izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
26 ივნისი, 2020
„izrune.ge-მ ჩვენი მოსწავლეების წარმატებაში მნიშვნელოვანი როლი შეასრულა“
ახალი პროექტი, ახალი შეთავაზება, ახალი გამოწვევა...  თამამად შეგვიძლია ვთქვათ, რომ izrune.ge-მ განათლებული მომავალი თაობების აღზრდაში თავისი წვლილი შეიტანა და ამ საქმეს კვლავ აგრძელებს.

დღეს თბილისის სკოლების დირექტორები იმაზე საუბრობენ, როგორ დაეხმარა izrune.ge დისტანციური სწავლებისას და იმასაც აღნიშნავენ, რომ პროექტმა კიდევ ერთხელ დაამტკიცა საკუთარი მნიშვნელობა თუ აუცილებლობა.

თენგიზ გულორდავა, ზურაბ იარაჯულის სახელობის ქალაქ თბილისის N106 საჯარო სკოლის დირექტორი:

- ახლა უკვე თამამად შეგვიძლია იმაზე მსჯელობა, რა მოგვცა izrune.ge-მ და რა შედეგებზე გავედით. ორი აზრი არ არსებობს, მით უმეტეს, პანდემიის პირობებში ეს კიდევ უფრო ნათლად გამოჩნდა, რომ izrune.ge იყო ერთადერთი საუკეთესო პროექტი, რომელიც ბავშვებს აძლევდა საშუალებას, არ ჩამორჩენილიყვნენ სასწავლო პროცესს. რაც უმთავრესია, izrune.ge-მ ყველაზე დიდი ფუნქცია აიღო საკუთარ თავზე - მშობელი დაუბრუნა ბავშვს, მშობელი დაუბრუნა სასკოლო ცხოვრებას! სკოლა-მშობელი-მოსწავლე - გააერთიანა. ზოგადად, თუ გინდა, სასწავლო პროცესში წარმატებას მიაღწიო, ეს წრედი უნდა შეიკრას, რაც izrune.ge-მ მოახერხა და შედეგიც თვალსაჩინოა - გვყავს ბევრი წარმატებული მოსწავლე, მშობლებიც კმაყოფილები არიან, რადგან მათი მეთვალყურეობის ქვეშ მიმდინარეობს izrune.ge-ს ტესტირება და თავად ხდებიან მოწმე იმისა, თუ რა მიმართულებით  არის მათი შვილის ცოდნა მეტად გასაღრმავებელი. ესაა izrune.ge-ს დიდი დამსახურება, ჩვენც წარმატებით ვმეგობრობთ პროექტთან; მით უმეტეს, ვიცი, კიდევ ბევრი მიზანი აქვს ბატონ გოჩა ტყეშელაშვილს დასახული და დარწმუნებული ვარ, izrune.ge-სთან ერთად, უდიდეს წარმატებას მივაღწევთ.



პაატა ჩორგოლაშვილი, თბილისის N71 საჯარო სკოლის დირექტორი:

 - ჩვენი მოსწავლეები, მასწავლებლები და მშობლები ყოველთვის აქტიურად იყვნენ ჩართულები პროექტში და შედეგიც სახეზეა - ჩვენი სკოლის ბევრმა კლასმა  წარმატებით დაასრულა სასწავლო წელს; შეუძლებელია, არ აღვნიშნო ამ ყველაფერში კლასის დამრიგებლების როლი, რომლებიც ყველანაირად უწყობდნენ ხელს მოსწავლეებს, არანაირი დაბრკოლება არ შექმნოდათ და ტესტებიც წარმატებით გაევლოთ.

გარდა ამისა, izrune.ge ძალიან კარგი საშუალება იყო დისტანციური სწავლების თვალსაზრისითაც, იმიტომ, რომ სანამ ამ ონლაინ-რეჟიმზე გადავიდოდით, მშობელი და ბავშვი პროექტის ტესტებზე ერთობლივად მუშაობდა და ეს მათ დაახლოებას უწყობდა ხელს; ბავშვებმა კი კარგად იცოდნენ, როგორ შეესრულებინათ ონლაინ-დავალებები, ასე რომ, izrune.ge-მ ჩვენი მოსწავლეების წარმატებაში ყოველმხრივ მნიშვნელოვანი როლი შეასრულა და ამისთვის დიდი მადლობა პროექტს, მის ხელმძღვანელს, ბატონ გოჩა ტყეშელაშვილს.



ლია თუშური, ვახტანგ გზირიშვილის სახელობის ქალაქ თბილისის N173 საჯარო სკოლის დირექტორი:

 - თავდაპირველად, ჩვენ რომ izrune.ge-ს დავუმეგობრდით, ვერც წარმოვიდგენდით, ასეთი საჭირო და მეტსაც გეტყვით, სასიცოცხლოდ მნიშვნელოვანი პროექტი თუ იქნებოდა - ბავშვები მიჩვეულები არიან საკუთარი ცოდნის მონიტორინგს, გადიან ტესტებს, იძიებენ საჭირო ინფორმაციას, მეტად ურთიერთობენ მშობლებთან... ამ ყველაფრის გამო, ყოველთვის ძალიან მოგვწონდა izrune.ge-სთან ურთიერთობა, მაგრამ შემდგომ, დისტანციური სწავლების პირობებში, ყველა ალტერნატიულმა მეთოდმა, ყველა ალტერნატიულმა გზამ შეიძინა სასიცოცხლოდ მნიშვნელოვანი დატვირთვა და რა თქმა უნდა, izrune.ge ამ მხრივ უპრეცედენტოა. ბავშვებს დიდ მოტივაციას აძლევს წოდება, რომელიც კლასს ენიჭება, ჩნდება ჯანსაღი კონკურენცია, აქტიურად არიან ჩართულები მშობლები, მასწავლებლებიც ცდილობენ, ბავშვებს საჭირო მასალა მიაწოდონ. ჩვენ მეგობრობის პერიოდი რომ შევაჯამოთ izrune.ge-სთან, ერთადერთი რაც შემიძლია ვთქვა, ისაა, რომ ძალიან კმაყოფილები ვართ და ვგეგმავთ ამ ურთიერთობების მეტად გაღრმავებას.



ნინო ჯაბანიშვილი, თბილისის N11 საჯარო სკოლის დირექტორი:

 - izrune.ge-მ თავისი სპეციფიკიდან გამომდინარე, მოსწავლეებს დისტანციურად მუშაობის, ონლაინ-დავალებების შესრულების დიდი გამოცდილება მისცა და შესაბამისად, იმ მოსწავლეებს, რომლებიც ტესტებს მუდმივად გადიოდნენ, ძალიან გაუადვილდათ სწავლების ონლაინ-რეჟიმზე გადასვლა. კომპიუტერთან დამოუკიდებლად მუშაობა, არაფორმალურ გარემოში გარკვეული დავალებების შესრულება, საკუთარი ცოდნის მონიტორინგი და რაც მთავარია, დროის ლიმიტის სწორად გამოყენება... ეს ყველა უნარი მოსწავლეებს სწორედ izrune.ge-ს საშუალებით გამოუმუშავდათ, განსაკუთრებით დაწყებით და საბაზო საფეხურებზე. ზოგადად, არაფორმალური განათლების პროექტებში ჩართულობა ძალიან მნიშვნელოვანია თითოეული მოსწავლისთვის.



რას ამბობენ ჩვენზე