izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
04 იანვარი, 2022
„საქართველოში izrune.ge-ს მსგავსი პროექტი ცოტაა, განსხვავებულია და საინტერესო“- ნანა ბერიძე
წარმატებისკენ ბიძგი, მოტივაციის ამაღლება, წახალისება, საკუთარი მიღწევების სხვებისთვის გაზიარების უნარი - სწორედ ეს არის izrune.ge-ს დანიშნულება და მისია. მისი მნიშვნელობა პანდემიის პირობებში განსაკუთრებით იზრდება, რადგან  სასწავლო პროცესი ყველაფრის მიუხედავად მაინც გარკვეული შეფერხებებითა და წყვეტით მიმდინარეობს, მოსწავლეებს კი ხშირად დისტანციურად სწავლა უწევთ. მოსწავლეთა განვითარება კი დამრიგებელთა მთავარი, ყოველდღიური საზრუნავიცაა, ისინი ცდილობენ, რომ მოსწავლეები მეტად გაააქტიურონ და ტესტებში ჩართონ, ერთად მიაღწიონ წარმატებას, გაახარონ სკოლა, მშობლები და მთლიანად რეგიონი. ასეთ მასწავლებლებს კარგად აქვთ გააზრებული განათლების მნიშვნელობა, ადრეული ასაკიდანვე გამარჯვების და შრომის უნარს უყალიბებენ თავიანთ მოსწავლეებს.

სწორედ ასეთი პედაგოგია ნანა ბერიძე, რომელსაც izrune.ge-ში ერთდროულად ორი სადამრიგებლო ბათუმის N3 საჯარო სკოლის Iზ და ბათუმის N22 საჯარო სკოლის Iდ კლასი ჰყავს ჩართული. ორივე კლასი ჩართულია „საქვეყნო მნიშვნელობის 100 კლასი ბათუმიდან“ პროექტში. იმის მიუხდავდ, რომ მოსწავლეები ჯერ მხოლოდ პირველკლასელები არიან, თავიანთი მასწავლებლის მონდომებითა და შრომით შემაჯემებლ ტესტებში მაღალი ქულებიც მიიღეს და შემდგომ ეტაპზე კიდევ უფრო მეტ წარმატებას ელიან. 

- აქტიურად ხართ ჩართული izrune.ge-ში, ამის დასტურია რომ ერთდროულად ორი პირველი კლასი გყავთ პროექტში, ასევე ჩართული ხართ „საქვეყნო მნიშვნელობის 100 კლასი ბათუმიდან“ პროექტში. რატომ გადაწყვიტეთ რომ ამ პროექტებში ჩაგერთოთ მოსწავლეები და როდის დაიწყო თქვენი და izrune.ge-ს ურთიერთობა? 

- ზაფხულში დამირეკეს და მითხრეს, რომ გავხდი ერთ-ერთი საუკეთესო დამრიგებელი, ამის შემდეგ დაიწყო ყველაფერი. იქამდე არ მყავდა მოსწავლეები izrune.ge-ში ჩართული. მანამდე პანდემიის დროს გაკვეთილებს ვწერდი ხოლმე, რაღაც განსხვავებული სტილი მინდოდა მიმეწოდებინა ბავშვებისთვის, რადგან სახლში ვიყავით ჩაკეტილი და აქედან დაიწყო ჩემი და მოსწავლეების თბილი ურთიერთობა. ახლა ორი პირველი კლასი მყავს ჩართული და ძალიან აქტიურად ვმუშაობთ, შესაბამისად მაღალ ქულებსაც ვიღებთ ტესტებში. 



- რა ნიშნით გამოარჩევთ izrune.ge-ს სხვა პროექტებისგან?

- პირველ რიგში იმიტომ მომწონს, რომ მშობლების ჩართულობა მეტია. ჩემი აზრით სასკოლო ცხოვრებას დღეს სწორედ ეს - ბავშვების სწავლა-განათლებაში მშობლების ჩართულობა აკლია. მშობლებთან რომ ვსაუბრობ, მეუბნებიან, რომ  ძალიან აქტიურად არიან ჩაბმული, უხარიათ ბავშვების წარმატება. სასკოლო გარემო მაინც ერთგვარი რუტინაა და ეს პროექტი კი -  izrune.ge, განსხვავებული ფორმატისაა და მისასალმებელია ძალიან.

- როგორ ახარეხებთ, რომ პირველკლასელები გყავდეთ ისე მოტივირებული და მომზადებული, რომ ასეთ კარგ შედეგებს და მაღალ ქულებს მიაღწიოთ?

