izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
10 აგვისტო, 2021
„გაიცანი საქართველო“, ბავშვებს ეხმარება, უკეთ შეიმეცნონ მშობლიური მხარე“
izrune.ge, თავის ერთგულ იზრუნელებთან ერთად, განაგრძობს საქართველოს შეცნობას, საზაფხულო პროექტით - „გაიცანი საქართველო“. ყველამ ვიცით, რომ შვილისთვის განათლების მოტივაციის შექმნა უწყვეტი პროცესია და სწორედ ამიტომ, მიუხედავად იმისა, ახლა არდადეგებია, მოსწავლეები აქტიურად არიან ჩართულები პროექტში - მხიარული განწყობით, მაღალი პასუხისმგებლობით ეკიდებიან საკითხს, ტესტებსაც დიდი ენთუზიაზმით გადიან და საკუთარი წარმატებების შესახებაც თანატოლებს სიხარულით უამბობენ.

სამცხე-ჯავახეთის საზაფხულო ტესტის წარმდგენი ბორჯომის მუნიციპალიტეტი გახლავთ და მერიის კულტურის, განათლების, ძეგლთა დაცვის, ახალგაზრდულ საქმეთა და ტურიზმის სამსახურის უფროსი, მარინა ხუჯაძე პროექტისა და საზაფხულო ტესტის შესახებ გვესაუბრება:

„ჩვენი მუნიციპალიტეტი პირველად მონაწილეობს ასეთ პროექტში - ერთგვარად სატესტო რეჟიმში ვართ და ძალიან დიდი ინტერესით ვაკვირდებით, როგორ განვითარდება ყველაფერი.

ასეთი საგანმანათლებლო პროექტები, ვფიქრობთ, მნიშვნელოვანია მოსწავლეებისა და მათი განვითარებისთვის, განსაკუთრებით კი izrune.ge-ს „გაიცანი საქართველო“, რომელიც ბავშვებს ეხმარება, უკეთ შეიმეცნონ მშობლიური მხარე, მეტი და მეტი შეიტყონ ისტორიული თუ კულტურული მემკვიდრეობის ძეგლების შესახებ...



დარწმუნებული ვარ, ამ პროექტის ფარგლებში მიღებული ცოდნა ჩვენს ბავშვებს ძალიან გამოადგებათ. მაგალითად, ყველამ იცის, რომ ბორჯომი ტურისტული ქალაქია, თუმცა გარდა სამკურნალო დანიშნულებისა, მნიშვნელოვანია იმის ცოდნა, რომ აქ ძალიან ბევრი ისტორიული ძეგლია და თუ ადგილობრივი მოზარდები მეტს შეიტყობენ აქაურობის შესახებ, ვფიქრობ, ღირსეულ გიდობასაც გაუწევენ სტუმრებს.

გარდა ამისა, საზაფხულო ტესტი ჩვენი მხარის პოპულარიზაციას შეუწყოს ხელს, მით უმეტეს, ახლა, პანდემიიდან გამომდინარე, მოსწავლეები ცოტა მოდუნებულები არიან და მსგავსი აქტივობები, ვფიქრობ, გამოაცოცხლებს მათ.

პირადად გავეცანი კითხვებსაც - ვფიქრობ, ისინი საკმაოდ კარგადაა შერჩეული და სწორედ მათი საშუალებით შეიტყობს ყველა, რომ გარდა იმისა, რომ ბორჯომი ქვეყნის ფილტვებია, ჩვენ მხარეს დიდი ისტორიული მნიშვნელობა აქვს და ამისთვის მადლობა izrune.ge-ს რომელიც ყოველთვის ზრუნავს ჩვენს მოსწავლეებსა და მათი განათლების ხარისხზე“.

Izrune.ge-ს გენერალური მენეჯერი, თინათინ ტყეშელაშვილი: 

„პირველი წელია, როდესაც მოსწავლეებს და მათ ოჯახებს შევთავაზეთ საზაფხულო ტესტები. ტესტების თემატიკის საკითხს როდესაც განვიხილავდით, გავითვალისწინეთ არსებული მდგომარეობა, პერიოდი, სეგმენტი და ყველაფერი ამის შემდეგ შევიმუშავეთ პროექტი მზრუნველი ოჯახებისთვის - „გაიცანი საქართველო“. 

პროექტი საშუალებას იძლევა საქართველოს თითოეულ კუთხეში ვირტუალურად იმოგზაურონ მოსწავლეებმა ოჯახებთან ერთად, მეტი ინფორმაცია მიიღონ ჩვენს სამშობლოზე და გამოსცადონ თავიანთი ცოდნა, ამასთან ოჯახს აქვს საშუალება უწყვეტად იზრუნოს შვილის განათლების მოტივაციაზე ჩვენთან - izrune.ge-სთან ერთად. 

მოხარულები ვართ, რომ ბორჯომის მუნიციპალიტეტი ნოვატორულად ჩაერთო პროექტში და საინტერესო კუთხით წარმოაჩენს ფაქტებს, ისტორიას და ცნობილი ადამიანებს. 
ჩემთვის სასიამოვნო და საამაყოა ბორჯომის მუნიციპალიტეტთან თანამშრომლობა.
პროფესიონალიზმი და მონდომება მათი მხრიდან ჩართული გუნდის თითოეულ წევრს გამოარჩევს და მადლობა გვინდა გადავუხადოთ ბორჯომის მუნიციპალიტეტის მერიას ნაყოფიერი და კრეატიული თანამოაზრეობისათვის.“


რას ამბობენ ჩვენზე