izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
27 თებერვალი, 2020
„izrune.ge-მ კლასში მეგობრული ატმოსფერო შექმნა“ - მზრუნველი პედაგოგი
მართალია, მხოლოდ რამდენიმე თვეა რაც 191-ე საჯარო სკოლის მზრუნველმა პედაგოგმა, ეკატერინე ტყემალაძემ Vბ კლასელები izrune.ge-სთან დაამეგობრა, მაგრამ, როგორც თავად აღნიშნავს, უკვე თვალსაჩინო გახდა პროექტის დადებითი გავლენა.

ეს ქალბატონი ეკატერინეს პირველი სადამრიგებლოა, მანამდე სკოლაში გახანგრძლივებულის პედაგოგი გახლდათ  და როგორც კი პატარებზე ზრუნვის საშუალება მიეცა, მაშინვე გადაწყვიტა  პროექტში ჩართვა. როგორ ემზადებოდნენ დღევანდელი „მოქალაქეობრივი აზროვნების განვითარება - გზა ევროპისკენ!“ ტესტის დღისთვის, როგორ გახდნენ ყველაზე მეგობრულები და როგორ აპირებენ სუპერ კლასის ტიტულისთვის ბრძოლას 191-ე საჯარო სკოლის მეხუთეკლასელები, izrune.ge-ს პედაგოგი ეკატერინე ტყემალაძე ესაუბრება.

- „მოქალაქეობრივი აზროვნების განვითარება - გზა ევროპისკენ!“ და ზოგადად, პროექტის ნებისმიერი წამოწყება ჩვენთვის უმნიშვნელოვანესია. ბავშვებიც უდიდესი პასუხისმგებლობით ეკიდებიან ტესტირებას. რაც შეეხება პროექტში ჩართვის მიზეზს, საქმე ის გახლავთ, რომ ჩვენი პარალელური კლასი უკვე ჩართული იყო და ასე ვთქვათ, კარგი მაგალითი  გვქონდა. მე კი წელს ავიყვანე სადამრიგებლო, ნელ-ნელა ვეცნობოდი სიახლეებს და მინდოდა, ჩემი ბავშვებიც ჩართულიყვნენ არაფორმალური განათლების პროექტებში.



- კონკრეტულად izrune.ge რატომ არჩიეთ?

- იმიტომ, რომ არის შემეცნებითი, მრავალმხრივი... პროფესიით ქართული ენისა და ლიტერატურის სპეციალისტი ვარ; წიგნიერება, განათლება, მხატვრული ლიტერატურა ჩემი პირდაპირი მოწოდებაა და ვზრუნავ, ჩემ ბავშვებს ჰქონდეთ მეტი შესაძლებლობა, მეტი ახალი გამოწვევა და მეტი დაინტერესება. სიმართლე გითხრათ, არც დამჭირვებია ბევრი ფიქრი - ჩავერთეთ პროექტში , შეძლებისდაგვარად არ გაგვიცდენია არც ერთი ტესტი, მუდმივად ვადევნებ თვალს ბავშვების ნამუშევარს, მშობლებთანაც მუდმივი კომუნიკაცია მაქვს... სწორედ მათთან ერთად ვცდილობ, ჩემმა მოსწავლეებმა პირნათლად და პასუხისმგებლობით შეასრულონ დაკისრებული ვალდებულება, ოღონდ არა - იძულებით.

- ქალბატონო ეკატერინე, თავად ბავშვები როგორ შეხვდნენ იმას, რომ მეტი კლასგარეშე ლიტერატურა უნდა ეკითხათ?

