izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი,

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე. 

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განივთარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირა დღეს „შვილებზე განსაკუთრებულად ზრუნვის დღეს“, მშობლის თანდასწრებით. ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, კლასის შესაბამის საგნობრივ კითხვებთან ერთად ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება. 

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კლასის შესაბამის საგნობრივ კითხვებთან ერთად შესული იქნება კითხვები შეთავაზებული ნაწარმოებებიდან. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის III ხუშაბათი პორტალზე „ინგლისური ენის ტესტის დღეა“ - თქვენ გექნებათ საშუალება ინგლისური ენის 5 დონიანი ტესტიდან აირჩიოთ სასურველი დონე და გაიაროთ ტესტი სირთულის მიხედვით.  

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ტესტის მიზანია მოსწავლეებში მოქალაქეობრივი ცნობიერების ამაღლება. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტრო. 

მშობლებისთვის კი ყოველი თვის ბოლო კვირა დღე „შვილებზე განსაკუთრებულად ზრუნვის დღედ“ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, გახსნათ შემაჯამებელი ტესტი და პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით.

მიმღები ბანკი: ს.ს. „ თიბისი ბანკი“

მიმღების ანგარიში: GE82TB7994636080100007

მიმღების სახელი: შპს ეტალონი-განათლება

დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.   გადახდა სწრაფი ჩარიცხვის ნებისმიერი აპარატით 

გადახდა სწრაფი ჩარიცხვის TBC Pay, Express Pay და Paybox აპარატებით, მოსწავლის პროფილის 6 ციფრიანი ნომრით.


ინდივიდუალური პაკეტის ღირებულება:


1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:

1 თვე - 10 ლარი
5 თვე - 50 ლარი
10 თვე 100 ლარი

სოციალური პაკეტი - განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები. თანამოაზრე სკოლის თითოეული მოსწავლისთვის პაკეტის ღირებულება შეადგენს 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

ბავშვებზე მზრუნველო ოჯახებო შვილთან ერთად დააგროვეთ სტატუს ვარსკვლავები, მიიღეთ დიპლომები და გაუზიარეთ მთელ საქართველოს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 110 122

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო სიახლეები
08 ივნისი, 2019
მზადება „წიგნიერების დღისთვის“ - გთავაზობთ ივლისი-აგვისტოში წასაკითხი წიგნების სიას

ინოვაციური საგანმანათლებლო პორტალი Izrune.ge  მიღწეულ შედეგებსა და წარმატებას არასდროს ჯერდება და მუდმივ განვითარებასა და სიახლეების დანერგვაზეა ორიენტირებული.

მოგეხსენებათ, სულ მალე ყოველი თვის მეორე ხუთშაბათი Izrune.ge-ზე „წიგნიერების დღე“ იქნება და პროექტი საქართველოს მოსწავლე-ახალგაზრდებში  წიგნიერების ამაღლების სისტემურ-ეფექტური მეთოდის დროულ ამოქმედებას შეუწყობს ხელს.

შესაბამისი ლიტერატურისა და კითხვების შედგენაში პორტალის გამორჩეულად აქტიური და წარმატებული სკოლები მონაწილეობენ, თბილისის N 11; N 29; N 94; N 106; N133; N 167 საჯარო სკოლების სახით.

„წიგნიერების დღისთვის“ საინტერესო კითხვებს 77 მზრუნველი პედაგოგი ამზადებს და სულ მალე ჩვენს იზრუნელებს საინტერესო ლიტერატურული თავგადასავალი ელით.

თბილისის N106 საჯარო სკოლის ლიდერი დირექტორი თენგიზ გულორდავა:

„წიგნიერების დღის შემოღება, მართლაც რომ, გენიალური იდეაა. არ ვიცი რა სიტყვებით შევამკო ბატონი გოჩა მსგავსი საგანმანათლებლო ინოვაციების დამკვიდრებისთვის. პრაქტიკამ გვიჩვენა, რომ კომპიუტერმა ბავშვი საერთოდ ჩამოაშორა წიგნს, ეს წამოწყება კი მოსწავლეებს მეტი კითხვისა და წიგნთან ურთიერთობის სტიმულს მისცემს. I-IV კლასების კითხვების შედგენაზე ჩემი სკოლიდან 24 პროფესიონალი პედაგოგი მუშაობს და იმდენად წარმატებით, რომ რამდენიმე თვის მასალა წინასწარ აქვთ მომზადებული.“

თბილისის N167 საჯარო სკოლის ლიდერი დირექტორი ელენე ფუტკარაძე:

