izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
08 ოქტომბერი, 2019
„izrune.ge-მ მშობლები გააერთიანა“- გაიცანით ვინ ადგენს კითხვებს თქვენის შვილების წიგნიერების გასაზრდელად
izrune.ge-ზე ყოველი თვის მეორე ხუთშაბათი „წიგნიერების დღეა“. ამ დღისთვის საქართველოს მასშტაბით I-IV კლასის  მოსწავლეებს შეკითხვები თბილისის N106 საჯარო სკოლის კვალიფიციურმა პედაგოგებმა შეუდგინეს.
izrune.ge თბილისის N106 საჯარო სკოლის დირექტორს, თენგიზ გულორდავასა და შეკითხვების ერთ-ერთ ავტორს, პედაგოგ ელზა ჭიკაძეს ესაუბრა, რომელმაც სკოლის შეფასებით, განსაკუთრებით საინტერესო შეკითხვები შეადგინა.

-ბატონო თენგიზ, რამდენად საინტერესო იყო თქვენთვის და თქვენი პედაგოგებისთვის გემუშავათ შეკითხვებზე, რომლებიც მოსწავლეთა წიგნიერების დონის ამაღლებას ისახავს მიზნად?

-შეკითხვებზე მუშაობა ძალიან საინტერესო იყო. პროცესში 24 პედაგოგი იყო ჩართული. ტესტების შედგენაში ძალიან დიდი შრომაა ჩადებული. რამდენიმე ათასი კითხვის შედგენა არ არის სახუმარო საქმე, მით უმეტეს, როდესაც საუბარია მოსწავლეთა ასაკის შესაბამის ძალიან მაღალი დონის შეკითხვებზე.
პედაგოგების მუშაობა ძალიან ნაყოფიერი იყო. ჩემი მასწავლებლები განსაკუთრებით კმაყოფილები არიან, რადგან ძალიან დიდი ბედნიერებაა, როდესაც ტესტებს არა მარტო საკუთარი სკოლისთვის, არამედ საქართველოს მასშტაბით უამრავი სკოლის ათასობით მოსწავლისთვის ამზადებ.



-რის მიხედვით შეარჩიეთ შეკითხვების ავტორი პედაგოგები?

-ვინაიდან შეკითხვებს დაწყებითი კლასებისთვის ვადგენდით, დაწყებითი საფეხურის პედაგოგები შევარჩიე. თუმცა თითო ჯგუფზე თითო ფილოლოგი მაღალი საფეხურიდან დავამატეთ. გვინდოდა შრომა ნაყოფიერი ყოფილიყო და რაიმე შეცდომა არ გაპარულიყო. ყველა დიდი პრაქტიკის მქონე მასწავლებელია.

-რამდენად მნიშვნელოვანად მიგაჩნიათ მოსწავლეთა წიგნიერების დონეზე ზრუნვა დაწყებითი კლასებშივე დაიწყოს?

-კომპიუტერმა ბავშვები წიგნს ფაქტობრივად მოაშორა. ბატონი გოჩა ტყეშელაშვილის იდეა  ბრწყინვალეა, რომ ყოველი თვის მეორე ხუთშაბათი „წიგნიერების დღე“ იყოს. პროექტს ჩვენი პედაგოგების ძალიან დიდი მხარდაჭერა აქვს. მათ სურთ ბავშვები წიგნს დაუბრუნდნენ. 

-მუშაობის პროცესში რაიმე სირთულეებს ხომ არ გადააწყდით?

-წასაკითხ მასალასთან დაკავშირებით პირველკლასელების გაფრთხილება ცოტა პრობლემური იყო, რადგან ჯერ სკოლაშიც არ იყვენენ დარეგისტრირებული. თუმცა გამოსავალი აქაც ვიპოვე. მშობლებისთვის izrune.ge-ს სპეციალური ბუკლეტები დავამზადე და როდესაც სკოლაში ბავშვის ჩასარიცხად დოკუმენტაცია მოჰქონდათ, თან ვატანდი. ბუკლეტიდან ეცნობოდნენ აგვისტოში და სექტემბერში რა უნდა წაეკითხათ.
izrune.ge-ში ჩემი სკოლის დაახლოებით 700 მოსწავლეა ჩართული. ძალიან დიდი აქტიურობა შეინიშნება I-V კლასებში. დაბალ საფეხურზე ჩართულობის კოეფიციენტი თითქმის 95%-ია. მაღლა და მაღლა ცოტა კლებულობს.



-თქვენი აზრით, რა არის ამის მიზეზი?

-ჩემი აზრით, მათი შედარებით ნაკლები ჩართულობა იმისი ბრალია, რომ ბავშვები ძალიან  გადატვირთულები არიან, იქნება ეს სპორტი თუ სხვა აქტივობები. ვფიქრობ, ძირითადად, ეს არის ხელისშემშლელი ფაქტორი. ალბათ, ცოტა სხვა მიმართულებით მოგვიწევს მუშაობა.

-როგორია მშობლების ჩართულობა და დაინტერესება izrune.ge-თ?