- რა თქმა უნდა, რთულია და შრომატევადი, მაგრამ ამას ყველაფერს მათი მიღწევები მავიწყებს.  ასობგერები, კითხვა და წერა სრულყოფილად ამ ბავშვებმა ჯერ არ იციან. ჩვენი გაკვეთილი ყოველთვის იწყება მოთხრობის წაკითხვით, ძალიან დიდ მნიშვნელობას ვანიჭებ კითხვას, წიგნიერებას, თქვენი პროექტიც ხომ ამას ემსახურება. არ არსებობს დღე რომ არ წავუკითხო რაიმე მოთხრობა, რათა თავიანთი აზრი გამოთქვან დააფიქსირონ, ძალიან ბევრი საკითხი წამოიჭრება კითხვის დროს, ბევრი რამის შესახებ ვესაუბრები ბავშვებს.

- წარმატებების შესახებ რომ იგებთ, როგორია ემოცია რასაც თქვენ და მოსწავლეები გრძნობთ?

- ბავშვების ემოცია განსაკუთრებულია, რადგან ესენი პატარები არიან და უფრო უხარიათ ყველაფერი. ჯერ ის უნდა გავითვალისწინოთ, რომ ამ ბავშვებმა ბაღში  ძალიან ცოტა ხანი გაატარეს, როდესაც უნდა ესწავლათ რაღაც უნარები შეეძინათ, მაშინ უკვე ამ პანდემიამ ამის საშუალება არ მისცა ბავშვებს და ყველაფერი უხარიათ. რომ ვუყურებ, სულ ვფიქრობ - რა მივაწოდო, რა ვქნა. ყველაზე კარგი წლები ურთიერთობისა გამოტოვეს ამ ბავშვებმა, ურთიერთობის ნაკლებობა აქვთ და კომუნიკაციის. როდესაც შედეგებს ვგებულობთ, რა თქმა უნდა ვესალმები, კლასის წინაშე ვულოცავ და ბედნიერები არია ამით.

- რა მისცა თქვენს მოსწავლეებს izrune.ge-ში ჩართვამ?

- პირველ რიგში ტესტი რომ დაურიგდებათ, ბავშვებს უკვე აღარ ეშინიათ, ეს მათთვის უცხო არ არის. პატარები არიან და წარმოიდგინეთ მათ რამდენი დრო სჭირდებათ რომ ჩვენ ვასწავლოთ ტესტზე მუშაობა, რას ნიშნავს არჩევითი პასუხი, რომელია სწორი პასუხი და რომელი უნდა შემოხაზონ.  მშობლების ჩართულობა საჭიროა პირველ ეტაპზე და მერე თვითონ ისწავლიან, აუცილებელია მსგავს პროექტებში ჩართვა, ზოგადი განათლება ამას მოითხოვს, არ შეეშინდეთ სიახლის.

- პანდემიის გამო განათლების მიღების პროცესში მაინც გარკვეული წყვეტა ხდება, თქვენც ახსენეთ რამდენჯერმე, თუ რა გავლენა იქონია ამან მოსწავლეებზე. ამ ვითარებაში izrune.ge-ს მნიშვნელობა როგორია?

- უდიდესი როლი ენიჭება არაფორმალურ განათლებას, იმიტომ რომ ეს ბავშვები მოწყვეტილნი არიან თითქმის ყველაფერს. ისეთ რაღაცეებს წავაწყდი რაც ბავშვებმა არ იციან, მათთვის არ უსწავლებიათ, მშობლებიც ჩაიკეტენ, თვითონაც ჩაიკეტენ და დაძაბული სიტუაცია იყო ყველა ოჯახში. ეს არის სიახლე მათთვის, საქართველოში ხომ ბევრი ასეთი პროექტი არ არის. ეს რომ ძალიან მინიმალურ თანხასთანაა დაკავშირებული, ასევე ძალიან მნიშავნელოვანია, ყველა ბავშვისთვის ხელმისაწვდომია.

- ცოტა თემიდანაც რომ გადავუხვიოთ, ახალი წლის დღეებია, მართალია მოსწავლეებს უკვე არდადეგები აქვთ, თუმცა საინტერესოა როგორი იყო საახალწლო მზადება მოსწავლეებში, რეგულაციების მიუხედავად?

- ესენი არიან პატარები და დიდი სიტყვები, ლექსები თუ მსგავსი რამეები მათთვის არ მიმიცია, ეს ჩემთვის არ არის მისაღები. თავისუფლება, თავისუფალი ჩაცმულობა, არაფორმალურ გარემოში, გაკვეთილის სახე რომ არ ჰქონდა - ასე აღვნიშნეთ, ერთმანეთს საჩუქრები გადასცეს, უდიდესი სიხარული იყო მათთვის და რაც მთავარია დავალება არ მიმიცია არდადეგებზე. ეს არის არდადეგები და უნდა დაისვენონ ბავშვებმა, სკოლა მაინც ერთგვარი სტრესია.


რას ამბობენ ჩვენზე