izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
21 თებერვალი, 2020
„izrune.ge საუკეთესო მოსწავლეების გამოვლენაში გვეხმარება“ - როგორ ემზადება დანისპარაულის საჯარო სკოლა შემაჯამებელი ტესტისთვის
23 თებერვალი „შვილებზე განსაკუთრებული ზრუნვის დღეა“ და ბავშვებიც დიდი გულმოდგინებით ემზადებიან შემაჯამებელი ტესტისთვის. გამონაკლისი არც ხულოს მუნიციპალიტეტის სოფელ დანისაპარაულის საჯარო სკოლაა, სადაც მოსწავლეებმა კარგად იციან, მზრუნველ პროექტში ჩართულობა მათი წინსვლისა თუ განვითარებისთვის სასურველი და აუცილებელიც კი არის. 

დანისაპარაულის საჯარო სკოლის დირექტორი, ბადრი გელაძე, ჩვენთან საუბარში აღნიშნავს, რომ არაფორმალური განათლება მოსწავლეების წინსვლას უწყობს ხელს, „იზრუნე“ და „ეტალონი“ კი მათ მოტივაციას ამაღლებს. ბავშვებმა იციან, მათი წარმატება ყურადღების მიღმა არ დარჩება და სწავლისადმი ერთგულებაც აუცილებლად დაუფასდებათ.
როგორ ემზადებიან დანისპარაულის საჯარო სკოლაში შემაჯამებელი ტესტისთვის და როგორ ზრუნავენ პედაგოგები და მშობლები ბავშვებზე ერთობლივად, ამას ბადრი გელაძის ინტერვიუდან შეიტყობთ.

- პირველ რიგში, მინდა, ვისარგებლო შემთხვევით და მადლობა გადავუხადო იდეის ავტორსა და პროექტის სულის ჩამდგმელებს ასეთი შესანიშნავი წამოწყებისთვის. ზოგადად, არაფორმალური განათლება მოსწავლის განვითარებისთვის უმნიშვნელოვანესია.



ყველას ხომ არ შეუძლია, სასწავლო პროცესის დროს თანაბრად გამოავლინოს საკუთარი შესაძლებლობები, იზრუნე-ს ტესტირება კი სწორედ ამის საშუალებას აძლევს მოსწავლეს. ბავშვები კითხულობენ დამატებით კლასგარეშე ლიტერატურას, უფრო აქტიურად ერთვებიან საგაკვეთილო პროცესში... გარდა ამისა, სწორედ izrune.ge გვეხმარება საუკეთესო მოსწავლეების გამოვლენაში, რამაც უდიდესი მოტივაცია გააჩინა თავად ბავშვებში.

- თქვენი სკოლა როდის ჩაერთო პროექტში, ბატონო ბადრი?

- პროექტში მისი არსებობის დღიდან ვართ ჩართულები და როგორც კი ბავშვებს პროექტის არსი ავუხსენით, მისი იდეა გავაცანით, მაშინვე დაინტერესდნენ. დღეს, მე, როგორც სკოლის დირექტორი, მართლაც ვამაყობ მათი მიღწევებით. უმთავრესი კი ისაა, რომ პროექტმა მშობელი დაუბრუნა სკოლას - მანამდე არაერთხელ გვქონდა მცდელობა, მშობლებიც ჩართულიყვნენ სასკოლო ცხოვრებაში, თუმცა ზოგჯერ ამას ვერ ვახერხებდით. izrune.ge-მ გაამარტივა კომუნიკაცია სკოლას, პედაგოგსა და მშობელს შორის. 

- დანისაპარაულის საჯარო სკოლა შემაჯამებელი ტესტისთვის როგორ ემზადება?

