izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
რჩევები მშობლებს
03 მაისი, 2019
როგორ უნდა მიხვდეს მშობელი, რომ შვილს დიაბეტი აქვს და როგორ დავიცვათ ბავშვები ამ დაავადებისგან

ბავშვებში დიაბეტის გამოვლენის შემთხვევებმა მთელ მსოფლიოში იმატა. მსოფლიო ჯანდაცვის ორგანიზაციისა და დიაბეტის საერთაშორისო ფედერაციის მონაცემებით, მსოფლიოში უკვე 400 მილიონზე ადამიანი ცხოვრობს ამ სენით და სწრაფი მატება ეპიდემიის ხასიათს იღებს.

შაქრიანი დიაბეტი ნივთიერებათა ცვლის დარღვევაა, რომლის დროსაც ადამიანის ორგანიზმს არ შეუძლია ნორმალურად შაქრის, ანუ გლუკოზის შეთვისება და ამის გამო სისხლში შაქრის დონე იზრდება. შაქრიანი დიაბეტი ვითარდება საკმაოდ სწრაფად, შესაბამისი მკურნალობის გარეშე პროგრესირებს და იღებს რთულ ფორმებს.

რა იწვევს ბავშვებში დიაბეტს, როგორ მიხვდეს მშობელი, რომ მის შვილს ამ მხრივ პრობლემა აქვს და როგორ დავიცვათ ბავშვები ამ დაავადებისგან? ამ კითხვებზე Izrune.ge-ს ენდოკრინოლოგმა, მედიცინის დოქტორმა, ირაკლი ფაღავამ უპასუხა.

– ბატონო ირაკლი, დიაბეტი არის ცალსახად გენეტიკური დაავადება თუ არსებობს სხვა ფაქტორებიც, რომელიც მის წარმოშობაში მონაწილეობენ?


– შაქრიანი დიაბეტი სხვადასხვანაირია და ამ ერთი სახელწოდების ქვეშ რამდენიმე დაავადება იმალება. მემკვიდრული კომპონენტი კი მათ უმრავლესობას აქვს და გააჩნია რა სახის დიაბეტია, იმის მიხედვით, სხვადასხვაგვარად არის ხოლმე გამოკვეთილი. ზოგიერთი სახეობის შემთხვევაში, თუ მშობელს დიაბეტი აქვს, შვილს 100–დან 50 შანსი აქვს, რომ მასაც ექნება. ზოგის შემთხვევაში კი 100-დან - 5 შანსია.

– როგორ უნდა მიხვდეს მშობელი, რომ მის შვილს დიაბეტი აქვს?


– ავტოიმუნური შაქრიანი დიაბეტის ტიპი 1, ანუ ინსულინდამოკიდებულება ვლინდება ხშირად ბავშვებსა და მოზარდებში. ამ დროს ხდება დიდი რაოდენობით შარდის გამოყოფა – ღამე ან გაეპარება, ან რამდენჯერმე წამოდგება საპირფარეშოში გასასვლელად, ძალიან ბევრ სითხეს ეტანება და წონაში იკლებს. ამ დროს აუცილებლად უნდა გაუზომოთ სისხლში შაქრის შემცველობა.

თუ უფრო მსუბუქი ტიპის დიაბეტია, ამ დროს შეიძლება აღინიშნებოდეს პირის გამოშრობა, გარკვეული ნაკაწრის გამიზეზება, რომელიც რთულად ხორცდება, მიდრეკილება სოკოვანი დაავადებებისადმი და ა. შ. 

– დიაბეტი მოულოდნელად ვლინდება?


– დიახ, სრულიად მოულოდნელად, უცბად შეიძლება გამოვლინდეს.

– კვებას, ცხოვრების წესს თუ აქვს მნიშვნელობა დიაბეტის განვითარების თვალსაზრისით? ტკბილ საკვებს თვლიან ასეთ დროს ყველაზე მავნედ.


– რა თქმა უნდა, ცხოვრების წესს აქვს მნიშვნელობა. თუ საუბარი გვაქვს შაქრიან დიაბეტ ტიპ 2–ზე, ანუ ინსულინდამოუკიდებელზე, ის ხშირად არის კავშირში სიმსუქნესთან. თუ საუბარია ინსულინდამოკიდებულ დიაბეტზე, იქ სხვადასხვა აზრია, მაგრამ ყველა მშობელს ვურჩევ, შვილებს ბევრ ტკბილეულს ნუ აჭმევენ. შეიძლება დიაბეტი არ გამოიწვიოს, მაგრამ ტკბილეული ასუქებს და კბილებს აფუჭებს.

– ხშირად ამბობენ ხოლმე, ინერვიულა და დიაბეტი დაემართაო. მოზარდსაც შეიძლება ნერვიულობის ნიადაგზე დიაბეტი განუვითარდეს?

– ინსულინდამოკიდებული შაქრიანი დიაბეტის დაწყება ნერვიულობაზე მეტად შეიძლება ვირუსულ ინფექციებს დავუკავშიროთ.

– ნებისმიერმა ვირუსულმა ინფექციამ შეიძლება ეს გამოიწვიოს?


– დიახ, ნებისმიერმა. ეს იმას არ ნიშნავს, რომ ყველას დიაბეტი დაეწყება, თუმცა საკმაოდ ხშირად, ინსულინდამოკიდებული შაქრიანი დიაბეტის ჩამოყალიბებას რამდენიმე კვირით უსწრებს ხოლმე წინ ვირუსული ინფექცია.

