izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
18 დეკემბერი, 2019
მთელ აჭარაში, 22 დეკემბერი „შვილებზე განსაკუთრებულად ზრუნვის დღეა“
აჭარის ა/რ სკოლის მოწავლეებისთვის „შვილებზე განსაკუთრებულად ზრუნვის დღე“ - შემაჯამებელი ტესტი გააქტიურდება 22 დეკემბერს.  აჭარის ავტონომიური რესპუბლიკის განათლების, კულტურისა და სპორტის სამინისტროს დამსახურებით აჭარაში მცხოვრები ყველა მოსწავლეს, წლის ბოლომდე, izrune.ge-ს ტესტების გავლა უფასოდ შეუძლიათ. 

საინტერესოა, როგორ ემზადებიან სკოლები ამ საპასუხისმგებლო დღისთვის; მით უმეტეს, გასათვალისწინებელია მონაწილეთა აქტივობაც და დიპლომების მიღების სურვილიც. 

ქობულეთის მუნიციპალიტეტის სოფელ სახალვაშოს საჯარო სკოლის პირველი კლასი აქტიურად ემზადება შემაჯამებელი ტესტისთვის. მიუხედავად იმისა, რომ მოსწავლეებმა სამიოდ თვეა შეაბიჯეს სკოლაში, უკვე აქტიურად არიან ჩართულები საგანმანათლებლო პროექტ izrune.ge-ში. ტესტების გავლა განსაკუთრებით იმიტომ უხარით, რომ ოქროს, ვერცხლის ან ბრინჯაოს დიპლომების მიღების საშუალება აქვთ. მშობლები კი თვალს ადევნებენ თავიანთი შვილების განვითარების და განათლების დონეს. 

როგორ ემზადებიან სახალვაშოს საჯარო სკოლის პირველკლასელები izrune.ge-ს შემაჯამებელი ტესტირებისთვის,  კლასის დამრიგებელი მანო ზოიძე საუბრობს:

- მიუხედავად იმისა, რომ ჩემმა ბავშვებმა მხოლოდ სამი თვეა, სწავლა დაიწყეს და ჯეროვნად მშობლიურ ანბანსაც არ გასცნობიან, აქტიურად ვართ ჩართულები izrune.ge-ს პროექტში, რომელიც თითოეული ჩვენგანისთვის დამატებითი მოტივაციაა... უნდა ნახოთ, პატარები როგორი ინტერესით ჩაუსხდებიან ხოლმე ხუთშაბათობით ტესტებს; შეუძლებელია, არ აღვნიშნო, რომ კითხვებიც ზუსტადაა მორგებული მათ ასაკობრივ კატეგორიაზე.
მშობლებიც ძალიან აქტიურობენ, თვალს ადევნებენ თავიანთი შვილების განათლების დონეს და წარმატებას... ბავშვების მიღწევების შესახებ საერთო ჯგუფში საუბრობენ, განიხილავენ, რა საკითხებს უნდა დაუთმონ მეტი ყურადღება.



- ქალბატონო მანო, პირველკლასელთა ჩართვა ტესტირებაში ალბათ ადვილი არ იყო?

- რაც მთავარია, თითოეულ მათგანს ზედმიწევნით ავუხსენით, რა სახის ტესტირებას სთავაზობდა izrune.ge; როგორც უკვე აღვნიშნე, კითხვებიც ზუსტადაა მორგებული მათ ასაკობრივ კატეგორიას და პროექტში მონაწილეობა ხელს შეუწყობდა გონებრივ განვითარებას; გარდა ამისა, ბავშვები უკეთ გამოავლენდნენ საკუთარ შესაძლებლობებს, გაეცნობოდნენ კლასგარეშე ლიტერატურას და ჩამოუყალიბდებოდათ თანატოლებთან კომუნიკაციის უნარები... ჩემმა პატარებმა დიდი ადამიანებივით მომისმინეს და ყველაფერი აბსოლუტურად ზუსტად გაიგეს. ასე რომ, დიდი ძალისხმევა არ დამჭირვებია.

- და დაგთანხმდნენ ეკითხათ წიგნები? - ბავშვებისთვის ინტერნეტი უფრო ახლობელია.

-  სისტემატიურად ვუკითხავთ სხვადასხვა ლიტერატურას, ვცდილობთ, მაქსიმალური ინფორმაცია მიიღონ, რათა ტესტირებაზე უკეთესი შედეგი ჰქონდეთ და ვფიქრობ, ვახერხებთ ბავშვების წიგნისკენ შემობრუნებას.



- როგორ ემზადებით შემაჯამებელი ტესტირებისთვის... რა მოლოდინი გაქვთ, ქალბატონო მანო?

- ყველაფერი ინდივიდუალურია და არცთუ მარტივია პროგნოზის გაკეთება, როდესაც პირველკლასელებზე ვსაუბრობთ; მთავარია, ბავშვებმა იციან -  შემაჯამებელ ტესტზე მეტი მოეთხოვებათ და შესაბამისად, მეტი პასუხისმგებლობით უნდა მიუდგნენ ამ საკითხს.  წინასწარ რაიმეს თქმა მიჭირს. ვნახოთ, როგორ გაართმევენ თავს - რა ტესტი იქნება მომზადებული, ეს ხომ ჯერ არავინ იცის. ამიტომაც ბავშვები მორალურადაც მზად არიან - თუ რაიმე კითხვას სწორად ვერ უპასუხებენ, ეს ტრაგედია არაა და შემდგომში მეტი უნდა იმუშაონ საკუთარ თავზე. მე კი, როგორც პედაგოგი, ძალიან კმაყოფილი ვარ  პროექტით და მზად ვარ, izrune.ge-სთან ერთობლივი მუშაობისთვის.


რას ამბობენ ჩვენზე