- ქართულის სპეციალისტი ვარ და ჩვენ ისედაც ვკითხულობდით კლასგარეშე ლიტერატურას. ასე რომ, „წიგნიერების დღისთვის“ რაც მოეთხოვებათ, ბავშვებს ნაწილი წაკითხული ჰქონდათ. ეს არ არის მათთვის ზედმეტი დატვირთვა, უბრალოდ, ვინ რა მოწოდებით წაიკითხავს, ესაა მნიშვნელოვანი. კითხვასთან შორს არ ვართ - კონფერენციებიც გვაქვს, განხილვებიც... ჩვენი დამატებითი ხაზიც გვაქვს და ვცდილობთ, ავყვეთ izrune.ge-ს  მოთხოვნებსაც. ჯერჯერობით ბრწყინვალე შედეგი არ გვაქვს, მაგრამ დარწმუნებული ვარ, უფრო მეტს მივაღწევთ. მთავარია, გამოწვევა გვაქვს, რომელსაც ვიღებთ, ვცდილობთ, დავძლიოთ და ვიყოთ წარმატებულები; ჯერ ყველაფერი წინ არის.



- თქვენს მოსწავლეებს, კომპიუტერზე მეტად, წიგნი უყვართ?

- ასე ხელაღებით ვერ ვიტყოდი, თუმცა ბევრი მოსწავლეა, რომელიც მეკითხება, შემდეგ რა წაიკითხოს. სიმართლე გითხრათ, კლასის ნახევარზე მეტი თუ ამას გააკეთებს, ჩავთვლი, რომ ჩემ საქმეს კარგად ვასრულებ. ყველამ ვიცით, რა არის 21-ე საუკუნის გამოწვევა, ვიცით ახალგაზრდების დამოკიდებულება ტექნოლოგიებისადმი და რომ გითხრათ, უკლებლივ ყველა წიგნი წაიკითხეს, ტყუილი იქნება, თუმცა უმეტესობას წიგნი უყვარს, სკოლაშიც მოაქვთ, დიდ შესვენებაზე კითხულობენ, ხშირად გაკვეთილების შემდეგაც ვრჩებით, განვიხილავთ, სპექტაკლებსაც ვესწრებით და ვცდილობთ, მრავალმხრივ განვვითარდეთ.

- izrune.ge-ს ტესტებს თუ განიხილავენ?

- რა თქმა უნდა... გვქონია შემთხვევები, დაუწუწუნიათ, ეს არ გვისწავლია და ჩვენი ასაკისთვის არაა შესაფერისიო. მაგრამ ამაზე ლოგიკური და საფუძვლიანი პასუხი მაქვს -  თუ გვინდა, ვიყოთ წარმატებულები, არ უნდა დავჯერდეთ იმ მოცემულობას, რაც პროგრამითაა გათვალისწინებული. შეუძლებელია არ აღვნიშნო, რომ ძალიან დიდი ენთუზიაზმი მოდის მშობლებისგანაც - მოწოდების სიმაღლეზე აქვთ აყვანილი ეს პროექტი.

- როგორც ვიცი, „მეგობრული კლასი“ ხართ...

- ჩვენ წელს გავიცანით ერთმანეთი და ვიტყვი, რომ  მეგობრულები ისედაც იყვნენ, თუმცა, როდესაც ავუხსენი არსი - უფრო ძლიერი ხარ, როცა გუნდურად მოქმედებ და ბავშვებმაც გუნდურობის პრინციპი დაინახეს, ძალიან მოეწონათ... იცით, იმაზე ბევრად უკეთესები გახდნენ, ვიდრე იყვნენ. მათ იციან, ერთმანეთის გვერდით დგომისთვის, იმისთვის, რომ ეს ჯგუფს წაადგება და კლასისთვისაა აუცილებელი, უნდა გამოძებნონ დრო და თუნდაც სწავლა დიდად არ აინტერესებდეთ, ტესტი გაიარონ. პროექტი ბევრ დადებით რამეს აკეთებს ბავშვებისთვის, მასწავლებლებისთვის, ზოგადად სკოლებისთვის და სწორედ izrune.ge იყო კარგი მაგალითი ჩემთვის, კლასში მეგობრული ატმოსფერო შემექმნა.


რას ამბობენ ჩვენზე