„წიგნიერების დღის ფარგლებში, V,VI,VII კლასების კითხვების შესადგენად, ჩვენი სკოლის გამოცდილი პედაგოგები შეიკრიბნენ და მოსწავლეების ასაკობრივი, ინტელექტუალური და კულტურული მონაცემების გათვალისწინებით შესაბამისი ლიტერატურა შეარჩიეს. ზოგადად, ჩვენი სკოლა საგანმანათლებლო ინოვაციებში წარმატებით ერთვება და მოსწავლეები ოქროს დიპლომებს სიხარულით აგროვებენ. იმედი მაქვს, წიგნიერების დღესაც საუკეთესო შედეგს ვაჩვენებთ და აქტიურად გავაგრძელებთ თანამშრომლობას. მინდა, დიდი პატივისცემა გამოვხატო ბატონი გოჩა ტყეშელაშვილისა და Izrune.ge-ს მთელი შემოქმედებითი ჯგუფის მიმართ.“

ახლა კი, გთავაზობთ  ივლისი-აგვისტოში წასაკითხი წიგნების სიას კლასების მიხედვით:


I კლასი 

იაკობ გოგებაშვილის: „უსუნო ყვავილი“,  „ვანო და ჩიტი“,  „მუხა და ლერწამი“,  „დაკარგული ბავშვი“,  „მკვეხარა ქოთანი“,  „მუქთამჭამელა.“

II  კლასი 

ქართული ხალხური ზღაპრები : „კოკროჭინა“, „მეჩონგურე“, „ნადირთა ძმობა“, „ლომი და მელია“, „ხელმწიფის შვილისა და ხელმწიფის ამბავი.“

III კლასი 

იაკობ გოგებაშვილის : „ფუტკარი“, „მერცხალი“, „თამარ მეფე“, „მარო და მერცხალი“, „ერეკლე მეფე და ინგილო ქალი“.

IV კლასი 

ნოდარ დუმბაძის : Hellados, „ხაზარულა“, „ძაღლი“.

V კლასი

ნოდარ დუმბაძე - „ბოშები“ , „ძაღლი“

კონდრატე თათარაშვილი - „მამელუქი“

ჰანს კრისტიან ანდერსენი - „თოვლის დედოფალი“
 
VI კლასი

ილია ჭავჭავაძე - „სარჩობელაზედ“

ვაჟა-ფშაველა  - „კლდემ მხოლოდ ერთხელ თქვა“

მაინ რიდი - „თეთრი თათმანი“
 
VII კლასი

ალფონს დოდე - „ტარასკონელის თავგადასავალი“

რევაზ ინანიშვილი - „გოგონა, ღამე რომ შეუყვარდა“
 
VIII კლასი

გიორგი ლეონიძე - „ჩირიკი და ჩიკოტელა“, „მოხუცი გუთნისდედის სიკვდილი“

ნოდარ დუმბაძე - „მზიანი ღამე“, „სისხლი“, „ დიდრო“, „ძაღლი“
 
IX კლასი 

ართურ კონან დოილი - „ბასკერვილების ძაღლი“, „მოცეკვავე კაცუნები“

მაინ რიდი - „უთავო მხედარი“

ნოდარ დუმბაძე - „მე ვხედავ მზეს“
 
X კლასი 

გ. დოჩანაშვილი - „ერთი რამის სიყვარული“, „ცალ-ცალკე ერთად“

ნოდარ დუმბაძე - „ნუ გეშინია დედა“ 
 
XI კლასი 

ჟიულ ვერნი -  „კაპიტან გრანტის შვილები“

ჯოან როულინგი - „ჰარი პოტერი“

ჩარლზ დიკენსი - „დევიდ კოპერფილდი“

ერნესტ ჰემინგუეი - „მოხუცი და ზღვა“

ჭაბუა ამირეჯიბი - „დათა თუთაშხია“

დათო ტურაშვილი - „ჯინსების თაობა “

ჯემალ ქარჩხაძე - „იგი “
 
XII კლასი

გი დე მოპასანი - „ლამაზი მეგობარი“

ტოლკიენი - „ბეჭდების მბრძანებელი“

ჯეკ კერუაკი - „გზაზე“

ფიოდორ დოსტოევსკი - „დანაშაული და სასჯელი“

გოდერძი ჩოხელი - „ადამიანთა სევდა “

კონსტანტინე გამსახურდია - „მთვარის მოტაცება“

დათო ტურაშვილი - „ტყეების მეფე“

გრიგოლ რობაქიძე - „გველის პერანგი“


რას ამბობენ ჩვენზე