izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედროვე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის ჩართულობით.

ყოველი სავარჯიშო ტესტი თემატურად განსხვავებულია:

„სიბრძნის ხუთშაბათი“: ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

"წიგნიერების ხუთშაბათი": ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ინგლისური ენის 5-დონიანი ტესტი: მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

სხვა თემატური ტესტები და ოლიმპიადები...

ყოველი თვის ბოლო კვირა დღე კი „შემაჯამებელი ტესტია“, ეს დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. 


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 15 ლარის ნაცვლად შეადგენს 10 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
სკოლამდელი აღზრდა
28 თებერვალი, 2020
მრავალდიპლომიანმა ანა კურტანიძემ izrune.ge სტუმრად მიიწვია
izrune.ge-ს რესპონდენტი ახალციხის მუნიციპალიტეტის სოფელ მინაძის საჯარო სკოლის მეხუთეკლასელი, ანა კურტანიძე გახლავთ, რომელსაც izrune.ge-ს იმდენი დიპლომი აქვს, უკვე თვლაც აერია და ზოგადად, პროექტს 2018 წლიდან გულშემატკივრობს. რატომ და როგორ გადაწყვიტა  ჩართვა, რას ელის პროექტისგან და რა პროფესია აქვს არჩეული სამომავლოდ პატარა ანას, ამას ინტერვიუდან შეიტყობთ. თუმცა მანამდე, მაია კურტანიძეს, პატარა იზრუნელის დედიკოს გავესაუბრეთ, რომელიც, იმავდროულად, გოგონას დამრიგებელია.

- ზოგადად, პროექტში ჩართვა ანას სურვილი  იყო, სხვაგვარად ვერც სკოლა, ვერც დირექტორი და ვერც მე, ვერაფერს გავხდებოდით. კარგად სწავლობს და როდესაც დირექტორმა პროექტი გაგვაცნო, შემდეგ ბატონი გოჩა ტყეშელაშვილიც ჩამოვიდა, დავრწმუნდით, როგორი მრავალმხრივი და შემეცნებითი იყო izrune.ge.
რაც შეეხება კონკრეტულად ანას, კარგი გოგონაა, სწავლაც ძალიან უყვარს, კითხვაც, კლასგარეშე ლიტერატურას ხშირად ეცნობა, მე კი, როგორც მშობელი, ხელს ვუწყობ და არასოდეს ჩამომიტოვებია უკან.

- ანა დამოუკიდებლად მუშაობს izrune.ge-ს ტესტებზე? 

- უმეტესად, დამოუკიდებლად მუშაობს, თუმცა არის შემთხვევები, როდესაც გარკვეულ კითხვაზე პასუხი არ აქვს... ასეთ დროს, მხოლოდ მე კი არა, მთელი ოჯახი ვართ ჩართული, მათ შორის - ბებია-პაპა.

- თავად როგორი განწყობა აქვს ხოლმე ტესტის გავლის შემდეგ?

- ოქროს დიპლომებს რომ იღებდა სიხარულით ფრენდა და ბევრი დიპლომიც გვაქვს; თუმცა ვერცხლის დიპლომი რომ მიიღო, ძალიან ინერვიულა, სულ იმეორებდა - რა, როგორ და რატომ შემეშალაო. ემოციური ბავშვია და წარმატება ძალიან ახარებს.



- ამ სიხარულს მეგობრებსაც უზიარებს, ალბათ...

- რა თქმა უნდა, უზიარებს თავის სიხარულს, ოღონდ ტრაბახი არ უყვარს და მხოლოდ ურჩევს, ისინიც ჩაერთონ პროექტში.

- კლასგარეშე ლიტერატურის კითხვა უყვარსო, მითხარით...

- დირექტორი რომ გაესაუბრა, ბავშვი უფრო მოტივირებული გახდა და ბუნებრივიცაა -  შეიტყო, რომ მის ნაშრომს შეაფასებდნენ და ამის გამო შეაქებდნენ კიდეც. მეც ვუთხარი - დედი, მხოლოდ საგაკვეთილო პროგრამა არ იქნება საკმარისი და კლასგარეშე ლიტერატურის კითხვა მოგიწევს-თქო. აქედან გამომდინარე, ანა ფსიქოლოგიურადაც მომზადებული შეხვდა ამ ყველაფერს.

გარდა ამისა, დირექტორმა წიგნებიც დაურიგა წარჩინებულ მოსწავლეებს. მე ანას დამრიგებელიც ვარ და ჩემ კლასში მხოლოდ სამი ბავშვია, თუმცა ჩვენი სკოლიდან სხვებიც ჩართულები არიან, რომლებსაც დირექტორმა საზეიმო ვითარებაში გადასცა დიპლომები, შეაქო წარჩინებული მოსწავლეები და სხვებსაც მოუწოდა პროექტის გულშემატკივრობისა თუ izrune.ge-ში ჩართვისკენ. მე კი ანას ყველა დიპლომი ლამინირებული მაქვს, ჩემთვის საამაყოა, ვიყო ანას დედა.

- ქალბატონო მაია, როგორია საკუთრი შვილის მასწავლებლობა?

- ძალიან რთულია იმდენად, რამდენადაც, იმაზე მკაცრი ვარ მასთან, ვიდრე სხვა ბავშვებთან... თუმცა ამის გამო ნამდვილად არ მსაყვედურობს და გაგებით ეკიდება. სახლში კი მეგობრები ვართ, ძალიან კარგი ბავშვია, სწავლაც უყვარს და ხელსაქმეც. არაჩვეულებრივად ამზადებს სალათებსა და პიცას... პატარა კულინარი მყავს სახლში.

ამის შემდეგ, ჩვენი ინტერვიუს მთავარ გმირს გავესაუბრე, რომელმაც ჯერ თავი გამაცნო - ანა კურტანიძე ვარო და ისიც მიამბო, რას ნიშნავს izrune.ge მისთვის:

„ჩემთვის izrune.ge ძალიან მნიშვნელოვანია; პროექტში ჩართვა კი იმიტომ გადავწყვიტე, რომ შემეცნებითია... შემეცნებითი ლიტერატურაც მიყვარს. პირველი ტესტის კითხვები კი არა, ის მახსოვს, რა ვიგრძენი, დიპლომი რომ მივიღე... მაშინ ჩემ თავს პირობა მივეცი, რომ შემდეგ ჯერზე უკეთესი შედეგი მექნებოდა.
იცით, ჩემი საყვარელი წიგნი „ტომ სოიერის თავგადასავალია“ და ვფირობ, მეც ტომივით ცოტათი ონავარი ვარ, თუმცა სწავლაც ძალიან მიყვარს... რომ გავიზრდები, ან პოლიციელი გამოვალ, ან - ექიმი, ან მასწავლებელი... არ ვიცი, ჯერ არ გადამიწყვეტია. სამაგიეროდ გემრიელობებს ვამზადებ და სტუმრადაც გიწვევთ - სალათებით, პიცითა და ყავით გაგიმასპინძლდებით“.


რას ამბობენ ჩვენზე