izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
12 იანვარი, 2022
„izrune.ge-მ სკოლა, ოჯახი და საზოგადოება გაგვაერთიანა“ - მზია მიქელაძე
მოსწავლეებისთვის ცოდნის გაღრმავება, მოტივაციისთვის სტიმულის მიცემა izrune.ge-ს მთავარი საზრუნავია. ინოვაციური პორტალის მნიშვნელობა ქვეყანაში შექმნილი პანდემიური მდგომარეობიდან გამომდინარე განსაკუთრებით მნიშვნელოვანი გახდა, რადგან ბავშვებს დისტანციურად უწევთ სწავლა. ბავშვებისთვის სათანადო განათლების მიცემა კი კლასის ხელმძღვანელებისთვის მთავარი საზრუნავია; ისინი მაქსიმალურად ცდილობენ, რომ მოსწავლეები სწავლას არ ჩამორჩნენ და ტესტებში ჩაერთონ. 

სწორედ ასეთი მზრუნველი დამრიგებელია ბათუმის N14 საჯარო სკოლის lი კლასის ხელმძღვანელი მზია მიქელაძე. მისმა ნიჭიერმა მოსწავლეებმა  izrune.ge-ს ტესტებში ძალიან კარგი შედეგები აჩვენეს. სწორედ მზია მიქელაძის მსგავსი ყურადღებიანი და მზრუნველი პედაგოგების დამსახურება გახლავთ მოსწავლეების წარმატება. იგი მოსწავლეების სწავლა-განათლებაში პირველივე კლასიდან უდიდეს შრომას დებს და მისმა ასეთმა თავდადებამაც სათანადო შედეგი გამოიღო.

მზია მიქელაძე უკვე 6 წელია პედაგოგიურ მოღვაწეობას ეწევა. izrune.ge-ს შესახებ მას შემდეგ შეიტყო, რაც ბათუმის N14 საჯარო სკოლაში დაიწყო პედაგოგიური მოღვაწეობა და პროექტში მაშინვე ჩაერთო.

- ქალბატონო მზია,  izrune.ge-ში როგორია თქვენი ისტორია?

- ჩვენი სკოლა პროექტში აქტიურად არის ჩართული. დირექცია ხელს გვიწყობს, რომ izrune.ge - ში ყველა კლასი იყოს ჩართული. ეს პროექტი როგორც ბავშვებისთვის, ისე მასწავლებლებისთვის უდიდესი მოტივაციაა; როგორც კი გავიგე, პროექტში სხვა კლასებიც მონაწილეობდნენ, მიუხედავად იმისა რომ პირველი კლასის დამრიგებელი ვარ ჩემს მოსწავლეებთან ერთად ოქტომბერშივე ჩავერთე. ვფიქრობ, პირველი კლასიდანვე მნიშვნელოვანია მსგავს პროექტებში მონაწილეობა და ბავშვები აქედანვე ძალიან დიდ გამოცდილებას იღებენ.



- პატარა მოსწავლეების მშობლები izrune.ge-ს ტესტებით რამდენად არიან დაინტერესებულები?

- მინდა ძალიან დიდი მადლობა გადავუხადო პირველი კლასის მშობლებს, რომლებიც პროექტში აქტიურად ჩაერთნენ და ბავშვებს ძალიან ეხმარებიან. მოგეხსენებათ პატარები ახლა ეუფლებიან წერა-კითვას და შესაბამისად მშობლების ჩართულობას უდიდესი მნიშვნელობა აქვს. ტესტებს ოჯახის წევრები უკითხავენ და მოსწავლეები თავად ასრულებენ. შემდეგ, მშობლები გვიზიარებენ შედეგებს, რასაც ყოველი ჩვენგანისთვის ძალიან დიდი სიხარულის მომგვრელია. მინდა აღვნიშნო, რომ მხოლოდ ქულებზე ორიენტირებულები არ ვართ. ვფიქრობ, თითოეული ტესტის შემდეგ მიღებული ცოდნა და გამოცდილება უფრო მნიშვნელოვნია, ვიდრე უბრალოდ ქულა.

- როგორც კლასის დამრიგებელი, როგორ შეაფასებდით izrune.ge-ს ტესტებს?

