izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
24 ივნისი, 2020
„izrune.ge-მ მოგვცა საშუალება, დისტანციურ სასწავლო პროცესებში მარტივად ჩავრთულიყავით“
თავის დროზე ქუთაისმა izrune.ge ჩვეული სტუმართმოყვარეობით მიიღო და დღეს, როდესაც განათლებული მომავალი თაობების აღზრდაზე ზრუნვის კიდევ ერთი წლის შედეგების შეჯამების დრო მოვიდა, თამამად შეიძლება თქვას - izrune.ge-მ და ქუთაისის საჯარო სკოლებმა ერთად უამრავ წარმატებას მიაღწიეს, რაზეც მეტყველებს მოსწავლეთა მაღალი ჩართულობა საგანმანათლებლო პროექტებში, მაღალი აკადემიური მოსწრება, მაქსიმალური მონაწილეობა სასკოლო ცხოვრებაში, საკუთარი შესაძლებლობების რწმენის გაღრმავება... ეს არასრული ჩამონათვალია იმ დამსახურებებისა, რომლებსაც izrune.ge-ს მიაწერენ ამ სფეროს კომპეტენტური ადამიანები.

პროექტთან თანამშრომლობისა და მეგობრობის შედეგებზე საუბრობენ ქუთაისის საგანამანთლებლო რესურსცენტრის ხელმძღვანელი მაია ცქიტიშვილი და ასევე ადგილობრივი ლიდერი საჯარო სკოლების დირექტორები:

- izrune.ge-სთან დაკავშირებით ჩემი პოზიტიური განწყობა არაერთხელ დამიფიქსირებია და ახლაც გავიმეორებ - ესაა საოცრად ყოვლისმომცველი პროექტი, რომელიც, აერთიანებს სკოლას-მოსწავლეს-მშობელს. Izrune.ge - ესაა ერთიანი სივრცე, სადაც შეიძლება ნებისმიერი მიმართულებით განვითარდეს ბავშვი, განივითაროს საჭირო უნარები, მიიღოს საფუძვლიანი ცოდნა და ეს ყველაფერი კომპლექსურად დაეხმარება მოსწავლეს.



Izrune.ge ქართულ სინამდვილეში წარმოჩინდა, როგორც, ერთგვარი წინასწარმეტყველება, რადგან პანდემიის შედეგად, დისტანციური სწავლებისას, ჩვენ მივიღეთ მზა პროდუქტი, რომელმაც მოსწავლეებიცა და პედაგოგებიც  წინასწარ შეამზადა COVID-19-თან დაკავშირებული გამოწვევებისთვის - izrune.ge-მ მოგვცა საშუალება, დისტანციურ სასწავლო პროცესებში მარტივად ჩავრთულიყავით. მეტად რომ დავკონკრეტდე - პროექტში ჩართული მოსწავლეები მორგებულები იყვნენ  იმ სიახლეებსა თუ შესაძლებლობებს, რასაც დისტანციური სწავლება ზოგადად ითვალისწინებს და გარდა ამისა, სწორედ izrune.ge-ს საშუალებით, ბავშვების ცოდნის ხარისხის ერთგვარი მონიტორინგი ხორციელდებოდა. ასეთ დროს კი მშობელი ნათლად ხედავს საკუთარი შვილის შესაძლებლობებს, მის ძლიერ თუ შედარებით სუსტ მხარეებს. ასეთი შეჯამებისთვის izrune.ge საუკეთესო საშუალებაა ასევე პედაგოგებისთვის - ჩანს მოსწავლის სწავლის დონე, სად, რომელ ეტაპზეა განმავითარებელი მდგომარეობა, სად გვჭირდება მეტი მუშაობა და პირადად, როგორც მშობელი, მივესალმები ასეთი პროექტების არსებობას.

უნდა ვაღიაროთ - ძალიან ბევრი გამოწვევა გვქონდა დისტანციურ სწავლებასთან დაკავშირებით, სანამ გადავერთვებოდით კონკრეტულ პლატფორმებზე და ვფიქრობ,  თუნდაც მხოლოდ izrune.ge რომ ყოფილიყო შემოთავაზებული,  ნამდვილად გზას გაგვიხსნიდა და არც სასწავლო პროცესს ჩამოვრჩებოდით. მინდა, კიდევ ერთხელ მადლობა გადავუხადო პროექტის ავტორს და წარმატება ვუსურვო თითოეულ მოსწავლეს.

