izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
04 დეკემბერი, 2019
სწორედ izrune.ge და მსგავსი პროექტები გაიყვანს მომავალ თაობებს სწორ გზაზე - წყალტუბო ინოვაციურ პროექტს აფასებს
წყალტუბოს მუნიციპალიტეტის სოფელ ახალი საყულიის საჯარო სკოლის დირექტორი, ნატო გაბიძაშვილი დიდი ხანია „ეტალონის“ გულშემატკივარია, წელს კი სკოლა izrune.ge-ს პროექტშიც ჩაერთო და როგორც ქალბატონი ნატო izrune.ge-სთან საუბრისას აღნიშნავს, განსაკუთრებული ძალისხმევა არც დასჭირვებია, მოსწავლეები და მშობლები პროექტში მონაწილეობის საჭიროებაში დაერწმუნებინა.

„პროექტი როგორც კი გავაცანით, მოსწავლეები მაშინვე ჩაერთნენ და არცაა გასაკვირი, რადგან ესაა ეროვნული პროექტი, რომელიც მიმართულია ეფექტური განათლებისკენ. სწორედ izrune.ge და მსგავსი პროექტები გაიყვანს მომავალ თაობებს სწორ გზაზე“, - ასეთია წყალტუბოს მუნიციპალიტეტის ახალი საყულიის სკოლის დირექტორის პოზიცია, რომელიც izrune.ge-ს კიდევ ერთ დამსახურებად იმას მიიჩნევს, რომ პროექტი დამატებით ფინანსებს არ საჭიროებს, რაც მშობლებისთვის ერთ-ერთი მნიშვნელოვანი ფაქტორია.  



„გარდა ამისა, მათ იციან, რომ ადგილზე, სახლიდან გაუსვლელად შეუძლიათ მონაწილეობა. მშობლების დარწმუნება არც დაგვჭირვებია - როდესაც izrune.ge-ს შესახებ ყველაფერი შეიტყვეს და გააცნობიერეს, რამდენად სასარგებლოა ბავშვის სამომავლო განვითარებისთვის, ეგრევე გამოთქვეს სურვილი, ჩართულიყვნენ. შესაბამისად, ეს საკითხი ჩვენ სკოლაში უპრობლემოდ და თავისთავად მოგვარდა“, - ამბობს ქალბატონი ნატო და დასძენს, რომ მოსწავლეებიც ძალიან კმაყოფილები არიან. „ელიან, როდის გამოქვეყნდება ახალ-ახალი აქტივობები და თავადაც შეძლებენ ჩართვას. მათ არ აშინებთ ახალ-ახალი გამოწვევები და სწორედ ესაა izrune.ge-ს უდიდესი დამსახურება; აღარაფერს ვამბობ, იმაზე, რომ ტესტები მრავალფეროვანია და გათვლილია სხვადასხვა ასაკობრივ ჯგუფზე. ასევე სასიხარულოა ფაქტი, რომ izrune.ge ყველაზე მეგობრული კლასის გამოვლენაზეც იზრუნებს და ამ სიახლის შესახებ თავად ბატონმა გოჩა ტყეშელაშვილმა შეგვატყობინა, როდესაც წყალტუბოში იყო ჩამოსული... ერთი სიტყვით, ყოველი მოსწავლე აუცილებლად აღმოაჩენს izrune.ge-ს პროექტში მისთვის საინტერესო მიმართულებას!“

კესო გულბანი ახალი საყულიის სკოლის ისტორიის პედაგოგი, მერვე კლასის დამრიგებელია და izrune.ge-სთან საუბრისას აღნიშნავს, რომ პირველ რიგში სწორედ მშობლებმა გამოთქვეს სურვილი და მზაობა, izrune.ge-ს პროექტში ჩართულიყვნენ მათი შვილები. თავად ორი შვილის დედაა და როგორც მშობელი, პროექტში მოსწავლის მონაწილეობას აუცილებლობად მიიჩნევს,რადგან izrune.ge-მ ბავშვებს წიგნის საჭიროება აგრძნობინა: „ჩემი შვილის მაგალითზე გეტყვით - ტესტებზე დამოუკიდებლად მუშაობა უნდოდა და არავინ მიგვიკარა, მეორე დღეს კი, თავად დაიწყო ინფორმაციების  მოძიება იმ კითხვებზე, რასაც ვერ უპასუხა; დახმარება მთხოვა - რომელი წიგნები წავიკითხოო. ბავშვები მიხვდნენ, რომ რაც მეტს წაიკითხავენ, მით მეტი ეცოდინებათ და მეტ წარმატებასაც მიაღწევენ ჩვენ კი, მასწავლებლებიცა და მშობლებიც ყველანაირად დავეხმარებით“.



izrune.ge-მ ახალი საყულიის ერთ-ერთ მოსწავლესთან გასაუბრებაც მოახერხა - ნათია მუკბანიანი მეხუთეკლასელია, ლამაზი და ცქრიალა გოგონა, რომელსაც ერთი სული ჰქონდა, izrune.ge-ს ტესტებს როდის შეასრულებდა. 
„ძალიან მინდოდა პროექტში ჩართვა, რადგან izrune.ge საშუალებას მაძლევს, ჩემი ცოდნა შევამოწმო. მით უმეტეს, თავისუფალ დროს წიგნების კითხვა მიყვარს და ამიტომ მონაწილეობა არ მიჭირს. ჩემი ძმაც მონაწილეობს პროექტში, მართალია ის ცოტა უფროსია, მაგრამ ჩვენ ერთმანეთს ვეხმარებით და ასე უკეთეს შედეგს ვაღწევთ. სწავლა ხომ ყველა ბავშვისთვის საჭიროა. მე მინდა, ექიმი გამოვიდე. ადამიანებს დავეხმარო, მძიმე დაავადებებისგან განვკურნო და ვიცი, ამ ყველაფრის მისაღწევად ბევრი სწავლა მომიწევს“.



მთავარია, მონდომება და ადამიანი მიზანს აუცილებლად მიაღწევსო, - გაგვანდო ნათიამ, რომელიც უფროს ძმასთან ერთად ცდილობს, izrune.ge-ს ტესტებს ღირსეულად გაართვას თავი; რაც არ იცის, ისწავლოს, არსებული ცოდნაც განიმტკიცოს და მშობლებიც გაახაროს თავისი წარმატებით. ხუმრობა ხომ არაა, ნათიას ექიმობა უნდა, ეს კი საპასუხისმგებლო პროფესიაა და გოგონამაც იცის, ბევრი შრომა მოუწევს, სანამ საუკეთესო ექიმის სტატუსსა და უფლებას მოიპოვებს, თეთრი ხალათი ღირსეულად ატაროს.


რას ამბობენ ჩვენზე