izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X

მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა 25-წლიანი გამოცდილებისა და თანამედრივე პროგრესის მოთხოვნების საფუძველზე. 

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით. 

რეგისტრაციის გასავლელად გადადით ბმულზე: https://www.izrune.ge/geo/10


გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

1. გადახდა პლასტიკური ბარათით, უშუალოდ მოსწავლის პროფილიდან.

2. გადახდა საბანკო გადარიცხვით:

მიმღები ბანკი: ს.ს. „ თიბისი ბანკი“
ბანკის კოდი: TBCBGE22     
მიმღების ანგარიში: GE82TB7994636080100007
მიმღების სახელი: შპს ეტალონი-განათლება
დანიშნულება: მოსწავლის სახელი, გვარი და პროფილის ნომერი (პროფილის 6 ციფრიანი ნომერი მოსწავლის პროფილზე, საიტის ზედა ნაწილში შეგიძლიათ ნახოთ) 

3.გადახდა სწრაფი ჩარიცხვის TBC Pay და Express Pay აპარატებით, მოსწავლის პროფილის 6 ციფრიანი ნომრით.

პაკეტების ფასებია:

1 თვე - 15 ლარი
5 თვე -  70 ლარი
10 თვე - 129 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთაც გადაეცემათ ინდივიდუალური ფასდაკლების (პრომო) კოდი და თითოეული მოსწავლისთვის პაკეტის ღირებულება თვეში 15 ლარის ნაცვლად შეადგენს 1 ლარს.

განსაკუთრებული პირობებით სარგებლობისთვის სკოლისგან მიღებულ პრომო კოდს დააფიქსირებთ რეგისტრაციის შემდეგ, პაკეტის განახლების დროს: https://www.izrune.ge/geo/11

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ  

მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ ორდენები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge 

ან დაგვიკავშირდით: 0 (322) 11 01 22

მადლობა თანამშრომლობისთვის!

კეთილი სურვილებით, Izrune.ge-ს გუნდი

საგანმანათლებლო
სიახლეები
საგანმანათლებლო სიახლეები
22 ივნისი, 2020
„izrune.ge-მ გაზარდა ინტერესი მოსწავლეებში სახელმწიფო ენის მიმართ“
ამჯერად, izrune.ge სამცხე-ჯავახეთის სკოლებში გაწეული სამუშაოს ერთგვარ ანგარიშს წარმოგიდგენთ, სადაც პროექტის როლი სახელმწიფო ენის პოპულარიზაციაში არც მთლად უმნიშვნელოა.

მოგეხსენებათ, სამცხე-ჯავახეთი მრავალეროვანი რეგიონია და სწორედ ამიტომ, ადვილი არ არის, სახელმწიფო ენაზე შესრულებულმა პროექტმა ერთდროულად მოიპოვოს ნდობაც, პოპულარობაც და უამრავი მზრუნველი მეგობარიც გაიჩინოს.

Izrune.ge-მ კი ეს შეძლო! როგორ? - ამ კითხვას, ოდნავ მოგვიანებით, რეგიონის სკოლების დირექტორები უპასუხებენ, თუმცა მანამდე ფაქტია - პროექტის ხელმძღვანელობამ ტიტანური შრომა გასწია იმისთვის, izrune.ge-ს სამცხე-ჯავახეთის რეგიონში დამსახურებული ადგილი დაემკვიდრებინა. მოსწავლეებისთვის დაწესებული შეღავათებით, არაქართულენოვანი ბავშვებისთვის სპეციალურად შედგენილი ტესტებისა და ერთმანეთზე მუდმივი ზრუნვის შედეგად, სამცხე-ჯავახეთის რეგიონის მოსწავლეები სკოლების დისტანციურ სწავლებაზე გადასვლას მომზადებულები შეხვდნენ, მათთვის უცხო არ ყოფილა დავალებების ონლაინ-რეჟიმში შესრულება და რაც მთავარია, izrune.ge-მ სახელმწიფო ენის პოპულარიზაციაში საკუთარი წვლილის შეტანა მოახერხა, რაზეც ახალქალაქის საგანმანათლებლო რესურსცენტრის ხელმძღვანელი - თერეზა ჩივჩიანი საუბრობს:

