izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
29 ოქტომბერი, 2019
გაიცანით მოსწავლე, რომელმაც შემაჯამებელი დღის ტესტი აჭარაში პირველმა და პირველად გაიარა
izrune.ge-ზე 27 ოქტომბრის შემაჯამებელი დღის ტესტი აჭარაში პირველმა და პირველად, ხელვაჩაურის მუნიციპალიტეტის ჭარნალის საჯარო სკოლის მეორე კლასის მოსწავლემ, ნათია აბაშიძემ, გაიარა. 

პატარა ნათია და მისი დედა შედეგით კმაყოფილები არიან და უნდათ izrune.ge-ს აქტიური წევრები გახდნენ.  
izrune.ge ტესტირების გავლის შემდეგი ემოციისა და შთაბეჭდილების გასაზიარებლად ნათიას და მის დედას ესაუბრა.

ხელვაჩაურის მუნიციპალიტეტის ჭარნალის საჯარო სკოლის მეორე კლასის მოსწავლე ნათია აბაშიძე:

„izrune.ge-ს ტესტები ძალიან მომეწონა. ყველა შეკითხვამ ძალიან დამაინტერესა. ტესტებს რომ ვკითხულობდი, დედიკო გვერდით მეჯდა და რასაც ვერ ვიგებდი, მეხმარებოდა. ამოცანები ძალიან მომეწონა. პასუხები სწორად გავეცი.
სახლში წიგნებს ვკითხულობ, ვიმახსოვრებ და დედას ვუყვები. სკოლაში რომ მივდივარ, მერე მასწავლებელსაც ვეუბნები.
izrune.ge-ს ტესტებზე ჩემი მეგობრებიც მუშაობენ. izrune.ge-ს წევრი მომავალშიც მინდა ვიყო.“



ნათია აბაშიძის დედა ნონა დიასამიძე:

-ქალბატონო ნონა, როგორ მოგეწონათ izrune.ge-ს შემაჯამებელი ტესტირება?

- ძალიან კარგი საიტი და ტესტებია. ბავშვების ინტელექტის განვითარებას ძალიან უწყობს ხელს. მოსწავლეებს ცოდნის გამოვლენის საშუალება აქვთ და ძალიან მომწონს.
ჩემი შვილი, ნათია, დიდ ემოციებში იყო, ძალიან გაუხარდა. ბავშვებისთვის ძალიან წამახალისებელია დიპლომებს რომ იღებენ.
ნათიამ უკვე ყოველი დღე იცის, izrune.ge-ზე ტესტირება როდის იქნება. ძალიან მონდომებულია. ტესტებს თავისით აკეთებს. ტელეფონში izrune.ge-ს აპლიკაცია მაქვს გადმოწერილი და აპლიკაციით ვსარგებლობთ. 

- თქვენი აზრით, რა როლი აქვს izrune.ge-ს მშობლების გააქტიურებაში შვილის აღზრდა-განათლება-წახალისების პროცესში ?

- ტესტირების დღეს მშობლებიც აქტიურად ელოდებიან, რომ პორტალზე თავიანთი შვილები შეიყვანონ. ასე შვილების აზროვნებას ამოწმებენ, აკვირდებიან ბავშვებს რა ცოდნა აქვთ, როგორ ვითარდებიან თვიდან თვემდე. ჩემი აზრით, ეს ძალიან მნიშვნელოვანია.
მე და ჩემი შვილი ტესტირებას ერთად გავდივართ. შეკითხვებს დამოუკიდებლად პასუხობს, უბრალოდ შეკითხვებსა და სავარაუდო პასუხებს მე ვუკითხავ ხოლმე. რასაც ვერ ხვდება, ვუხსნი. მეორეკლასელია და სჭირდება რაღაცების ახსნა, რა როგორ არის.
მოუთმენლად ველოდებით „წიგნიერების დღეს“. მინდა ჩემმა შვილმა ყველა ტესტი გაიაროს და „იზრუნეში“ აქტიურად ჩაერთოს.
თავდაპირველად izrune.ge-ში ჩართვა ჩვენთვის ფასიანი იყო, მერე გვითხრეს, რომ აჭარის განათლების, მეცნიერებისა და სპორტის სამინისტროს დამსახურებით აჭარაში მცხოვრები ყველა მოსწავლისთვის izrune.ge-ს ტესტების გავლა უფასოდ არის შესაძლებელი, დიდი მადლობა მათ ამისთვის. 

- ნათიას კლასში izrune.ge-ს ტესტირება რამდენად აქტუალურია?

- ჩემი შვილის კლასში izrune.ge-ში თითქმის ყველა ბავშვი აქტიურად არის ჩართული. ტესტირების პროცესს მასწავლებელიც აქტიურად ადევნებს თვალს. ყოველთვის გვეკითხება ტესტები როგორი იყო, ადვილი თუ რთული, მოსწავლეებმა რამდენი ქულა დააგროვეს, როგორი დიპლომი მიიღეს და ასე შემდეგ. წინასწარაც გვაფრთხილებს, რომ ტესტის დღე არ გამოგვრჩეს. ძალიან კმაყოფილები ვართ და პორტალზე მომავალშიც აქტიურად ჩავერთვებით.

შეგახსნებთ, რომ 14 ნოემბერს, izrune.ge-ზე „წიგნიერების დღე“ იქნება!


რას ამბობენ ჩვენზე