izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
04 მაისი, 2019
„ტესტების გავლის შემდეგ კლასელები სულ Izrune.ge-ზე ვლაპარაკობთ“ - კუხის საჯარო სკოლის წარმატებული გამოცდილებიდან

ყოველი ხუთშაბათი და „შვილებზე განსაკუთრებულად ზრუნვის დღე“ Izrune.ge-სთან ერთად ემოციურ მოლოდინსა და წარმატებას უკავშირდება.

პორტალის მრავალრიცხოვან ოჯახის წევრთა შორის კუხის საჯარო სკოლის მესამე კლასმა განსაკუთრებული აქტივობითა და მზრუნველობით გამოიჩინა თავი.

გამორჩეული კლასის დამრიგებლის, ეკა ლიპარტელიანის შეფასებით, Izrune.ge სასკოლო ცხოვრებას მეტად აქტიურს, ერთიანსა და წარმატებულს ხდის:

„სიხარულით მინდა აღვნიშნო, რომ მოსწავლეთა წინსვლის მოტივაცია Izrune.ge-სთან ერთად მნიშვნელოვნად გაიზარდა და მშობლებიც აქტიურად ერთვებიან სასკოლო ცხოვრებაში. ერთობლივი ძალებით მაქსიმალური აქტივობითა და წარმატებით ვერთვებით პორტალში. განსაკუთრებულად ვემზადებით ტესტების დღისთვის, საგაკვეთილო მასალასთან ერთად დამატებით ინფორმაციას ვიძიებთ და ხშირად განვიხილავთ ხოლმე მოსულ საკითხებს. საიტის ინოვაციური მიდგომებით მეც ბევრს ვსწავლობ ბავშვებთან ერთად. მნიშვნელოვანია პროექტის ინდივიდუალურ-გუნდური მიდგომები, რადგან კლასის წინსვლა თითოეული ბავშვის წარმატებაზე, მათ ერთიანობასა და ურთიერთდახმარებაზეა დამოკიდებული. ჯანსაღი კონკურენციის პირობებში, მეგობრული განწყობით უკვე დავიწყეთ მაისის შემაჯამებელი ტესტისთვის მზადება და Izrune.ge-სთან ერთად დიდი წარმატების მოლოდინი გვაქვს.“

გიორგი ქურასბედიანი მესამე კლასის ერთერთი წარმატებული წევრია. ყოველთვის განსაკუთრებით ელის ტესტები დღეს და ნახატიანი კითხვები, სახალისო ანიმაცია და წამახალისებელი დიპლომები მოსწონს. გამორჩეულად ქართული ენის კითხვები აინტერესებს და ახარებს, როდესაც ტესტებში ნაცნობი საკითხები ხვდება:

„მე და ჩემი კლასელები ტესტების დღეს განსაკუთრებით ველოდებით ხოლმე. მანამდე მასწავლებელთან ერთად ვემზადებით, რომ წარმატების დიპლომები დავაგროვოთ. იზრუნეს საინტერესო კითხვები და სახალისო ანიმაცია აქვს, რაც მე და ჩემს მეგობრებს გამორჩეულად მოგვწონს.“

გიორგის დედას, ლალი ქაშიბაძეს Izrune.ge-ს ინოვაციური და მამოტივირებელი მიდგომები მოსწონს. ამბობს, რომ ყოველი ტესტის დღე შემეცნების ზეიმად იქცა და პორტალთან ერთად მოსწავლეები განათლებულ პიროვნებებად ყალიბდებიან:

„იზრუნეს ტესტებთან ერთად ჩვენი შვილები მრავალმხრივ ვითარდებიან, აქვთ სწავლისადმი მეტი ინტერესი და დიდი ყურადღებით, მონდომებითა და სიამაყით აგროვებენ მზრუნველ დიპლომებს. რა გითხრათ, ყველა მშობელს უხარია თავისი შვილის წარმატება და მისთვის ჯანსაღი საგანმანათლებლო გარემოს შექმნა. მინდა, წარმატებები ვუსურვო გიორგისა და მის კლასს პორტალთან ერთად.“

მესამე კლასის ერთერთი მეგობრული წევრი ნინი დავაძეა, მისთვის მზრუნველი ტესტების გავლა დიდ ემოციებსა და ოქროს დიპლომების მოპოვების სურვილს უკავშირდება:

„ყოველთვის ძალიან ველოდები ტესტების დღეს. დედასთან ერთად ვჯდები კომპიუტერთან და ვცდილობ თავი მოვიწონო ცოდნით. ვნერვიულობ კიდეც, არ მინდა არასწორად ვუპასუხო კითხვებს. განსაკუთრებით ხელოვნებისა და ისტორიის კითხვები მიყვარს და მახარებს დიპლომების მოპოვება. მეორე დღეს კლასელები სულ იზრუნეზე ვლაპარაკობთ და ერთმანეთს ვუზიარებთ წარმატებას.“

ნინიზე Izrune.ge-სთან ერთად დედა, სოფიო მეტრეველი ზრუნავს:

„100%-ით ვერთვებით და ვგულშემატკივრობთ პორტალს. იზრუნესთან ერთად სასწავლო პროცესი მეტად სახალისო და საინტერესო გახდა ბავშვებისთვის. მშობლებიც ძალიან ჩავერთეთ სასკოლო ცხოვრებაში, რაც Izrune.ge-სა და ჩვენი დამრიგებლის დაუღალავი შრომის შედეგია. მახარებს, რომ საგანმანათლებლო ინოვაციებით ნინი თანაკლასელებთან ერთად ცხოვრებისთვის მნიშვნელოვან უნარებს იძენს და ბავშვები გულწრფელად იზიარებენ ერთმანეთის წარმატებას.“



რას ამბობენ ჩვენზე