- მოგეხსენებათ, პანდემიის პერიოდში, აქტუალური გახდა დისტანციურ სწავლებაზე გადასვლა, რაც სიახლე იყო როგორც რეგიონის, ისე მთლიანად ქვეყნისთვის, მაგრამ ჩვენმა ბავშვებმა ძალიან მალე დაძლიეს ეს გამოწვევა - izrune.ge-ში ჩართულობამ ბევრი რამ უფრო იოლი გახადა მათთვის, ბავშვებმა იცოდნენ, რა იყო დისტანციური სწავლება, იცოდნენ, როგორ შეესრულებინათ ონლაინ-დავალებები და ეს ყველაფერი izrune.ge-ს ტესტების გავლისას მიღებული გამოცდილების შედეგია.



აქვე, შეუძლებელია, ყურადღება არ გავამახვილო კიდევ ერთ და უმთავრეს ფაქტორზე - ესაა ენობრივი ბარიერი. მოგეხსენებათ რეგიონის მოსახლეობა, მოსწავლეები მონდომებულები არიან, მაქსიმალურად კარგად დაეუფლონ სახელმწიფო ენას და ამ მიზნის მიღწევაში მათ izrune.ge უდავოდ ეხმარება. სტატისტიკა იქნება, კომენტარი თუ ახსნა - ეს ყველაფერი კომპლექსურად სწორედ სახელმწიფო ენის უკეთ შესწავლისკენ უბიძგებს მოსწავლეებს, იმაზე რომ აღარაფერი ვთქვათ, როგორი მონდომებულები არიან, ტესტის გავლისას, საუკეთესო შედეგები აჩვენონ. აქედან გამომდინარე, izrune.ge სახელმწიფო ენის შესწავლისთვისაც შეგვიძლია ძალიან კარგ  რესურსად გამოვიყენოთ.
 
ყველა აღიარებს, რომ izrune.ge საჭირო პროექტია  ჩვენი სკოლებისთვის, ზოგადად რეგიონისთვის და დარწმუნებული ვარ, მეტად პოპულარული გახდება, რადგან, როგორც უკვე ვთქვი, სწორედ izrune.ge-ს საშუალებით, მეტად გაიზარდა ინტერესი მოსწავლეებში სახელმწიფო ენის მიმართ. კითხვებიც ისეა შედგენილი, ისე არ ხდება - ბავშვმა უპასუხა და ამით დასრულდა. izrune.ge-ს ტესტების გავლისას, მოსწავლეები ერთდროულად რამდენიმე მიმართულებით ფიქრობენ, კომპლექსური კითხვების საშუალებით, მხოლოდ საგანს კი არა, სახელმწიფო ენის უამრავ ნიუანსს სწავლობენ და ამის ნათელი მაგალითი ისაა,  რომ ჩვენი აბიტურიენტების უმეტესობა აბარებს საქართველოს სხვადასხვა უნივერსიტეტში, წარმატებული სტუდენტია და შემდეგ უბრუნდება რეგიონს, ჩვენ კი დასაქმებაში ვუწყობთ ხელს. ამ ყველაფრიდან გამომდინარე, სამომავლო პერსპექტივისთვისაც მნიშვნელოვანია izrune.ge-ს არსებობა, მით უმეტეს, რეგიონების სკოლებისთვის.