-  izrune.ge-მ პირადად მე ბევრ რამეზე დამაფიქრა... მინდა „სიბრძნის ხუთშაბათი“ გამოვარჩიო, სადაც სხვა საგნობირვ საკითხებთან ერთად სულხან-საბა ორბელიანის „სიტყვის კონიდან“ კითხვებია შესული. ვფიქრობ, ქართული ენის სიტყვის მარაგის შევსებისთვის ეს საუკეთესო გზაა. მოგეხსენებათ, სამეტყველო ენა ბევრი ბარბარიზმით არის დატვირთული და ამ ლექსიკონის გამოყენება პირადად მე ძალიან მომეწონა. ძველი ქართული სიტყვების გამოყენება, ლექსიკურ მარაგზე მუშაობა და გამდიდრება მე, როგორც პედაგოგს ბავშვებთან მუშაობისას აუცილებლად დამეხმარება. გარდა ამისა ტესტები იყო ჰიგიენის მხრივაც რაც სადამრიგებლო საათის საკითხებია და მიმაჩნია, რომ მოსწავლეებს შემეცნებით საკითხებში თვალსაწიერის გაფართოებაში ეხმარება.

- ქალბატონო მზია, როგორც დამრიგებელს რას ფიქრობთ რამდენად საპასუხისმგებლო როლი გიკავიათ მოსწავლეების განვითარებაში?

- ვფიქრობ, ბავშვების ცხოვრებაში დამრიგებელს ძალიან დიდი როლი აქვს. მოგეხსენებათ, ახლანდელი თაობა პანდემიიდან გამომდინარე სკოლას რთულად შეეგუა და ბევრი რამ სწორედ დამრიგებელზეა დამოკიდებული. ჩვენი ურთიერთობა პირველ რიგში მეგობრობით იწყება. მოსწავლეებს მუდამ ვეუბნები, რომ ჩემთან მოსვლა და პრობლემის გაზიარება მუდამ თავისუფლად შეუძლიათ; როდესაც მასწავლებელსა და მოსწავლეს შორის ურთიერთობა მოგვარებულია, სწავლაც ბევრად ადვილდება. ასევე, ძალიან მნიშვნელოვანია მშობლებთან ურთიერთობაც და მუდამ ვცდილობ ისინი საქმის კურსში ვამყოფო.

- როგორ ფიქრობთ, izrune.ge-ს მოსწავლის ცხოვრებაში რა როლი აქვს?

- პირველ რიგში ვფიქრობ, izrune.ge ბავშვებს მოტივაციას აძლევს. izrune.ge-მ სკოლა, ოჯახი და საზოგადოება გაგვაერთიანა. საზოგადოებაში ვგულისხმობ შედეგების გაზიარებას ყველასთვის უდიდესი სიხარული მოაქვს; ოჯახის წევრები izrune.ge-ს ტესტებში აქტიურად არიან ჩართულები და ვფიქრობ ეს სწორედ ისეთი პროექტია, რომელიც მთელ ოჯახს აერთიანებს. მიღებული შედეგები კი არამხოლოდ ბავშვებისთვის, არამედ ოჯახისთვის და მასწავლებლებისთვისაც მოტივაციაა.

- ქალბატონო მზია, სხვა მოსწავლეებსაც თუ ურჩევთ izrune.ge-ს ტესტებში მონაწილეობას?

- izrune.ge-ს ყველას ნამდვილად ვურჩევ. ვფიქრობ, წიგნიერების განვითარებასაც უწყობს ხელს ეს პროექტი. ბავშვები პირველი კლასიდანვე ეჩვევიან კლასგარეშე ლიტერატურის კითხვას; აქვე მინდა ხაზი გავუსვა იმასაც, რომ ლიტერატურა ყველა ასაკობრივი კატეგორიის ბავშვებისთვის ისეა მოწოდებული, რომ მუშაობა და ცოდნის გამოვლინება მაქსიმალურად სწორად შეუძლიათ. გარდა ამისა, ბავშვები ტექსტზე მუშაობასაც ეჩვევიან. როდესაც ბავშვს მყარი საფუძველი აქვს, შემდეგ უკვე აღარაფერზე მუშაობა აღარ გაუჭირდება.


რას ამბობენ ჩვენზე