izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საინტერესო ამბები
26 ივნისი, 2019
„ეროვნული გამოცდები პირველ რიგში იმის გამოცდაა, თუ როგორ ვმართავთ სტრესს“- რჩევები აბიტურიენტებს

საყოველთაო ეროვნული გამოცდების წინ აბიტურიენტთა მღელვარება პიკს აღწევს. ეს სწორედ ის პერიოდია, როდესაც მრავალწლიანი მეცადინეობის შედეგებმა უნდა განსაზღვროს მოსწავლის მომავალი- მოხვდება აბიტურიენტი მის საოცნებო ფაკულტეტზე, თუ სხვა, ალტერნატიულ გზებზეც უნდა იფიქროს.

ყველაზე მნიშვნელოვანი გამოცდების წინ, სრული მობილიზება, მღელვარების დაძლევა და შედეგებზე ფიქრია. Izrune.ge  გთავაზობთ „ეშმაკურ“ ხერხებს იმისთვის, რომ გამოცდებზე თავდაჯერებულები იყოთ.

ფსიქოლოგების თქმით, „ეროვნული გამოცდები პირველ რიგში იმის გამოცდაა, თუ როგორ ვმართავთ სტრესს.“  სხვადასხვა ქვეყნებში, სტუდენტები „სტრესის ვარჯიშებს“ წინასწარ აკეთებენ. მაგალითად, კონკრეტული ჯგუფი ეროვნული გამოცდების ინსცენირებას აწყობს. ამის შედეგად გონება სტრესულ სიტუაციებს უფრო მომზადებული ხვდება.

აუცილებელია გამოცდის დაწყებამდე მოსადუნელბელი, ე.წ. სარელაქსაციო ვარჯიშები ჩაატაროთ. ამაში ღრმად და ნელა სუნთქვა დაგეხმარებათ. წყნარი და საყვარელი მუსიკის მოსმენა ერთი საათით ადრე კი თქვენს განწყობას აამაღლებს.

ცოტაოდენი შავი შოკოლადი ტვინის მუშაობას აუმჯობესებს. თუმცა, შოკოლადის გარდა არსებობს ვრცელი ჩამონათვალი იმ პროდუქტებისა, რაც აბიტურიენტის ყოველდღიურ რაციონში უნდა შედიოდეს.

კენკრა, განსაკუთრებით კი მოცვი, რომელიც მეხსიერებისათვის არაჩვეულებრივია.

ნიგოზი და სხვა თხილეული - ეს პროდუქტი ანტიოქსიდანტების შემცველობის გამო ებრძვის თავისუფალი რადიკალების მიერ უჯრედების დაზიანების პროცესს. ამასთან, შეიცავს ომეგა 3-ს და აუმჯობესებს ტვინის ფუნქციონირებას. აკონტროლებს ტვინში სეროტონინის დონეს, რომელიც პასუხისმგებელია ჩვენს განწყობაზე.

ოსპი და ლობიო - შეიცავს პროტეინებს, ვიტამინებს, უჯრედისს, ფოლის მჟავას, მაგნიუმს და მდიდარია ნახშირწყლებით და  ტვინისთვის აუცილებელი გლუკოზის კარგი წყაროა. ააქტიურებს ტვინის ფუნქციებს.ავოკადო ძალიან სასარგებლო პროდუქტია ტვინისთვის. მასში შემავალი ცხიმი ხელს უწყობს ტვინში სისხლის მიმოქცევას, რაც მის მუშაობას აუმჯობესებს, არეგულირებს სისხლის მაღალ წნევას.

პომიდორი ძლიერი ანტიოქსიდანტია და იცავს ტვინის უჯრედებს დაზიანებისგან. ასევე ძლიერ ანტიოქსიდანტს – პოლიფენოლს შეიცავს  წითელი კომბოსტოც.

ისპანახი და მასთან ერთად სხვა მწვანე ბოსტნეული ვიტამინ C- ს ნამდვილი საბადოა. სასარგებლოა ტვინის ქსოვილების აღდგენისთვის, აუმჯობესებს მეხსიერებას და კონცენტრირების უნარს.

ძალიან სასარგებლო პროდუქტია კვერცხი. ის ტვინისთვის ენერგიის წყაროა, შეიცავს პროტეინებს, სელენიუმს.

და ბოლოს, წყალი!  ადამიანის ორგანიზმის 70% სწორედ წყალია, ტვინში კი ის 80% იკავებს. ტვინის მემბრანების ფუნქციონირებისთვის სწორედ წყალია საჭირო.  

გახსოვდეთ, რომ  ყველაზე მნიშვნელოვანი მშობლების მოლოდინია. ფსიქოლოგების აზრით, მშობლებმა მოსწავლე გამოცდებისთვის ბავშვობიდანვე უნდა შეამზადონ. მოლოდინი იმისა, რომ მისი შვილი საუკეთესოა და შეცდომის დაშვების უფლება არ აქვს, ფსიქიკაზე ძალიან მოქმედებს. არასოდეს წაუყენოთ თქვენს შვილს ისეთი მოთხოვნები, რომელიც გადაჭარბებულია.

Izrune.ge  გისურვებთ წარმატებებს...



რას ამბობენ ჩვენზე