მურად ჯიშკარიანი, იოსებ ოცხელის სახელობის, ქუთაისის N2 საჯარო სკოლის დირექტორი:

 - izrune.ge-ში ჩართვა იმიტომ გადავწყვიტეთ, რომ მაშინვე მივხვდით - ეს იყო გენიალური ჩანაფიქრი და წინგადადგმული ნაბიჯი საგანმანათლებლო მიმართულებით; შედეგად მოიმატა მოსწავლეთა მოტივაციამ, მშობლების ჩართულობამ სასკოლო ცხოვრებაში. დღევანდელი რეალობა ისეთია, მშობლები მუშაობენ და სამწუხაროდ, ნაკლები დრო რჩებათ შვილებთან ურთიერთობისთვის, izrune.ge კი  საუკეთესო საშუალება გახლდათ, სკოლა-მოსწავლე-საზოგადოება - წრედი შეკრულიყო.

გარდა ამისა, მშობელს, პროექტის  დახმარებით შეუძლია შეამოწმოს ბავშვის ცოდნის ხარისხი და დარწმუნებული ვარ, როცა შემოვიდა დისტანციური  სწავლება, იმ მოსწავლეებმა, ვინც izrune.ge-ში იყო ჩართული, ბევრად მარტივად აუწყვეს ფეხი არსებულ გამოწვევებს - მათ უკვე იცოდნენ, როგორ შეესრულებინათ ონლაინ-დავალებები და ეს გამოცდილება, სწორედ izrune.ge-მ მისცა. ძალიან კარგი პროექტია და რომ გაამართლა, ესეც ფაქტია, ჩვენ ერთ საქმეს ვემსახურებით და მადლობა, რომ არსებობს izrune.ge.



მიხეილ გიორგაძე, ქუთაისის N30 საჯარო სკოლის დირექტორი:

 - izrune.ge ძალიან კარგი პროექტია! როდესაც მშობელი გამოთქვამს კმაყოფილებას და ბავშვიც კმაყოფილია, უკვე თამამად შეგვიძლია თქმა - პროექტმა გაამართლა! მთავარი ასპექტი, რასაც ყოველთვის ხაზს ვუსვამ, ესაა მშობლის აქტიური ჩართულობა შვილის სასკოლო ცხოვრებაში, მშობლის დაახლოება ბავშვთან... გარდა ამისა, შეუძლებელია, არ აღვნიშნო izrune.ge-ს როლი დისტანციური სწავლებისას. ფაქტია - მოსწავლეებისთვის, რომლებიც აქტიურად იყვნენ პროექტში ჩართულები, გაცილებით იოლი გამოდგა ონლაინ-გაკვეთილებზე დასწრებაც და ონლაინ-დავალებების შესრულებაც. თამამად შეგვიძლია ვთქვათ, რომ izrune.ge ამ მხრივ ძალიან დაგვეხმარა. მე, როგორც დირექტორი, კმაყოფილი ვარ როგორც  პროექტში მოსწავლეების ჩართულობით, ასევე, აკადემიური მოსწრების ხარისხით და მიმაჩნია, რომ ერთ-ერთი დამხმარე რგოლი, აკადემიურმა მოსწრებამ კიდევ უფრო რომ აიწია, სწორედ izrune.ge გახლავთ.



ირინე ჯგერენაია, ქუთაისის N17 საჯარო სკოლის დირექტორი:

 - izrune.ge-მ, თავისი სპეციფიკიდან გამომდინარე, ჩვენი მოსწავლეები თავიდანვე მიაჩვია დისტანციურად მუშაობას საკუთარ თავზე, გაუორმაგა პასუხისმგებლობის გრძნობა, გამოუმუშავა ახალი უნარები და ეს ყველაფერი, კომპლექსურად ძალიან დაგვეხმარა დისტანციური სწავლებისას. Izrune.ge-ს ტესტების წყალობით, მოსწავლეებმა ძალიან კარგად იცოდნენ ონლაინ-მუშაობის  საფუძვლები. ერთგვარი შეჯამება რომ გავაკეთოთ - ძალიან საინტერესო და ყოველმხრივ დადებითია izrune.ge-სთან მეგობრობა მოსწავლეების, მშობლებისა და პედაგოგებისთვის, რადგან სწორედ izrune.ge-ს საშუალებით ჩვენ ნათლად ვხედავთ თითოეული მოსწავლის შესაძლებლობებს, ძლიერ და სუსტ მხარეებს და ვიცით, რა მიმართულებითაა საჭირო მეტი მუშაობა.



რას ამბობენ ჩვენზე