izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
03 ივლისი, 2019
სიყვარულითა და მზრუნველობით სექტემბრიდან შევხვდებით...- როგორი იყო განვლილი სასწავლო წელი Izrune.ge- სთან ერთად

კიდევ ერთი სასწავლო წელი დასრულდა... შემეცნებისა და წინსვლის გზა ინოვაციურმა აქტივობებმა და მზრუნველმა მიდგომებმა კიდევ უფრო დაუვიწყარი გახადა მოსწავლეებისთვის.

მრავალრიცხოვნებითა და უამრავი წარმატებით, თამამად შეიძლება ითქვას, რომ Izrune.ge-მ მთავარი მიზნის მიღწევა შეძლო - ოჯახის, ბავშვისა და სკოლის გაერთიანება,  მოზარდებში მოქალაქეობრივი აზროვნება განამტკიცა და ინდივიდუალურ-გუნდური მიდგომებით ხუთშაბათი და ყოველი თვის ბოლო კვირა დღე მოსწავლეებისთვის წარმატების დღესასწაულად აქცია.

Izrune.ge ამაყობს საქართველოს ნიჭიერი მომავალი თაობით და კიდევ დიდხანს  წაახალისებს მათ შემეცნებასა და წინსვლას.

მოსწავლეებო, სწორედ თქვენთან ერთად გაიზრდება და განვითარდება Izrune.ge, რომელიც სექტემბრიდან მრავალ საინტერესო და სახალისო სიახლეს შემოგთავაზებთ.

მანამდე კი, მოდით, პორტალის წარმატებულ გამოცდილებას ეტაპობრივად მივყვეთ და Izrune.ge- ს შედეგები სკოლებთან ურთიერთობის მენეჯერ მანანა გეგიასთან ერთად შევაჯამოთ:

- რა მიზნით შეიქმნა Izrune.ge?

- „ეტალონის“ 15-წლიან გამოცდილებაზე დაყრდნობით, საქართველოს მასშტაბით მოსწავლეებთან და პედაგოგებთან უშუალო კომუნიკაციის წყალობით, კარგად ვიცნობთ ქვეყნის საგანმანათლებლო სივრცესა და არსებულ გამოწვევებს.  სამწუხარო რეალობა იყო, რომ სოციალური ფაქტორების გათვალისწინებით, მშობელი შვილსა და სააღმზრდელო-სასწავლო პროცესს ჩამოშორდა და მთლიანად მის გაზრდაზე გადაერთო (ამ ორ ცნებას შორის კი დიდი განსხვავებაა). შედეგად მივიღეთ პასიური სასკოლო ცხოვრება, რაც მოსწავლეთა სამომავლო წარმატებებზე და ბუნებრივია, ქვეყნის წინსვლაზე უარყოფითად აისახა. ამდენად, Izrune.ge-მ მთავარ მიზნად ოჯახის, ბავშვისა და სკოლის გაერთიანება და მოზარდში მოქალაქეობრივი აზროვნების ჩამოყალიბება დაისახა...

- როგორი იყო Izrune.ge-ს პირველი ნაბიჯები?

- პორტალის ავტორი „ეტალონის“ წამყვანი, ბატონი გოჩა ტყეშელაშვილი გახლავთ, რომელმაც თავის გუნდთან ერთად მთელი საქართველო ფეხდაფეხ შემოიარა და საზოგადოებას პროექტის არსი გააცნო. საჭიროებიდან და მაღალი ინტერესიდან გამომდინარე, Izrune.ge-ს მთელმა საგანმანათლებლო საზოგადოებამ დაუჭირა მხარი, მოსწავლეებთან და მშობლებთან სამუშაო შეხვედრები გაიმართა და იდეის ეფექტური განხორციელებისთვის კონკრეტული ნაბიჯები დაისახა, ჩამოყალიბდა „თბილისის სკოლების სათათბირო“,  თანამოაზრეობით,  დაუღალავი შრომითა და ერთი მიზნის ირგვლივ გაერთიანებით შეიქმნა Izrune.ge ისეთი, როგორიც არის...



- და როგორია Izrune.ge?

