izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
11 ოქტომბერი, 2021
„მინდა, მეტი ბავშვი ჩაერთოს „იზურნეს“ ტესტებში“ - მარინა ლომია, თბილისის N191 საჯარო სკოლის მასწავლებელი
მოსწავლეები, მშობლები და მასწავლებლები ერთხმად აღიარებენ, რომ „იზრუნეს“ ტესტები უმარტივებთ სასწავლო პროცესს და დადებითად მოქმედებს ბავშვების მოტივაციაზე. 
Izrune.ge-ში ერთ-ერთი აქტიურად ჩართული კლასი და დამრიგებელი თბილისის N191 საჯარო სკოლის II-ე კლასია. პროექტის მნიშვნელობაზე კლასის დამრიგებელი - მარინა ლომია გვესაუბრა.

- ქალბატონო მარინა, როგორ ჩაერთეთ izrune.ge-ს პროექტში?

- უპირველესად გეტყვით, 191-ე სკოლა, მისი ხელმძღვანელი თინათინ ბაქრაძე და სკოლის დირექცია, თავიდანვე აქტიურად ჩაერთო პორექტში - დიდი შრომა გასწიეს სკოლაში წარმატებით დანერგვისთვის. წლების წინ დაიწყო ჩვენი თანამშრომლობა, მაშინ, როცა ყველასთვის სიახლე იყო ეს პროექტი. ბატონ გოჩა ტეყშელაშვილს განათლების სამინისტროში შეხვედრა ჰქონდა პედაგოგოებთან და მათ შორის, მეც ვიყავი. იქედან მოყოლებული აქტიურად ვართ ჩართულები, თუმცა იმ დროს მხოლოდ, უფროსკლასელებს ვასწავლიდი. როცა დაწყებით საფეხურზე სერტიფიცირება მივიღე და პატარებთან შევედი სასწავლებლად, მაშინვე დავიწყე მათი ჩართვა „იზრუნეს“ ტესტებში. 



- რამდენად მნიშვნელოვანია ეს პროექტი ბრავშვებისთვის?

- გულწრფელად, ძალიან მნიშვნელოვანია და ჩვენ ყოველთვის დიდი ენთუზიაზმით ვმუშაობთ მასზე. ყოველთვის ვურჩევ მოსწავლეებს მონაწილეობას, რადგან ტესტები შემეცნებითი ხასიათისაა და ასევე, ეჩვევიან კომპიუტერთან მუშაობას. 
სხვა მრავალი პლატფორმაა, რომლის მეშვეობითაც შესაძლებელია ტესტირების გავლა, მაგრამ ყველაზე მნიშვნელოვანი, რაც izrune.ge-ს აქვს სისტემატური ხასიათია. სულ სხვაგვარად მობილიზებულები არიან ბავშვები, როცა იციან ყოველ ხუთშაბათსა და თვის ბოლო კვირა დღეს ტესტების გაკეთების საშუალება აქვთ. წამახალისებელი დიპლომები კი, ძალიან კარგად აისახება მათ მოტივაციაზე. 



- ბავშვებს როგრო მოსწონთ „იზრუნეს“ ტესტები?

- ჩვენ პირველი კლასიდან ჩავერთეთ პროექტში და ხუთშაბათობით „ზეიმი“ აქვთ ხოლმე - უხარიათ. ტესტირებაში დიდი მოლოდინით და ინტერესით ერთვებიან, როგორც მოსწავლეები, ასევე მშობლები. ეს ყოველივე კი ბავშვის მოტივაციაზე დადებითად მოქმედებს. წინა კლასთან  ვინიშნავდით ქულებს, გეგმაში გვქონდა სხვადასხვა სტატუსის მოპოვება, რაც მოსწავლეებს ინტერეს უღვივებდათ სწვლის მიმართ - ცდილობდნენ კარგად ესწავლათ, რათა ტესტი წარმატებით ჩაებარებინათ. 



- პანდემიის დროს რა როლი ჰქონდა მოსწავლეებისთვის და მასწავლებლებისთვის izrune.ge-ს?

-  მთელი წლის განმავლობაში ვიყავით ჩართულები, არდადეგების დროსაც კი არ შეუწყვეტიათ ბავშვებს ტესტების გაკეთება. პანდემიის პირობებში კიდევ უფრო დავინახეთ ამ პროექტის მნიშვნელობა - საჭირო და აუცილებელია მოსწავლეებისათვის. მაშინ, როცა ბავშვები ჩაკეტილები იყვნენ სახლში „იზრუნე“ ნათელი სარკმელივით იყო მათთვის. 



- უფრო კონკრეტულად, ზოგად განათლების მხრივ რამდენად მნიშვნელოვანია?

- მაგალით გეტყვით, როგორც მოქმედი პედაგოგი.  Izrune.ge-ს ტესტებში ბავშვებს ხშირად ხვდებათ იგავ-არაკები. როცა პროგრამულად გადავედით ამ თემაზე და ახსნა დავიწყე, ის მოსწავლეები, რომლებიც „იზრუნეს“ ტესტებს აკეთებდნენ ერთმანეთს არ აცდიდნენ პასუხის გაცემას - ყველაფერი ახსენდებოდათ, რაც ტესტებში შეხვდათ და მათი ზოგადი ცოდნა თემასთან დაკავშირებით, გაცილებით მაღალი იყო.



რას ამბობენ ჩვენზე