- შემაჯამებლ ტესტირებასაც ჩემი ბავშვები ისეთივე პასუხისმგებლობით ეკიდებიან, როგორც პროექტის ყოველ „გამოწვევას“. მათთვის ყოველი ხუთშაბათი უმნიშვნელოვანესია. საბაზო და დაწყებითი კლასის მოსწავლეებს სულ ვეუბნებით, რომ პასუხის გაცემისას არ იჩქარონ, დაფიქრდნენ... კვირიდან კვირამდე, მათ შედეგებს ვაანალიზებთ, განვიხილავთ, თუ რომელიმე საკითხი გაუგებარია, ვცდილობთ, დავეხმაროთ, ავუხსნათ, თუმცა არ გეგონოთ, რომ საქმეს ვუმარტივებთ. მათ კარგად იციან, რომ წარმატების მისაღწევად, სულ უფრო მეტი მუშაობა მოუწევთ და კითხვებიც თანდათან გართულდება. ასე რომ, ბევრს კითხულობენ, მაქსიმალურად იღებენ ინფორმაციას და შემდეგ, სწორედ შემაჯამებელი ტესტი აძლევს საშულებას, საკუთარი ცოდნა გამოავლინონ.

დღეს მხოლოდ ჩემს სკოლაში კი არა, ზოგადად, საქართველოში, ბავშვები მოწყვეტილები არიან წიგნს და არასწორად იყენებენ თანამედროვე ტექნოლოგიების სიკეთეებს. იმის მაგივრად, საგანმანათლებლო მასალა იკითხონ, ზოგი თამაშობს, ზოგი სოციალურ ქსელშია. ისიც მესმის, რა მოთხოვნები აქვთ თანამედროვე ბავშვებს, მაგრამ სწორედ izrune.ge და მსგავსი პროექტების საშუალებით ვცდილობთ, მოსწავლეებს კითხვა შევაყვაროთ. „წიგნიერების დღეს“ გოდერძი ჩოხელის მოთხრობების განხილვა მოვაწყვეთ. მართალია, სოფლის სკოლა ვართ, მაგრამ ვერ ვიტყვი, რომ მწირი ბაზა გვაქვს, ბიბლიოთეკასაც მუდმივად ვამდიდრებთ და ასე, izrune.ge-სთან ერთად, ვცდილობთ მოსწავლეების წიგნიერების დონის ამაღლებას.  



- მოსწავლეები რამდენად პასუხისმგებლობით ეკიდებიან izrune.ge-ს ტესტებს?

- ზოგადად, პროექტში მათი ჩართულობის სურვილი რომ არა, მხოლოდ მასწავლებელი და მშობელი ვერაფერს გახდებოდა. აქვთ წარმატების სურვილი და იციან, რომ izrune.ge მათ განვითარებასა და მოტივაციაზე ზრუნავს. ამას წინათ, 12-დან 10-მა კლასმა მეგობრული კლასის ტიტული მიიღო და უნდა გენახათ, ვინც ამ ტიტულის მიღმა დარჩა, როგორ დასევდიანდნენ; ახლა კი გადაწყვიტეს, მომავალში ამ ტიტულისთვის თავადაც იბრძოლონ. მუხტი შესამჩნევად მომატებულია... ასე რომ, ბაშვებისთვის izrune.ge-ს შეფასებას უდიდესი მნიშვნელობა აქვს და ჩემთვისაც, სიმართლე გითხრათ, ეს მხოლოდ ფარატინა ქაღალდი კი არა, უმნიშვნელოვანესი დოკუმენტია, რომელიც ჩემი მოსწავლეების წარმატებას უწყობს ხელს.   

- თავად რა მოლოდინი გაქვთ შემაჯამებელი ტესტისგან?

- ველი, რომ ასეთი აქტივობების შედეგად, ბავშვები სოციალურ ქსელებს ჩამოშორდებიან და მეტი პასუხისმგებლობით მოეკიდებიან სწავლას. ყოველთვის ვაკონტროლებ, რამდენად არიან ჩართულები ტესტირებაში, ყველა ერთნაირ შედეგს ვერ აჩვენებს, მაგრამ მთავარია, ბავშვი არ გრძნობს თავს უმოქმედოდ და არ რჩება ინერტული.


რას ამბობენ ჩვენზე