izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
26 დეკემბერი, 2019
როგორ ზრდიან ხარაგაულში ღირსეულ მოქალაქეებს
izrune.ge-ს 2019 წლის ბოლო შემაჯამებელი ტესტირება კარსაა მომდგარი და პატარა იზრუნელებიც გულმოდგინედ ემზადებიან ამ საპასუხისმგებლო ნაბიჯისთვის. კითხულობენ წიგნებს, ერთმანეთს რჩევებსაც აძლევენ და ამხნევებენ კიდეც... ხუმრობა ხომ არაა, საკუთარი ცოდნაც უნდა გამოავლინონ და მშობლებისა თუ მასწავლებლების მილოცვაც დაიმსახურონ.

ხარაგაულის წმინდა ანდრია პირველწოდებულის სახელობის გიმნაზიის პირველკლასელები, მასწავლებელ მაია მაღრაძესთან ერთად, izrune.ge-ს ტესტირებაში სკოლაში შემობიჯებიდანვე არიან ჩართულნი და გიმნაზიაშიც ყოველი ხუთშაბათი მათზე ზრუნვით იწყება. კლასგარეშე ლიტერატურის გაცნობა, სხვადასხვა კითხვაზე პასუხების მოძიება, შემოქმედებითი ფუსფუსი და სურვილი - იყვნენ თანატოლებზე უკეთესები, ამ სკოლის მოსწავლეების მიზანია, რომლის მიღწევაშიც დამრიგებელი - მაია მაღრაძე ეხმარება.

როგორ ჩართო პროექტში პირველკლასელები, როგორ მიაღწია ზოგადად, სკოლის ასეთ აქტივობას და რა მოლოდინი აქვს სამომავლოდ, ხარაგაულის წმინდა ანდრია პირველწოდებულის გიმნაზიის პედაგოგი გვესაუბრება, რომელიც ინტერვიუს იწყებს მოქალაქეობრივი აზროვნების განვითარების დღით - გზა ევროპისკენ.

- ყოველი თვის მეოთხე ხუთშაბათი მოქალაქეობრივი აზროვნების განვითარების დღეა და მოსწავლეების მოქალაქეობრივი აზროვნების ამოქმედებას, თანამედროვე ევროპული სახელმწიფოების, მათი ტრადიციების, ისტორიის წარმოჩენას უწყობს ხელს და ბუნებრივია, ჩვენი სკოლაც ჩართულია ამ აქტივობაში. ღია კარის დღე ჩავატარეთ და ჩვენს მოსწავლეებს გავაცანი ევროპული კულტურა, სხვადასხვა ქვეყნის ტრადიციები...



- როგორია თქვენი პატარების თვალით დანახული გზა ევროპისკენ, ქალბატონო მაია?

- ჯერ პატარები არიან და ამიტომ, საქართველოსა და ევროპის სხვა ქვეყნებს შორის სხვაობას ვერც ამჩნევენ... უფრო ზუსტად რომ ვთქვათ - ვერ წარმოუდგენიათ, რა ხდება სხვა ქვეყნებში. მე კი ვუხსნი, რაოდენ საინტერესოა ამ ქვეყნების კულტურა, მისი შესწავლა და რაოდენ მნიშვნელოვანია მათთან მეგობრობა.



- izrune.ge-ს შემაჯამებელი ტესტირებისთვის როგორ ემზადებით?

- მოსწავლეები ძალიან აქტიურობენ, სულ ცდილობენ, მიიღონ ინფორმაციები, ერთმანეთს კითხვებს უსვამენ და საკუთარ ცოდნას უზიარებენ.

- როგორ ჩართეთ პირველკლასელები პროექტში, მათ ხომ ქართული ანბანის ყველა ასო ჯერ არც იციან?

- ჩვენმა მამაომ, მამა პავლემ მთხოვა, ვყოფილიყავი პროექტის ხელმძღვანელი სკოლაში. რა თქმა უნდა, ჯერ კარგად გავერკვიე პროექტის არსში, იდეა ძალიან მომეწონა და გადავწყვიტე, ყველაზე ფართოდ ჩემს კლასში განმეხორციელებინა; მერე სხვა კლასებიც დაინტერესდნენ და ახლა თამამად შემიძლია თქმა, რომ  მთელი გიმნაზიაა ჩართული.



- მშობლები თუ გულშემატკივრობენ ბავშვებს?

- რა თქმა უნდა, მშობლის ჩართულობა უმნიშვნელოვანესია... მშობელთა კრება მოვიწვიეთ და დავარეგისტრირეთ ბავშვები, რომლებიც სწორედ მშობლების დახმარებით პასუხობენ izrune.ge-ს ტესტებს, რადგან, მოგეხსენებათ, პირველკლასელები არიან და ჯერ ყველა ასო-ბგერა არც უსწავლიათ.



- როგორი განწყობა აქვთ თქვენს პატარებს, შემაჯამებელი ტესტირების წინ?

- შემაჯამებელ ტესტირებამდეც და ზოგადად, ყოველ ხუთშაბათს ამაღლებული განწყობა აქვთ. ტესტირებას პასუხისმგებლობით ეკიდებიან და უნდა ვაღიარო - ბავშვების სურვილი და მონდომება რომ არა, ვერც მშობელი, ვერც პედაგოგი ვერაფერს გახდებოდა.

izrune.ge უდიდესი მოტივატორია ჩვენი მოსწავლეებისთვის და სხვათა შორის, ბოლომდე აცნობიერებენ, რომ ყოველი ხუთშაბათის წარმატება მხოლოდ დასაწყისია.

წარმოიდგინეთ, ერთ-ერთ მოსწავლეს როდესაც ვკითხე, რატომ არ გამოაქვეყნე ტესტირების შენი შედეგი facebook-ზე-მეთქი, მიპასუხა - ჯერ საჭირო არ არის, მასწავლებელო. მოვა დრო, ყველაფერს გავაზიარებო და ამ დროს, ეს ბიჭუნა ყოველ ტესტირებაში 100 ქულას იღებს.

მე წარმატებებს ვუსურვებ ჩემ პატარებს შემაჯამებელ ტესტირებაში და დარწმუნებული ვარ, სწორედ ასეთი აქტივობები გაუკვალავს მათ გზას ევროპისკენ.


რას ამბობენ ჩვენზე