ალექსანდრე აჩელაშვილი, ახალქალაქის მუნიციპალიტეტის, კოთელიის საჯარო სკოლის დირექტორი:

- izrune.ge-ში ჩართვა იმიტომ გადავწყვიტეთ, ჩვენ მოსწავლეებს მრავალმხრივ განვითარების საშუალება ჰქონოდათ. არაფორმალური განათლების პროექტები ბავშვებისთვის უმნიშვნელოვანესია, რადგან მათ მრავალმხრივ განვითარების საშუალებას აძლევს; განსაკუთრებით izrune.ge, თავიდან ბოლომდე, მოსწავლეებზე, მათ ინტერესებზეა მორგებული, საჭირო უნარების გამომუშავებაში ეხმარება და ასე ბევრად აქტიურად არიან ჩართულები სასკოლო ცხოვრებაშიც. შეუძლებელია არ აღვნიშნო, რომ საგანგებო მდგომარეობის პირობებში, izrune.ge  ჩვენი მოსწავლეების, მათი მშობლებისთვის განსაკუთრებული მნიშვნელობა შეიძინა და ეს, როგორც სკოლის დირექტორს, ძალიან მახარებს. არ იყო იოლი დისტანციურ სწავლებაზე გადასვლა, ჩვენმა მოსწავლეებმა კი ეს უპრობლემოდ მოახერხეს, რადგან izrune.ge-ს ამისთვის საფუძველი უკვე შემზადებული ჰქონდა -  პროექტი სრულადაა მორგებული სწავლების თანამედროვე მეთოდებს.



ლელა გვრიტიშვილი, ახალციხის მუნიციპალიტეტის, ხეოთის საჯარო სკოლის დირექტორი:

- izrune.ge ჩვენთვის და ჩვენი მოსწავლეებისთვის უმნიშვნელოვანესი პროექტია. ბავშვები მოუთმენლად ელიან ყოველ ხუთშაბათს და განსაკუთრებული პასუხისმგებლობით ემზადებიან შემაჯამებელი ტესტირებისთვის. უნდა ნახოთ, როგორ აქტიურობენ მშობლებიც - izrune.ge-ს დიპლომებს მუდმივად ავრცელებენ სოციალური ქსელის საშუალებით და ამაყობენ საკუთარი შვილების მიღწევებით. განსაკუთრებით ვიგრძენით izrune.ge-ს საჭიროება დისტანციური სწავლებისას - თამამად შემიძლია ვთქვა, რომ იმ ბავშვებმა, რომლებიც აქტიურად იყვნენ ჩართულები პროექტში, უპრობლემოდ დაძლიეს ყველა გამოწვევა, რისთვისაც პროექტის ავტორებს გულწრფელ მადლობას ვუხდი.

არქაელ სეირანიანი, ნინოწმინდის მუნიციპალიტეტის, ორლოვკის საჯარო სკოლის დირექტორი:

- izrune.ge ბავშვების მოტივაციას ამაღლებს, ისინი უკეთ სწავლობენ როგორც სხვადასხვა საგანს, ასევე ცდილობენ, მოიპოვონ ინფორმაცია სხვადასხვა თემის ირგვლივ, რათა izrune.ge-ს ტესტები წარმატებით გაიარონ. ჩვენი სკოლის პედაგოგი ძალიან ეხმარება მოსწავლეებს, რათა მათ ერთმანეთზე უკეთესი შედეგები ჰქონდეთ და თამამად ვიტყვი - მასწავლებელიც და მოსწავლეებიც ძალიან ბევრს შრომობენ. გარდა ამ ყველაფრისა, izrune.ge ხელს უწყობს სახელმწიფო ენის პოპულარიზაციას - ჩვენი ბავშვების 80% კარგად ფლობს სახელმწიფო ენას და ამასთან ერთად, კითხვები ისეა ადაპტირებული არაქართულენოვანი მოსწავლეებისთვის, რომ მათ მრავალმხრივ მუშაობის საშუალება აქვთ, საგანთან ერთად, ენის გრამატიკულ ნაწილსაც დიდ ყურადღებას უთმობენ და ეს ყველაფერი, კომპლექსურად, ძალიან ეხმარებათ ეროვნულ გამოცდებზე.



რას ამბობენ ჩვენზე