- ინოვაციური, შემეცნებითი და მამოტივირებელი პორტალია, რომელიც ინდივიდუალურ-გუნდურ მიდგომებს ეფუძნება. აბსოლუტურად ყველა კლასისთვის, თითოეული მოსწავლისთვის უნიკალურ ტესტებს 100 გამორჩეული პედაგოგი ადგენს. მშობელთან ან მზრუნველთან ერთად კითხვების გავლის შემდეგ მოსწავლეები წამახალისებელ ბრინჯაოს, ვერცხლისა და ოქროს დიპლომებს იღებენ, მშობლები შვილების აღზრდისა და განათლების დონეს სისტემურად ადევნებენ თვალს და აქტიური კომუნიკაცია აქვთ პედაგოგებთან, რათა საჭირო მიმართულებით გააძლიერონ სწავლება. აღსანიშნავია, რომ პორტალი თანამედროვე ტექნოლოგიებს ეფექტურად იყენებს და ყოველი მოსწავლის არა მხოლოდ შედეგებს, არამედ ამ შედეგების ანალიზსაც გვთავაზობს, რაც სკოლის მიერ გაწეული შრომისა და ეფექტურობის მნიშვნელოვანი ინდიკატორია.

Izrune.ge, ამავდროულად,  გუნდურ მიდგომებს ნერგავს და ამკვიდრებს აზრს, რომ კლასის წარმატება თითოეული მოსწავლის განვითარებაზეა დამოკიდებული. ბუნებრივია, ყველა მშობელს სურს, რომ მისი შვილი ჯანსაღ, მეგობრულ და კონკურენტუნარიან გარემოში აღიზარდოს. ამდენად, პორტალში ჩართულობისა და კლასის საშუალო შედეგების მიხედვით, „მეგობრული“, „სუპერი“ და ,,მომავლის კლასები“ შევქმენით და წარმატებული სადამრიგებლოები  წავახალისეთ.  ,,მეგობრული კლასები“, რომლებმაც 2018-2019 სასწავლო წელს  6-ჯერ და მეტჯერ მოიპოვეს  ,,სუპერ კლასის“ წოდება და  ,,მომავლის კლასები“ გახდნენ, სექტემბერში სტატუსის დამადასტურებელ დიპლომებს მიიღებენ.  

- როგორია უკუკავშირი ოჯახის, ბავშვისა და სკოლის მხრიდან?

- „იზრუნეს“ რედაქციაში დიპლომებისა და წარმატებული ისტორიების ცვენაა... გვეხმიანებიან მოსწავლეები, მშობლები და პედაგოგები, რომლებიც საკუთარ მზრუნველ გამოცდილებასა და ინოვაციურ მიდგომებს გვიზიარებენ. მოტივაციის ასამაღლებლად კლასებში წარმატების დიპლომებს აკრავენ, შედეგებს აუმჯობესებენ, მშობელთა მონაწილეობით ფორუმებს ქმნიან და შიდასასკოლო წამახალისებელ მიდგომებს ამკვიდრებენ.  Izrune.ge-ზე მათი აქტივობა მრავალმხრივ შუქდება და მზრუნველი წარმატება მთელი საქართველოსთვის გადამდები გახდა...



-    პორტალის მაღალტექნოლოგიურ მონაცემებზე დაყრდნობით,  როგორია ჩართულობისა და შედეგების სტატისტიკა?  

-   პროექტის თანამოაზრე 1600-მდე სკოლა  გახლავთ საქართველოს მასშტაბით, 30,000-ზე მეტი მომხმარებელი.  გვყავს 36 „მეგობრული“, 21 „სუპერ კლასი“. ამას ემატება ათასობით მოტივირებული მოსწავლე, გახარებული მშობლები და ბედნიერი დამრიგებლები.

-     რა სიახლეები გველის სექტემბრიდან Izrune.ge-ზე?

-   პორტალი მიღწეულ შედეგებს არასდროს ჯერდება და მუდმივ წინსვლაზეა ორიენტირებული. მომავალი სასწავლო წლიდან Izrune.ge-ს დიდი და წარმატებული ოჯახის წევრებს მრავალ სიახლეს შევთავაზებთ - ყოველი თვის მეორე ხუთშაბათი პორტალზე „წიგნიერების დღედ“ გამოცხადდება, რაც მოსწავლეთა ზოგად განათლებას მნიშვნელოვნად აამაღლებს, ხოლო ყოველი მეოთხე ხუთშაბათი პროექტს „გზა ევროპისკენ“ დაეთმობა, რომელიც მოზარდში მოქალაქეობრივი აზროვნების განვითარებას შეუწყობს ხელს.

ასევე სექტემბრისთვის მზა იქნება პორტალის მობილური აპლიკაცია, რაც ტესტებზე წვდომას ბევრად გაამარტივებს, განსაკუთრებით მაღალმთიანი რეგიონებისთვის. იგეგმება პორტალის ანიმაციებით  გამრავალფეროვნებაც, რომ სწავლება უფრო სახალისო და მოტივირებული გახდეს.  ასე რომ, საქართველოს საგანმანათლებლო სივრცის ნოვატორი Izrune.ge, თანამოაზრეებთან ერთად სექტემბრიდან დიდი სიახლეებით დაგიბრუნდებათ!



რას ამბობენ ჩვენზე