იზრუნე ტესტები
| მთავარი | საგანმანათლებლო სიახლეები | სკოლამდელი აღზრდა | რჩევები მშობლებს | საინტერესო ამბები |
izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
მე-9, მე-10, მე-11 და მე-12 კლასის ტესტები
ყველა მოსწავლისთვის
X
საგანმანათლებლო სიახლეები
21 ივნისი, 2019
„სამოქალაქო ცნობიერების ამაღლება ქვეყნის წინსვლისთვის არსებითად მნიშვნელოვანია“ - „გზა ევროპისკენ“ თქვენთან შესახვედრად ემზადება
ინოვაციური საგანმანათლებლო პორტალი Izrune.ge სექტემბრიდან უპრეცენდენტო სიახლეს გთავაზობთ.
ყოველი თვის მეოთხე ხუთშაბათი პორტალზე სამოქალაქო განათლების დღე იქნება და საქართველოს მოსწავლე-ახალგაზრდებში მოქალაქეობრივი აზროვნების განვითარებას შეუწყობს ხელს.
ქართული კულტურა და საქართველოს ისტორიული არჩევანი – გზა ევროპისკენ მასშტაბური, ინოვაციური, მაღალტექნოლოგიური და ინდივიდუალურია პროექტია, რომელიც საქართველოს ეროვნული ინტელექტ-ჩემპიონატ „ეტალონისა“ და ქუთაისის საგანმანათლებლო რესურსცენტრის ხელმძღვანელის, მაია ცქიტიშვილის თანამოაზრეობით ხორციელდება.
„დირექტორებთან დიდი დისკუსია გვქონდა და შევჯერდით ჯანსაღ აზრზე, რომ მოსწავლეთა მრავალმხრივი განვითარებისთვის საგანმანათლებლო ინოვაციებისთვის ფეხის აწყობა და Izrune.ge-ში ჩართვა ძალიან მნიშვნელოვანია. პორტალთან ერთად სასკოლო ცხოვრება აქტიურდება და ოჯახებიც სისტემურად ადევნებენ შვილების განათლება-განვითარებას თვალს, ნათლად ხედავენ სად სჭირდებათ დახმარება და რა მხრივაა მუშაობა გასაძლიერებელი. ჩვენი თანამშრომლობით იწყება ახალი პროექტი „მოქალაქეობრივი აზროვნების განვითარება- გზა ევროპისკენ“, რომლის მეშვეობითაც მოსწავლეები მრავალსაუკუნოვან და სამომავლო ღირებულებებს თავად დააკვირდებიან და გააანალიზებენ. პორტალში ჩართულობა თავისუფალი აზროვნების, გახსნილი გზებისა და უცხოელი მეგობრების შეძენის წინაპირობაა, განათლებული და კონკურენტუნარიანი თაობა სამშობლოს საზღვრებს მიღმა ღირსეულად წარადგენს. Izrune.ge კი თანამედროვე საგანმანათლებლო პროცესებში მონაწილეობისთვის მზა პროდუქტს გვთავაზობს. დიდი ენთუზიაზმით ჩავერთეთ პროექტში, კითხვების შედგენაში ქუთაისის 6 თანამოაზრე სკოლა მონაწილეობს და მომავალი თანამშრომლობისთვის დანარჩენი სკოლების მზაობაც დიდია. Izrune.ge-ს ოჯახების მხრიდანაც დიდი გამოხმაურება აქვს და მეტ ჩართულობას ველოდებით,-“ პროექტის გენერალური მენეჯერი მაია ცქიტიშვილი.
დაწყებითი, საბაზო და დამამთავრებელი კლასების მიხედვით კითხვებს ქუთაისის 6 სკოლიდან 78 გამოცდილი პედაგოგი ადგენს:
I - II კლასები - ქუთაისის N17 საჯარო სკოლა - დირექტორი ირინე ჯგერენაია;
III - IVკლასები - ქუთაისის N12 საჯარო სკოლა- დირექტორი ნათია სულავა;
V - VI კლასები - ქუთაისის N1 საჯარო სკოლა - სალომე სარალიძე;
VII - VIII კლასები - ქუთაისის N30 საჯარო სკოლა- დირექტორი მიხეილ გიორგაძე;
IX - X კლასები - ქუთაისის N2 საჯარო სკოლა - დირექტორი მურად ჯიშკარიანი;
XI - XII კლასები - ქუთაისის N23 საჯარო სკოლა - დირექტორი ნესტან სიხარულიძე.
წარმატებული დირექტორები პროექტის „გზა ევროპისკენ“ მნიშვნელობაზე საუბრობენ:
IX - X კლასების ჯგუფის ხელმძღვანელი, ქუთაისის N2 საჯარო სკოლის დირექტორი მურად ჯიშკარიანი:
„გზა ევროპისკენ საქართველოს არჩევანია. სამოქალაქო ცნობიერების ამაღლება ქვეყნის წინსვლისთვის არსებითად მნიშვნელოვანია და ჩვენი სკოლა ამ კუთხით მრავალ საინტერესო აქტივობაში წარმატებით ერთვება. აქტიურად ვთანამშრომლობთ Izrune.ge-სთან, პროექტის ფარგლებში IX- X კლასების ტესტების შედგენაზე 15 პროფესიონალი პედაგოგი მუშაობს და სექტემბრიდან ინოვაციური მიდგომა თითოეული მოსწავლისთვის იქნება ხელმისაწვდომი.“
XI- XII კლასების ჯგუფის ხელმძღვანელი, ქუთაისის N23 საჯარო სკოლის დირექტორი ნესტან სიხარულიძე:
„როგორც კი Izrune.ge-მ არჩევანი ჩვენს სკოლაზე შეაჩერა, ტესტების შედგენა აქტიურად დავიწყეთ. მოგეხსენებათ, სამუშაო დიფერენცირებულია და სხვადასხვა სკოლას სხვადასხვა კლასი აქვს აღებული, ჩვენ XI - XII კლასები შეგვხვდა. პროფესიონალ პედაგოგების მიერ შედგენილ ტესტებში გამჭოლ კომპეტენციად ყველგან ჩანს ევროპული განათლება, ვცდილობთ, საკითხები ისე შევარჩიოთ, რომ მოქალაქეობრივი პასუხისმგებლობა კარგად იყოს გათვალისწინებული. სწორი აქცენტების გაკეთებაში სკოლაში არსებული სამოქალაქო კლუბ „ევროინიციატორების“ წარმატებული გამოცდილება გვეხმარება. ისინი ერთერთი პირველები იყვნენ, ვინც ნატო-ევროკავშირის კუთხის ორგანიზებასა და მრავალ საინტერესო პროექტში მონაწილეობდნენ და დღემდე საპრიზო ადგილებს არ თმობენ.“
გზა ევროპისკენ - აღსანიშნავია, რომ პროექტი სოციალური დატვირთვისაა და უსასყიდლოდ გავრცელდება ყველა იმ მოსწავლეზე, რომელიც 2019 – 2020 სასწავლო წელს ჩართულია Izrune.ge -ში.
ამავე თემაზე იხილეთ ბმული 1, ბმული 2.
რას ამბობენ ჩვენზე
