკუთარ აღსაზრდელებთან დამშვიდობება.

- პირველი კლასი სულ სხვა ემოციაა, სასიხარულოა, როდესაც ამდენი ანთებული, ცნობისმოყვარე თვალი გიყურებს და მაშინვე გრძნობ უდიდეს პასუხისმგებლობას. შემდეგ ოთხ წელიწადში ვცდილობ, ცოდნასთან ერთად შევძინო ის უნარ-ჩვევები, რაც ცხოვრებაში გამოადგებათ და შემდეგ უკვე, მათი გაშვების დრო დგება, რომელიც ასევე უდიდეს ემოციასთანაა დაკავშირებული - თითქოს სულის რაღაც ნაწილს ვკარგავ, თუმცა ძალას მმატებს იმის განცდა, რომ ისევ მოვლენ ჩემთან პირველკლასელები...



- ამჟამად მეორე კლასელების დამრიგებელი ბრძანდებით. არ გენატრებათ თქვენი პატარები და როგორ ამხნევებთ მათ არსებულ სიტუაციაში?

- ბავშვები მუდმივად მეუბნებიან, რომ მოსწონთ ონლაინ-გაკვეთილები, თუმცა სკოლაში ყოფნა ურჩევნიათ. მე, რა თქმა უნდა, ვცდილობ, დავამშვიდო, რომ ყველაფერი მალე ჩაივლის, ჩვენც ჩვეულ რეჟიმში განვაგრძობთ ცხოვრებას და დავუბრუნდებით სკოლას.  

რას ვიზამთ, ასე მოხდა - ჩვეულებრივი გარემოდან, უცებ, უჩვეულო გარემოში აღმოვჩნდით, მაგრამ მალევე ავუწყვეთ ფეხი ყველაფერს; დისტანციურ სწავლებაზე გადავერთეთ, ვატარებთ ონლაინ-გაკვეთილებს და გარკვეულწილად, ასე ვივსებთ სიცარიელეს - საკლასო გარემოს ხომ ვერაფერი ცვლის.


რას ამბობენ ჩვენზე