izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
12 ივნისი, 2019
„წიგნიერების დღე“ - ეს არის გასაღები ზოგადი განათლების პრობლემების მოგვარებისა“ - Izrune.ge-სთან ერთად სკოლები მორიგი წარმატებისთვის ემზადებიან

ინოვაციური საგანმანათლებლო პორტალი Izrune.ge  მიღწეულ წარმატებას არასდროს ჯერდება და მუდმივ განვითარებაზეა ორიენტირებული.

მოგეხსენებათ, სულ მალე ყოველი თვის მეორე ხუთშაბათი Izrune.ge-ზე „წიგნიერების დღე“ იქნება და პროექტი საქართველოს მოსწავლე-ახალგაზრდებში  წიგნიერების ამაღლების სისტემურ-ეფექტური მეთოდის დროულ ამოქმედებას შეუწყობს ხელს.

თბილისის N 11; N 29; N 94; N 106; N133; N 167 საჯარო სკოლების სახით, შესაბამისი ლიტერატურისა და კითხვების შედგენაში პორტალის გამორჩეულად აქტიური და წარმატებული სკოლები მონაწილეობენ.

„წიგნიერების დღისთვის“ საინტერესო კითხვებს 77 მზრუნველი პედაგოგი ამზადებს და სულ მალე ჩვენს იზრუნელებს საინტერესო ლიტერატურული თავგადასავალი ელით.

თბილისის N133 საჯარო სკოლის ლიდერი დირექტორი ლიანა ფუტკარაძე:

„წიგნიერება განსაზღვრავს ცხოვრების ტრაექტორიას და თუ გვინდა, რომ ახალგაზრდებმა 21-ე საუკუნის გამოწვევებს წარმატებით აუწყონ ფეხი, მათ, პირველ რიგში, კითხვითი უნარ-ჩვევები უნდა განვუვითაროთ. „წიგნიერების დღე“ - ეს არის გასაღები ზოგადი განათლების პრობლემების მოგვარებისა. ამ კუთხით, მრავალი წელია, ჩვენი სკოლა არაერთ აქტივობაში წარმატებით ერთვება. „ეტალონისა“ და Izrune.ge-ს მადლიერი ვარ, იმდენად, რამდენადაც პროექტები მოსწავლეთა მოტივაციას ზრდის და მათ წინსვლას ახალისებს. ჩვენი სკოლის 6 პედაგოგი მთელი საქართველოს მეთერთმეტეკლასელებისთვის ადგენს ტესტებს. და რადგან ჩვენ ამ პროექტის ერთერთი წამყვანი და ძლიერი სკოლა ვართ, იმედი გვაქვს, რომ „წიგნიერების დღე“ ჩვენი მოსწავლეების შედეგებზე დადებითად აისახება.“

თბილისის N94 საჯარო სკოლის ლიდერი დირექტორი ნინო გახარია:

„ჩვენი სკოლა „წიგნიერების დღის“ შემოღებას მიესალმება  და Izrune.ge-სთან ამ კუთხითაც წარმატებით თანამშრომლობს.  ჩვენი პედაგოგები, ფილოლოგთა ექვსკაციანი ჯგუფი მე-12 კლასისთვის შესაბამის კითხვებს ადგენს. საგანმანათლებლო ინოვაციებთან ერთად არაერთი წარმატებული ნაბიჯი გადაიდგა, თუმცა,  ბუნებრივია, კარგად ვიცნობთ არსებულ განათლებისა და განვითარების დონეს და ვთვლით, რომ  ეს წამოწყება კიდევ ერთი ძალიან დიდი  ბიძგისმიმცემი იქნება წიგნიერების ამაღლების კუთხით.“


ახლა კი, გთავაზობთ  ივლისი-აგვისტოში წასაკითხი წიგნების სიას კლასების მიხედვით:


I კლასი 

იაკობ გოგებაშვილის: „უსუნო ყვავილი“,  „ვანო და ჩიტი“,  „მუხა და ლერწამი“,  „დაკარგული ბავშვი“,  „მკვეხარა ქოთანი“,  „მუქთამჭამელა.“

II  კლასი 

ქართული ხალხური ზღაპრები : „კოკროჭინა“, „მეჩონგურე“, „ნადირთა ძმობა“, „ლომი და მელია“, „ხელმწიფის შვილისა და ხელმწიფის ამბავი.“

III კლასი 

იაკობ გოგებაშვილის : „ფუტკარი“, „მერცხალი“, „თამარ მეფე“, „მარო და მერცხალი“, „ერეკლე მეფე და ინგილო ქალი“.

IV კლასი 

ნოდარ დუმბაძის : Hellados, „ხაზარულა“, „ძაღლი“.

V კლასი

ნოდარ დუმბაძე - „ბოშები“ , „ძაღლი“

კონდრატე თათარაშვილი - „მამელუქი“

ჰანს კრისტიან ანდერსენი - „თოვლის დედოფალი“
 
VI კლასი

ილია ჭავჭავაძე - „სარჩობელაზედ“

ვაჟა-ფშაველა  - „კლდემ მხოლოდ ერთხელ თქვა“

მაინ რიდი - „თეთრი თათმანი“
 
VII კლასი

ალფონს დოდე - „ტარასკონელის თავგადასავალი“

რევაზ ინანიშვილი - „გოგონა, ღამე რომ შეუყვარდა“
 
VIII კლასი

გიორგი ლეონიძე - „ჩირიკი და ჩიკოტელა“, „მოხუცი გუთნისდედის სიკვდილი“

ნოდარ დუმბაძე - „მზიანი ღამე“, „სისხლი“, „ დიდრო“, „ძაღლი“
 
IX კლასი 

ართურ კონან დოილი - „ბასკერვილების ძაღლი“, „მოცეკვავე კაცუნები“

მაინ რიდი - „უთავო მხედარი“

ნოდარ დუმბაძე - „მე ვხედავ მზეს“
 
X კლასი 

გ. დოჩანაშვილი - „ერთი რამის სიყვარული“, „ცალ-ცალკე ერთად“

ნოდარ დუმბაძე - „ნუ გეშინია დედა“ 
 
XI კლასი 

ჟიულ ვერნი -  „კაპიტან გრანტის შვილები“

ჯოან როულინგი - „ჰარი პოტერი“

ჩარლზ დიკენსი - „დევიდ კოპერფილდი“

ერნესტ ჰემინგუეი - „მოხუცი და ზღვა“

ჭაბუა ამირეჯიბი - „დათა თუთაშხია“

დათო ტურაშვილი - „ჯინსების თაობა “

ჯემალ ქარჩხაძე - „იგი “
 
XII კლასი

გი დე მოპასანი - „ლამაზი მეგობარი“

ტოლკიენი - „ბეჭდების მბრძანებელი“

ჯეკ კერუაკი - „გზაზე“

ფიოდორ დოსტოევსკი - „დანაშაული და სასჯელი“

გოდერძი ჩოხელი - „ადამიანთა სევდა “

კონსტანტინე გამსახურდია - „მთვარის მოტაცება“

დათო ტურაშვილი - „ტყეების მეფე“

გრიგოლ რობაქიძე - „გველის პერანგი“


რას ამბობენ ჩვენზე