izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საინტერესო ამბები
11 მაისი, 2019
როდესაც ოჯახში ერთი ბავშვი იზრდება - რას ამბობს დედისერთებზე მეცნიერება

დედისერთებმა არ იციან გაზიარება და მხოლოდ საკუთარი თავი უყვართ - ეს სტერეოტიპები თაობიდან თაობას გადაეცემა. საინტერესოა საიდან ჩაეყარა მათ საფუძველი?

ყველაფერი მარტივი გამოკითხვით დაიწყო

ჯერ კიდევ 1898 წელს ცნობილმა ამერიკელმა პედაგოგმა იუჯინ უილიამ ბოჰანონმა მის მიერ ჩატარებული გამოკითხვის შედეგები გამოაქვეყნა, რომელშიც 200 ადამიანი მონაწილეობდა (იმ დროისთვის ეს კვლევის ჩატარების ახალი ფორმა იყო). ამ ადამიანებს სთხოვდნენ დაესახელებინათ თვისებები, რომლებიც მათ ნაცნობ დედისერთებს ახასიათებდათ.

196 შემთხვევაში გამოკითხვის მონაწილეები ასეთ ბავშვებს აღწერდნენ როგორც ძალიან გათამამებულებს და ეგოისტურებს.

ბოჰანონს მიღებულ შედეგებს კოლეგები დაეთანხმნენ და იდეა იმის შესახებ რომ ერთადერთი ბავშვი - ძალიან ცუდია, საზოგადოებაში ფართოდ გავრცელდა.

XX საუკუნის დასაწყისში ოჯახში ერთადერთი ბავშვის პორტრეტს კიდევ ერთი დეტალი დაემატა - მშობლების მხრიდან ჰიპერმზრუნველობის გამო, რომლებიც ბავშვისკენ მიმართავენ არა მხოლოდ მთელ სიყვარულს, არამედ ყველა თავის შიშსა და შფოთვებს, ის სუსტი ნერვების მქონე იპოქონდრიკი იზრდებოდა.

ბავშვები ძლიერი ემოციური კავშირით

პირველი დედისერთებს ტექსასის შტატის უნივერსიტეტის ფსიქოლოგი  ტონი ფელბო გამოექომაგა. 1986 წელს მან გამოაქვეყნა სტატია ამ თემაზე ჩატარებული 200-ზე მეტი სხვა კვლევიდან მიღებული მონაცემთა ანალიზის შედეგებით.

აღმოჩნდა, რომ დედისერთა და დედმამიშვილიანი ბავშვების პიროვნულ მახასიათებლებს შორის განსხვავება არ არის.

ფელბომ, სინამდვილეში, მხოლოდ ერთი განსხვავება იპოვა - დედისერთებს უფრო მტკიცე ემოციური კავშირი აქვთ მშობლებთან, ვიდრე ბავშვებს მრავალშვილიანი ოჯახებიდან.

ფელბოს დასკვნები მოგიანებით სხვა კვლევებმაც გაამყარეს, მათ შორის ბავშვთა ფსიქოლოგების ანდრეას კლოკეს და სვენ შტადტმიულერს 2018 წელს ჩატარებულებმა. მკვლევარებმა გამოკითხვების შედეგები გააანალიზეს, რომლებშიც დაახლოებით ათი ათასი გერმანელი მოსწავლე მონაწილეობდა.

ყველაფერთან ერთად, კლოკე და შტადტმიულერი ბავშვებისა და მშობლების ურთიერთობის ხარისხს აქცევდნენ ყურადღებას. ეს კრიტერიუმი აჩვენებს, რამდენად მსუბუქად და მარტივად შუძლია ბავშვს დაიწყოს საუბარი მშობლებთან მისთვის მნიშვნელოვან თემებზე.

შედეგად გაირკვა, რომ ყველაზე მეტად საკუთარი პრობლემების მშობლებთან განხილვა სწორედ დედისერთებს უმარტივდებათ.
მეორე ადგილზე პირველი შვილები არიან, მესამეზე - შუათანა, ბოლო ადგილზე კი ოჯახის უმცროსი ბავშვები.

მაგრამ მიუხედავად კარგი ურთიერთობისა დედისერთა ბავშვებს ხშირად გული სწყდებათ, რომ მათ არ ჰყავთ ერთგული თანაშემწე თამაშებში, ისე, როგორც მათ, ვინც ძმებთან და დებთან ერთად იზრდება. სკოლამდელი ასაკის დედისერთა ბავშვები არც თუ იშვიათად წარმოსახვით მეგობრებს იგონებენ, მაგრამ ამის შესახებ ღელვა არ ღირს - ასეთი თამაში ბავშვს სხვა ბავშვებთან ურთიერთობის უნარს უვითარებს.

ჩემპიონები წარმოსახვით მეგობრებში

ოჯახის ერთადერთ ბავშვებში მაინც აღმოაჩინეს ზოგიერთი პიროვნული განსაკუთრებულობა. ჩინელი ფსიქოლოგის ძიან ცის ჩატარებულმა ახალმა კვლევამ აჩვენა, რომ დედისერთებს დიდად არ უყვართ კომპრომისებზე წასვლა, თანამშრომლობა და სხვა ადამიანების თანაგრძნობა.  ფსიქოლოგმა 126 დედისერთა და 170 დედმამიშვილიანი სტუდენტის ფსიქიკური შესაძლებლობები  და პირადი მახასიათებლები გატესტა.

ოჯახის ერთადერთმა ბავშვებმა ტოლერანტობის ტესტში ნაკლები ქულა დააგროვეს.

ტოლერანტული ხალხი ალტრუისტულია, მზად არის დაეხმაროს, ითანამშრომლოს და თანაუგრძნოს სხვებს. მაგრამ ამასთან ერთადერთ ბავშვებს აღმოაჩნდათ უფრო კრეატიული, მოქნილი აზროვნება, ვიდრე მათ, ვინც ძმასთან ან  დასთან იზრდებოდა. შესაძლოა იმიტომ, რომ მათ ადრეული ასაკიდან თამაშის დროს მხოლოდ საკუთარ ფანტაზიის და გამომგონებლობის იმედი ჰქონდეთ.

იმაზე, თუ როგორი გაიზრდება ერთადერთი ბავშვი, დიდი რაოდენობით ფაქტორი ახდენს გავლენას.

პირველ რიგში - განვითარების ის შესაძლებლობები, რომელსაც მისთვის ოჯახი უზრუნველყოფს. ერთადერთი ბავშვები, როგორც წესი, იზოლაციაში არ ცხოვრობენ და სხვა ბავშვებთან ურთიერთობას არ არიან მოკლებული - ისინი საბავშვო ბაღებში, სხვადასხვა წრეებზე და სკოლაში დადიან.



რას ამბობენ ჩვენზე