izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
06 თებერვალი, 2020
„ოჯახის, ბავშვის და სკოლის საოცარი ურთიერთობის ხელშემწყობი პროექტი“ - ეტალონი დამრიგებლის შეფასება
„ვიცოდი, რომ წარმატება და აღიარება მოყვებოდა ჩვენ ძალისხმევას“, - ასე დაიწყო ჩვენთან საუბარი 71-ე სკოლის პედაგოგმა, მადონა მეტრეველმა, რომლის სადამრიგებლო პირველი კლასის აბსოლუტური უმრავლესობა ჩართულია  izrune.ge-ში;

თუმცა მზრუნველი პედაგოგი პროექტის მნიშვნელობაში ბევრად ადრე, ჯერ კიდევ მაშინ დარწმუნდა, როდესაც განათლების სამინისტროში მიწვეულ რამდენიმე პედაგოგს ინოვაციური პროექტის  არსი გააცნეს; შემდეგ კი, როგორც თავად გვიამბობს, ბატონი გოჩა ტყეშელაშვილი  სკოლას ესტუმრა და ასე ჩაერთო თბილისის 71-ე საჯარო სკოლა izrune.ge-ში.

იმ პერიოდში ქალბატონ მადონას მეოთხეკლასელები ჰყავდა და ბავშვებიც მაშინვე დაინტერესდნენ სიახლით; ახლა კი მადონა მეტრეველი პირველკლასელთა დამრიგებელია და თამამად შეიძლება ითქვას, izrune.ge-ს პარტნიორობა ერთგვარ ტრადიციად ქცეულა მისთვის. მიუხედავად იმისა, რომ პატარები  ანბანის ყველა ასოს ჯერ არ გასცნობიან, ყველა მოსწავლე მონაწილეობს izrune.ge-ს ტესტირებაში და ჯერ მეგობრული, შემდეგ კი სუპერკლასის  ტიტულიც მოიპოვეს, ახლა კი მომავლის კლასის წოდებისთვის იბრძვიან და როგორც ქალბატონმა მადონამ გაგვიმხილა, ამ საკითხს პატარები უდიდესი პასუხისმგებლობით ეკიდებიან - აპირებენ, ლოზუნგიც კი მოიფიქრონ, რათა რაც შეიძლება მეტი ადამიანისთვის გახდეს თვალსაჩინო მათი წარმატება. 



- ჩვენი, 71-ე სკოლა ერთ-ერთი პირველი იყო, ვინც პროექტში ჩაერთო... მაშინ  მეოთხეკლასელები მყავდა; წელს კი ახალი ნაკადი მივიღე, პირველკლასელები, რომლებმაც სექტემბერში შემოაღეს სკოლის კარი და უკვე აქტიური იზრუნელები არიან. თავიდან, მოსწავლეთა უმეტესობა ჩაერთო, მოგვიანებით კი, მსურველები დაემატა და ახლა  ჩემი სადამრიგებლოს ასი პროცენტი ჩართულია izrune.ge-ში.

- მოსწავლეთა ასეთი აქტიურობა, ალბათ, თქვენი დამსახურებაცაა, ქალბატონო მადონა.

- ბავშვები არიან ძალიან მონდომებულები... მოგეხსენებათ, ბავშვების უმრავლესობა სახლში გადის ტესტირებას და ყველაზე მეტად ის მახარებს, რომ მშობელი და ბავშვი ერთობლივად მუშაობენ. მშობლებიც ჩართულები არიან პროექტში, უკითხავენ ბავშვებს კლასგარეშე ლიტერატურას, ერთად განიხილავენ გარკვეულ საკითხებს და ბავშვებიც მოუთმენლად ელიან ხუთშაბათს რათა კიდევ ერთხელ მიაღწიონ წარმატებას, გამოავლინონ საკუთარი შესაძლებლობები. პარასკევს კი, სკოლაში მოსულები ერთმანეთს შთაბეჭდილებებს უზიარებენ...