-მშობლები ძალიან მონდომებულები არიან. შარშან სცადეს, izrune.ge-ში ჩაერთნენ და წელს უკვე თვითონ ითხოვენ ჩართვას. წელს, მით უმეტეს, „წიგნიერების დღე“ და „სამოქალაქო აზროვნების განვითარების დღე- გზა ევროპისკენ“ დაემატა. უძლიერესი პროექტია და მშობლები მათი შვილების განათლების საქმეში izrune.ge-ს დადებით ეფექტებს ხედავენ.
რაც მთავარია, მამები ჩაერთნენ თავიანთი შვილების აღზრდა-განათლების საქმეში. მამები შვილებთან ერთად მუშაობენ ტესტებზე და ზუსტად ეს არის პროექტის სიძლიერე. მამები და შვილები ამ კუთხით დაახლოვდნენ.
სოციალური ქსელი აჭრელებულია ჩემი სკოლის მოსწავლეების ოქროს და ვერცხლის დიპლომებით. უნდა ნახოთ მამებთან როგორი სიამაყით აფრიალებენ ამ დიპლომებს. ოჯახისთვის დიდი ბედნიერებაა ამის ხილვა. ტესტირების შედეგი რამოდენიმე წამში იდება და ეს პატარებისთვის ძალიან დიდი მოტივაციაა. კარგია, რომ ასეთი მაგარი პროექტი არსებობს.

-როგორ შეაფასებთ izrune.ge-ს პროექტის მნიშვნელობას ახალგაზრდებისთვის?

-საგანმანათლებლო სივრცეში „ეტალონზე“ და izrune.ge -ზე ძლიერი პროექტი არ მეგულება. ძალიან კარგია სამოქალაქო აზროვნების განვითარების კუთხითაც რომ დადგინდა ერთი დღე- „გზა ევროპისკენ“. ბავშვები ყველა მიმართულებით ვითარდებიან და სწორედ ეს არის შედეგის მომცემი. დარწმუნებული ვარ, რომ ამ პროექტს წინ ძალიან დიდი წარმატება ელოდება. 

ელზა ჭიკაძე- თბილისის N106 საჯარო სკოლის  მეოთხე და პირველი კლასების დამრიგებელი.

-ქალბატონო ელზა, თქვენ გაფასებენ როგორც განსაკუთრებულად საინტერესო შეკითხვების ავტორს. რამდენად საინტერესო აღმოჩნდა თქვენთვის izrune.ge-ს პროექტში ჩართვა?

-პროცესი მართლაც ძალიან საინტერესო იყო. თავდაპირველად ნიმუში მოგვცეს, კითხვა როგორ უნდა შეგვედგინა. ეს ყველაფერი ჩემს თავში ძალიან კარგად რომ გავიაზრე, მერე ერთ მოთხრობას მოვკიდე ხელი და ამ სისტემით დავიწყე მუშაობა. შეკითხვები ჩემს მეგობრებს რომ ვაჩვენე, ძალიან მოეწონათ. ჯგუფის ხელმძღვანელი მეუბნებოდა მოსწავლის თვალით ვუყურებ შენს შედგენილ ტესტებს და ძალიან კმაყოფილი ვარო. მოხარული ვარ ჩემს შეკითხვებს უკუკავშირი რომ მოჰყვა.
წლებია კვირაში ერთხელ მოსწავლეებს ტესტებს ვუმზადებ. როდესაც შეკითხვა ტექსტის გააზრებაზეა ვიცით, რომ მარტივიდან რთულისკენ უნდა წავიდეს. ზოგიერთი შეკითხვა დაფარული აზრის გამოვლენას ემსახურება, ზოგიერთის პასუხები კი ტექსტში პირდაპირ არის მოცემული. რადგან დაწყებითი საფეხურის მოსწავლეებისთვის ვამზადებდით შეკითხვებს, შეკითხვის წინ ტექსტიდან პატარა მონაკვეთები მოგვყავდა, რათა მოსწავლეებისთვის რაღაცები შეგვეხსენებინა. ამ კითხვების შედგენისას მთელი ზაფხული სასიამოვნოდ გავატარე.



-პირველკალსელების izrune.ge-ში აქტიურად ჩასართველად თქვენ განსაკუთრებულ მეთოდს მიმართეთ. მოგვიყევით თქვენი იდეის შესახებ.

-პირველ კლასში ახალი პროექტს ვიწყებ სახელწოდებით izrune.ge-ს წიგნიერების დღე მშობლებთან ერთად“. პირველკლასელებმა რადგან კითხვა არ იციან, მასალებს მშობლები წაუკითხავენ. პირველ ეტაპზე ორი მშობელი გვესტუმრება სკოლაში და რაც იქნება ანონსში იმ მასალებს წაიკითხავენ. შემდეგ თვეში სხვა ორი მშობელი მოვა და ა.შ.  პირველი შეხვედრა ამ ოთხშაბათს გვექნება.
მშობლებს ეს შეთავაზება გაუხარდათ. თვითონ გამოთქვეს სურვილი პირველი ჩვენ ვიქნებითო. ვხედავ, რომ ეს მოსწავლეებში  მოტივატორი გახდა და მშობლებშიც ერთიანების განცდა შექმნა. სკოლის მიზანი მშობელთა ჩართულობის გაზრდაა და ამაში izrune.ge ძალიან დაგვეხმარა.

„izrune.ge ტესტირების ინოვაციური პორტალია, სადაც მოსწავლეებს საშუალება აქვთ საკუთარი კლასის შესაბამისად  სპეციალური ალგორითმით შექმნილი ინდივიდუალური და მამოტივირებელი ტესტები გაიარონ. პორტალზე ყოველი თვის მეორე ხუთშაბათი „წიგნიერების დღე“, ხოლო ყოველი თვის მეოთხე ხუთშაბათი „მოქალაქეობრივი აზროვნების განვითარების დღე - გზა ევროპისკენ“ არის. მოსწავლეები შემაჯამებელ ტესტს, მშობლის ჩართულობით, ყოველი თვის ბოლო კვირა დღეს - „შვილებზე განსაკუთრებულად ზრუნვის დღეს“ აკეთებენ.


რას ამბობენ ჩვენზე