izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საინტერესო ამბები
19 დეკემბერი, 2018
რჩეული დამრიგებელი 71-ე სკოლიდან
განათლების, მეცნიერების, კულტურისა და სპორტის სამინისტროში  etaloni.ge-სა და  izrune.ge-ს ერთობლივი კონკურსის - „ჩვენი კლასის მზრუნველი დამრიგებელი“ გამარჯვებულები და რჩეულები გამოვლინდნენ. პირველ ადგილზე თბილისის N71 საჯარო სკოლა გავიდა: III კლასის დამრიგებლის, ეკატერინე მაისურაძის ფოტომ  4 ათასი მოწონება მოიპოვა.   3,5 ათასი მოწონება დააგროვა ამავე სკოლის I კლასის დამრიგებლის, ლედი ელიაშვილის  ფოტომ.

ამჯერად საკუთარი ემოციები დაწყებითი კლასის პედაგოგმა  მშობლებთან ერთად გაგვიზიარა.

ლედი ელიაშვილი, I კლასის დამრიგებლი:

„ამ კონკურსის შესახებ სოციალური ქსელიდან გავიგეთ. მშობლებისა და ბავშვების თხოვნით მივიღე მონაწილეობა. ასეთი სახის შეჯიბრებები ძალიან მნიშვნელოვანია, რადგან მაღლდება როგორც მასწავლებლის, ასევე მოსწავლეებისა და მშობლების მოტივაცია. თბილისის 71-ე საჯარო სკოლიდან ორი დამრიგებელი დავჯიდლოვდით და მინდა დიდი მადლობა გადავუხადო etaloni.ge-სა და izrune.ge-ს ამ შესანიშნავი კონკურსოს ჩატარებისთვის. ბავშვები ყიჟინით შემხვდნენ, მივიღე უამრავი მისალოცი წერილი და გულთბილი ჩახუტება მოსწავლეებისგან და მშობლებისგან. მინდა აღვნიშნო, რომ ჩემს მოსწავლეებს ძალიან მოსწონთ izrune.ge-ს ტესტები. მიმაჩნია, რომ ქართულ საგანმანათლებლო სივრცეში izrune.ge ერთ-ერთი საუკეთესო პროგრამაა, რადგან სკოლის გარდა  ბავშვების აღზრდა- განათლების საკითხში მშობლებიც აქტიურად არიან ჩართულები.“



ნათია სვიმონიშვილი, 71-ე საჯარო სკოლის პირველი კლაისის მოსწავლის მარიამ ბურჯალიანის მშობელი:

„ყვავილები მივართვით და  ეს წარმატება ჩემი შვილის დამრიგებელს ამ ფორმით მივულოცეთ. ნამდვილად გამიმართლა ჩემი შვილი თბილისის 71-ე საჯარო სკოლაში რომ მივიყვანე. ამ სკოლას ძალიან მაღვალკვალიფიციური პედაგოგები და ადმინისტრაცია ჰყავს. სკოლა მუდმივად ზრუნავს პედაგოგების პროფესიულ განვითარებასა და ზრდაზე. როდესაც ქალბატონი ლედი გავიცანი ემოციებით დახუნძლული წამოვედი სახლში. ის გამოირჩევა განსაკუთრებული თვისებებით: არის ძალიან ჰუმანური, კომუნიკაბელური, აქტიური მაღალი პასუხისმგებლობისა და იდეალების მქონე პედაგოგი. კეთილსინდისიერად ასრულებს საკუთარ მოვალეობას, აქვს ეფექტური კომუნიკაცია, შეუძლია სტრესულ გარემოში მუშაობა და კონფლიქტური სიტუაციების მართვა. მე ნამდვილად აღფრთოვანებული ვარ ჩემი შვილის მასწავლებლის პროფესიული თუ ადამიანური უნარ-ჩვევებით. ჩემი შვილის თვალებში ყოველთვის ვკითხულობ თუ როგორი დამოკიდებულება აქვს მას ბავშვებთან. ქალბატონ ლედის შეუძლია თითოეული ბავშვის ინდივიდუალური შესაძლებლობების წარმოჩენა. სასწავლო პროცესს საინტერესოდ წარმართავს , რადგან თამაშ-თამაშით ასწავლის ბავშვებს და მიმაჩნია რომ 21-ე საუკუნის თანამედროვე გამოწვევებს პასუხობს. ქალბატონი ლედი ოროიენტირებულია პროფესიულ ზრდაზე და ვიცი, რომ ჩემი შვილი საიმედო ადამიანის ხელშია. დარწმუნებული ვარ ჩვენი ქვეყნისთვის სამაგალითო მანდილოსნებსა და ვაჟკაცებს აღზრდის. izrune.ge-ს პროგრამაში სექტემბრიდან ჩავერთეთ ძალიან მოგვწონს ამ საგანმანათლებლო ვებ-გვერდის პროგრამა. ქალბატონი ლედიც მუდმივად ყურადღებას იჩენს და გვახსენებს, რომ სავარჯიშო და შემაჯამებელი ტესტები არ გამოგვრჩეს.“

მაია გიგაური, 71-ე საჯარო სკოლის პირველი კლაისის მოსწავლის ანი მეგრელიშვილის მშობელი:

„როდესაც ქალბატონი ლედის წარმატება გავიგეთ ყველას ძალიან გაგვიხარდა. სამაგალითო პედაგოგია და ვფიქრობ, რომ ღირსეულად გაიმარჯვა. კიდევ ერთხელ ვულოცავთ ამ წარმატებას.  ვუსურვებ, რომ იყოს მუდამ ასეთი პოზიტიური, მხიარული და ენერგიული. ქალბატონი ლედი იმდენად საინტერესოდ წარმართავს საგაკვეთილო პროცესს, რომ ბავშვი სიხარულით მირბის სკოლაში. მინდა გითხრათ, რომ ჩემს შვილს izrune.ge ძალიან უყვარს მოუთმენლად ელოდება ყოველ ხუთშაბათს და ყოველთვის სკოლაში წასვლამდე აკეთებს ტესტებს. სანამ იზრუნეზე დავარეგისტრირებდი ბავშვი  ჩაკეტილი იყო და ვერ ამჟღავნებდა იმ ცოდნას რაც ჰქონდა, ახლა უფრო გახსნილია და სავარჯიშოებს ონლაინ რეჟიმში უფრო თავისუფლად აკეთებს. “




რას ამბობენ ჩვენზე