izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
06 ივლისი, 2020
„ჩვენ ვქმნით მომავლის ისტორიას“ - 2019-2020 სასწავლო წლის შეჯამება
2019-2020 სასწავლო წელი 
 
უკვე მესამე წელია Izrune.ge საქართველოში მცხოვრებ თითოეულ ოჯახს ეხმარება შვილის აღზრდა-განათლების პროცესში. 
მესამე წელია ვაერთიანებთ ისეთ მნიშვნელოვან სამკუთხედს, როგორიც არის ოჯახი, ბავშვი და სკოლა. კლასებში ვნერგავთ ერთიანობის და ჯანსაღი კონკურენციის პრინციპებს.
28 ივნისს izrune.ge-მ შემაჯამებელი ტესტით წარმატებით დაასრულა 2019-2020 სასწავლო წელი. 
გამოვლინდნენ 2019-2020 სასწავლო წლის „მომავლის კლასები“, „სუპერ კლასები“ და „მეგობრული კლასები“
Izrune.ge-ზე რეგისტრირებული ოჯახების რაოდენობამ კი 123.000-ს გადააჭარბა. 

 
Izrune.ge და COVID-19
 
კორონავირუსის პანდემიამ და მისგან გამოწვეულმა სიტუაციამ izrune.ge-ს გუნდს კიდევ უფრო მეტი პასუხისმგებლობა დაგვაკისრა, რადგან ვემსახურებით მომავალი თაობის განათლებით დაინტერესებასა და მოტივაციას. 

ამ პერიოდში ჩვენ უნდა მოგვეხერხებინა მოსწავლეების ონლაინ სწავლების მიმართ მოტივაციის და ამ პროცესში ოჯახის ჩართულობის გაზრდა. 

izrune.ge-ს გუნდმა შევძელით და არსებულ გამოწვევებს ღირსეულად ვუპასუხეთ - თემის აქტუალურობიდან გამომდინარე, მარტიდან მოსწავლეებს შევთავაზეთ სპეციალური კითხვები პირადი ჰიგიენის შესახებ. ტესტის მიზანი იყო მოსწავლე-ახალგაზრდებში პირადი ჰიგიენის შესახებ ცნობიერების ამაღლება, ვირუსების და ბაქტერიების გავრცელების პრევენციის მიზნით. აქტივობას ძალიან დიდი გამოხმარება და დადებითი შეფასებები მოჰყვა საგანმანათლებლო (და არა მხოლოდ) სფეროდან.

გამოწვევებთან გამკლავებაში დაგვეხმარა ის ფაქტი, რომ izrune.ge-ს მხარში უდგას ისეთი მძლავრი პროექტი, როგორიცაა 15-წლიანი გამოცდილების მქონე „ეტალონი“ - 
პროექტი, რომელიც არაერთხელ დამდგარა გამოწვევების, განსაცდელის და პრობლემების გადაწყვეტის წინაშე. ამ რთულ პერიოდში ყველაფერთან გამკლავება სწორედ ჩვენი ძლიერი გუნდის და „ეტალონის“ გამოცდილების დამსახურებით მოვახერხეთ. 

 
Izrune.ge და საქართველოს მუნიციპალიტეტები
 
აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ, ჯერ კიდევ საფუძველშივე, ნათლად დაინახა პროექტის საჭიროება და როლი მომავალი განათლებული თაობების აღზრდის საქმეში;  სწორედ მისი ინიციატივით და აჭარის ა/რ განათლების სამინისტროს მხარდაჭერით, აჭარის მკვიდრ ყველა მოსწავლეს სამი თვის განმავლობაში (მარტი, აპრილი, მაისი) izrune.ge-ში უსასყიდლოდ ჩართვის საშუალება მიეცა. დისტანციური სწავლების პრიორიტეტად გამოცხადებამ კი კიდევ უფრო ნათელი გახადა თანამედროვე ტექნოლოგიებისა და არაფორმალური განათლების ინსტრუმენტების საჭიროება. ამ მხრივ კი როგორც აჭარის მთავრობა, ისე ცენტრალური ხელისუფლების დამეგობრება მზრუნველ პროექტთან აბსოლუტურად სწორი და მომავალი თაობების განათლებაზე ორიენტირებული ნაბიჯი გამოდგა.

აჭარის მზრუნველობა ადგილობრივი სკოლების მოსწავლეებზე სამაგალითო და მისაბაძი აღმოჩნდა სხვა მუნიციპალიტეტებისთვის. 

