izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საინტერესო ამბები
30 მაისი, 2019
ამერიკაში სასკოლო ექსკურსიის დამტკიცებას 10-12 თვე სჭირდება - როგორია რეგულაციები მსოფლიოს სხვადასხვა ქვეყანაში

ბავშვის აღზრდა-განვითარებისა და სწავლების პროცესში ექსკურსიების მოწყობა აპრობირებული და მრავალმხრივ აღიარებული მეთოდია.

ამ შემეცნებით, ემოციურ და გასართობ მიდგომას სკოლები სისტემურად, საკმაოდ ეფექტურადაც იყენებენ, თუმცა ტურების ორგანიზება დიდ სიფრთხილეს, ყურადღებასა და უსაფრთხოების ნორმების დაცვას მოითხოვს.

კონკრეტული ქეისებიდან გამომდინარე, მსოფლიოს სხვადასხვა ქვეყანამ სასკოლო ექსკურსიებთან დაკავშირებით გარკვეული სტანდარტები და რეგულაციები შემოიღო და შესაძლო რისკფაქტორები მაქსიმალურად შეამცირა:
 
ამერიკაში სასკოლო ექსკურსიებს ძირითადად მასწავლებლები გეგმავენ. ადგენენ  მიმართულებას, ღირსშესანიშნაობების ჩამონათვალს, მომსახურების ფასებს და სკოლის დირექციას უგზავნიან დასამტკიცებლად. მას შემდეგ რაც ექსკურსია დამტკიცდება, ჩვეულებისამებრ, 10-12 თვის განმავლობაში, საორგანიზაციო სამზადისი იწყება. სკოლა ან თავად გეგმავს ყველა დეტალს, ან ტურისტულ სააგენტოს მიმართავს. აქ ტრანსპორტირება განსაკუთრებით ყურადსაღები და საფრთხილო საკითხია, ამერიკაში არსებობს ტრანსპორტის კომპანიები, რომლებსაც სპეციალურად მინიჭებული, ბავშვების ტარების უფლება აქვთ. მრავალი ტექნიკური საკითხების მოგვარების შემდეგ, მშობელთა კომიტეტი ბიუჯეტზე ზრუნვას იწყებს. დაფინანსებაში ოჯახების გარდა თავად მოსწავლეებიც მონაწილეობენ, საკუთარი შრომით გამოიმუშავებენ ფულს და საექსკურსიო ხარჯებს იხდიან. იმ მოსწავლეებს, რომლებსაც სათანადო სახსრები არ აქვთ მაგრამ, ინტერესითა და სამოტივაციო წერილით გამოირჩევიან გარკვეული კომპანიები ტურს უფინანსებენ.

უკრაინაში სასკოლო ექსკურსიებთან დაკავშირებით შემდეგი რეგულაციები მოქმედებს: ტურის მონაწილეთა შორის შეიძლება იყოს 10-დან 40-მდე ბავშვი 6 წლის ზევით, ყოველ 10 მოზარდზე 1 მეთვალყურე უნდა იყოს გამოყოფილი, რომლებსაც მუდმივი კავშირი ექნებათ ჯგუფის ხელმძღვანელთან. ისინი ერთად გააცნობენ მოსწავლეებს დაგეგმილ მარშრუტს,  ქცევის წესებსა და უსაფრთხოების ნორმებს. უფროსებს პირველადი სამედიცინო დახმარების აღმოჩენა უნდა შეეძლოთ. მეთვალყურეები ბავშვების უსაფრთხოებაზე აგებენ პასუხს და სიტუაციიდან გამომდინარე, ფიზიკური თუ მორალური საფრთხის შემთხვევაში, უფლებამოსილნი არიან შეწყვიტონ ექსკურსია.

ექსკურსიები იაპონიის საგანმანათლებლო სივრცის განუყოფელი ნაწილია. ძირითად ტურებს, როგორც ერთი ეტაპის დასასრულსა და ახლის დასაწყისს, გარდამტეხ მეექვსე, მეცხრე და მეთორმეტე კლასებში აწყობენ და მასში მონაწილეობა თითოეული მოსწავლისთვის სავალდებულოა. სკოლა ყველაფერს აკეთებს იმისთვის, რომ ექსკურსია საინტერესო და ემოციურად დატვირთული გამოვიდეს ბავშვებისთვის. რამდენიმე დღის განმავლობაში მოსწავლეები მთავარ ღირსშესანიშნაობებს სტუმრობენ, ერთმანეთთან ურთიერთობებს აღრმავებენ და უშუალოდ ცხოვრობენ. გოგონებსა და ბიჭებს ცალ-ცალკე, მაგრამ საერთო ოთახებში, ძირს დაფენილ პლედებზე აძინებენ და მეტ ყურადღებას სულიერ სიღრმეებს უთმობენ. ექსკურსიის შემდეგ ბავშვებს დავალება ეძლევათ, კედლის გაზეთებითა და სხვა საინტერესო აქტივობებით მიღებული შთაბეჭდილებები პროექტებად უნდა წარმოადგინონ. ექსკურსიაზე ქცევის წესები ყველასთვის გაწერილი და უპირობოა, არ უნდა ჩამორჩე ჯგუფს, უსმინო ხელმძღვანელს და მის მითითებებს მიჰყვე. ისინი მაღალი პასუხისმგებლობის გრძნობით გამსჭვალული, პროფესიონალი და დატრენინგებული წარმომადგენლები არიან.  



რას ამბობენ ჩვენზე