შეუძლებელია, არ აღვნიშნო ზოგადად, პროექტის მნიშვნელობა -  გვინდა თუ არა, ბავშვის ურთიერთობა ტექნიკასთან შეუქცევადი პროცესია; რთულია, მივაღწიოთ იმას, რომ  დღის განმავლობაში არ დაჯდეს კომპიუტერთან და ამიტომ, აჯობებს, ეს ყველაფერი სასიკეთოდ გამოვიყენოთ. ასეთ დროს იკვეთება მშობლისა და ბავშვის ურთიერთობა. ბავშვმა იცის, რომ დროის კონკრეტულ მონაკვეთში გარკვეული დავალება უნდა შეასრულოს და  ყველაზე მეტად სწორედ ეს მომწონს - ბავშვი დამოუკიდებლად აზროვნებს, თუმცა ტესტირებას მშობელთან ერთად გადის, რომელიც ეხმარება წაკითხულის გააზრებაში, ხშირად პატარებს გარკვეული საკითხების შეხსენება სჭირდებათ...



- და არცთუ იშვიათად, ბავშვები აქეთ ახსენებენ მშობლებს გარკვეულ საკითხებს, ხომ?  

- დიახ, ასეც ხდება - მშობლებს არაერთხელ უთქვამთ, სწორი პასუხი ჩვენ არ გვახსოვდა და ბავშვებმა შეგვახსენესო. izrune.ge მშობლისა და ბავშვის საოცარი ურთიერთობის ხელშემწყობი პროექტია.

- გამოდის, izrune.ge ოჯახების ერთიანობას უწყობს ხელს?

- დიახ, უდავოდ... ყოველთვის ხაზგასმით აღვნიშნავ ამას.  ხშირად გვიფიქრია მასწავლებლებს, მივუთითოთ ბავშვებს, რომ დამოუკიდებლად იმუშაონო, მაგრამ ამ იდეაზე უარი გვითქვამს. ისეთი ცხოვრება მოვიდა, რაღაცნაირად ვშორდებით ადამიანები ერთმანეთს; მშობელსაც, სამწუხაროდ, არ აქვს საშუალება, ბავშვთან დიდი დროს გაატარო, izrune.ge ტესტირება კი სწორედ ამ ერთიანობას უწყობს ხელს.

- ქალბატონო მადონა, „წიგნიერების დღე“ ახლოვდება. ბავშვებმა გარკვეული ლიტერატურა უნდა წაიკითხონ, არადა ანბანის ყველა ასო არც იციან.

- დიახ, ასეა, თუმცა ეს ბარიერი არაა ჩვენთვის. წიგნის საჯაროდ კითხვის დღეც კი წარმატებით ჩავატარეთ - „ტ“ ასოზე ვართ და შევიტანე ტესტი, სადაც გამახვილებული იყო ყურადღება ამ ასოზე, მივეცი ბავშვებს ჯგუფური სამუშაო,  ტექსტის მიხედვით და კითხვების საშუალებით უნდა შეედგინათ პატარა მოთხრობა, გაეკეთებინათ ილუსტრაციები, შემდეგ ერთ ფაილად ავკინძეთ და მივიღეთ ერთი დიდი წიგნი, რომლესაც სხვა პირველკლასელებს წავუკითხავთ. ასე შევიტანეთ საკუთარი მცირე წვლილი წიგნის საჯაროდ კითხვის დღეში.

რაც შეეხება „წიგნიერების დღეს“, ჩვენ კლასში პატარა ბიბლიოთეკა გვაქვს; ბავშვები თვითონ აქტიურობენ, მოაქვთ წიგნები, ერთმანეთს უამბობენ წაკითხულს და ამგვარად, ნელ-ნელა  მივაღწევთ მიზანს - დარწმუნებული ვარ, წიგნი შეუყვარდებათ და მიხვდებიან, რომ მხოლოდ ელექტრონულ ნივთებზე არ უნდა იყვნენ დამოკიდებულნი.



- როგორც ვიცი, კიდევ ერთი მიზანი გაქვთ - „მომავლის კლასის“ ტიტულის მოპოვებას აპირებთ. 

- პირველ ყოვლისა, გეტყვით, რომ ჩემი პირველკლასელებისა და მათი მშობლებისთვის ასეთი ტიტულები ძალიან მნიშვნელოვანია და დიდ მოტივაციას აძლევს მათ. ჯერ მეგობრული კლასი ვიყავით, ახლა სუპერკლასი ვართ... ბავშვები მონდომებულები არიან, უნდათ, ლოზუნგი მოიფიქრონ და კლასში გამოფინონ, რათა ყველასთვის იყო თვალსაჩინო. „მომავლის კლასი“ აუცილებლად გავხდებით, მანამდე კი „სუპერ კლასი“ ვართ, ჩემი პატარები კი სუპერ ბავშვები და მათზე ეს შეფასება ჯადოსნურად მოქმედებს.


რას ამბობენ ჩვენზე