თიანეთის მუნიციპალიტეტის მერმა, თამაზ მეჭიაურმა საქმით დაამტკიცა, რომ მისთვის, როგორც მუნიციპალიტეტის ხელმძღვანელისთვის, განათლება მართლაც პრიორიტეტულია და მომავალ თაობებზე ზრუნვა, მათი ჩართულობა როგორც ფორმალური, ისე არაფორმალური განათლების პროექტებში, უაღრესად მნიშვნელოვანია. სწორედ ამიტომ თიანეთის სკოლის მოსწავლეებისთვისაც izrune.ge-ს ტესტებს გავლა უფასოდ იყო შესაძლებელი. 

მსგავსი ინიციატივით გამოვიდა რაჭა-ლეჩხუმი ქვემო სვანეთის გუბერნატორი - არჩილ ჯაფარიძე, რასაც მოჰყვა ონის, ამბროლაურის, ცაგერისა და ლენტეხის მოსწავლეების აქტიური ჩართულობა ჩვენს პროექტში. 

 
Izrune.ge-ს გეგმები და სიახლეები
 
2020-2021 სასწავლო წელს izrune.ge-ზე „სიბრძნის წლად“ ვაცხადებთ. სექტემბრის პირველივე ხუთშაბათიდან გააქტიურდება პირველი ტესტი და ახალი სასწავლო წელი „სიბრძნის ხუთშაბათის“ ტესტით დაიწყება. 
ამავდროულად ბევრ სხვა სიახლესაც ვნერგავთ: 
 
- ოჯახებს ექნებათ საშუალება მიიღონ შვილის განვითარების ინდივიდუალური კვლევა/წერილი, საიდანაც მიიღებენ რეკომენდაციებს, რას უნდა მიაქციონ ყურადღება უფრო მეტად, რომ მოსწავლე განვითარდეს და მეტ წარმატებას მიაღწიოს. 



- მნიშვნელოვანი სიახლეა ინგლისური ენის ხუთდონიანი ტესტის დამატება. ყოველი თვის მესამე ხუთშაბათი izrune.ge-ზე ინგლისური ენის ტესტის დღე იქნება. 

- სექტემბრიდან მოსწავლეებს ექნებათ საშუალება, ყოველი ტესტის შემდეგ დააგროვონ „სტატუს ვარსკვლავები“. 

- ასევე, შინაარსობრივად გავამდიდრეთ, გავამრავალფეროვნეთ და სრულიად შევცვალეთ კითხვების ბაზა, დავხვეწეთ და ავიყვანეთ ხელოვნების დონემდე პროფესიონალ მასწავლებლებთან ერთად, ამ ეტაპზე მიმდინარეობს განახლებული კითხვების ჩატვირთვა ბაზაში. 

- ოჯახებს ვთავაზობთ ინდივიდუალურ გრაფიკებს შემაჯამებელი ტესტის შედეგებზე დაყრდნობით. გრაფიკები დაყოფილი იქნება მიღებული ქულის, გამოყენებული დროის, პასუხების ვარიაციების მიხედვით, რაც ვიზუალურად უფრო თვალნათელს გახდის მოსწავლის ზრდა/განვითარებას თვიდან-თვემდე, შემაჯამებელი ტესტიდან შემდეგ შემაჯამებელ ტესტამდე. 



- მშობლებს მიეცემათ საშუალება, თვალნათლივ ნახონ, რომელი მიმართულებით არის მოსწავლე უფრო ძლიერი. ჰუმანიტარული საგნებისადმი უფრო აქვს მიდრეკილება, თუ ტექნიკურ საგნებშია ძლიერი, როგორია მისი ზოგადი განათლება და ლოგიკური აზროვნების უნარი. 

- „ინდივიდუალური პაკეტის“ მომხმარებელს ზემოთ ჩამოთვლილი ყველა ბენეფიტის მიღებასთან ერთად, ეყოლება „განათლების პირადი მენეჯერი“. ადამიანი, რომელიც იქნება მათი მეგობარი და მრჩეველი, შვილის განათლების საკითხებში. 
 
გვახარებს თითოეული მუნიციპალიტეტის, სკოლის, სკოლის დირექტორის, მასწავლებლის, მშობლის, ოჯახის წევრის ჩართულობა და აქტიურობა ისეთ მნიშვნელოვან საკითხში, როგორიც არის მომავალი თაობის განათლების მოტივაცია. 

izrune.ge-ს გუნდი გილოცავთ 2019-2020 სასწავლო წლის წარმატებით დასრულებას და თქვენთან ერთად, ახალი სასწავლო წლისთვის, ვემზადებით კიდევ უფრო მეტი წარმატებებისათვის!

izrune.ge ისევ თქვენ გვერდითაა!!!
 
izrune.ge-ს მენეჯერი - თინათინ ტყეშელაშვილი


რას ამბობენ ჩვენზე