– იმასაც ამბობენ, რომ ინფექციური დაავადებების, ე.წ. ბატონებისა და ვირუსული ინფექციის ერთად გადატანა იწვევს ბავშვებში ინსულინდამოკიდებულ დიაბეტს.


– ე.წ. ბატონები წარმოადგენს ინფექციურ და ხშირად ვირუსულ დაავადებას. რამდენიმე ვირუსული დაავადების შემდეგ, რომლებსაც ბატონების სახელის ქვეშ ვაერთიანებთ ხალხურ ზეპირსიტყვიერებაში, ნამდვილად შეიძლება დიაბეტი გამოვლინდეს მისი მობრძანება – წაბრძანებიდან რამდენიმე კვირაში.

– ეს დაავადებები იწვევენ დიაბეტს თუ მაპროვოცირებელი ფაქტორია?


– საკამათოა – შეიძლება ხელი შეუწყოს ან გამოიწვიოს. ხშირად გარკვეულ როლს თამაშობენ, მაგრამ არა ყოველთვის. 

– როცა ბავშვი გენეტიკურად დატვირთულია დიაბეტით, შეიძლება მშობელმა ისეთი ღონისძიებები გაატაროს, რომ შვილს მაინც აარიდოს თავიდან ეს დაავადება?

– გააჩნია რომელ დიაბეტზეა საუბარი. თუ შაქრიანი დიაბეტის ტიპ 2-ზეა საუბარი, მაშინ, ბავშვი არ უნდა იყოს მსუქანი და ბავშვს არ უნდა ვაძლევდეთ ცომეულობასა და ტკბილეულობას, უნდა დაგვყავდეს სპორტზე, უნდა იყოს გამხდარი და დაკუნთული. თუ ეს 1 ტიპის დიაბეტია, ცოტა რთულია რაიმეს განსაზღვრა. ბავშვს მინის ყუთში ვერ ჩავსვამთ, მაგრამ როცა ვირუსების სეზონია და ყველა აცემინებს, იმ სეზონზე მაინც ნუ წავიყვანთ ხალხმრავალ ადგილებში. ბინებში არის ხოლმე მშრალი სიმხურვალე – გათბობის ნებისმიერი სისტემა ჰაერს აშრობს. ამიტომ, აუცილებელია ჰაერის დატენიანება, თორემ უფრო ადვილად დაავადდება ბავშვი ვირუსული ინფექციით. სპეციალური ხელსაწყოები არსებობს, რომლებიც ჰაერს ატენიანებენ. უფრო მარტივი გზა დატენიანებისა კი არის ტაშტი წყლით და სველი ტილო, რომელიც ყველა ოთახში უნდა დავაწყოთ. ოთახი აუცილებლად უნდა გავანიავოთ.

ასეთი ღონისძიებებს ზოგჯერ მოსდევს შედეგი და გენეტიკა უკან რჩება, მაგრამ ზოგჯერ – არა. ნებისმიერ შემთხვევაში, ჯობია, შვილი ჯანსაღად აღვზარდოთ.

– ცოტა რთულია, ბავშვს აუკრძალო ტკბილეულის ჭამა.

– აკრძალვა არ უნდა და არც რთულია – არ უნდა ვუყიდოთ.

– თუ ბავშვს ტკბილზე მოთხოვნილება აქვს?

– და საიდან გაუჩნდა ეს მოთხოვნილება, ვინ გაასინჯა პირველად? ისევ და ისევ მშობელმა. ტკბილეული მავნეა. ეს არის ლეგალიზებული ნარკოტიკი, ისევე როგორც თამბაქო და ალკოჰოლი.

– თქვენს შვილებს უყვართ ტკბილეული?

– უყვართ, მაგრამ არ ვაჭმევ. ჩემ ზურგს უკან გაასინჯეს. ახლა კი სახლში არ მიმაქვს, მაგალითად, ნაყინი. ამ სეზონზე მხოლოდ ერთხელ მივიტანე – სტუმრები იყვნენ და ცოტა ბავშვებსაც ერგოთ. არც ჩემი მეუღლე ყიდულობს და ბავშვებს ძალიან იშვიათად უწევთ ტკბილის ჭამა. ბევრ ოჯახში ყოველდღიურად აჭმევენ ბავშვებს კანფეტებს. შოკოლადის კანფეტები აწყვია ლარნაკში. ბავშვი ყოველდღიურად ჭამს და რომ დაცარიელდება, იმ ლარნაკს ისევ ავსებენ. მეც მიყვარს ტკბილი, მაგრამ წლებია აღარ ვჭამ. შაქარს საერთოდ არ ვიყენებ. მხოლოდ ახალ წელს ან აღდგომას ვაძლევ თავს უფლებას გოზინაყი თუ ნამცხვარი გავსინჯო.

 – რით დავუკმაყოფილოთ ბავშვს ტკბილის მოთხოვნილება? 

– ტკბილი ხილით – ატამი, ქლიავი, თუთა, რომელიც უფრო ტკბილია. ბავშვს თუ ღიპი ედება, უფრო მეტი სიმკაცრე გვმართებს. თუ გამხდარია და ფიზიკურადაც აქტიური, შეიძლება თვალი დავხუჭოთ რაღაცაზე, მაგრამ საოცარი ის არის, რომ ჩვენთან მშობლებს მიაჩნიათ, თუ შვილი რაღაცას სთხოვს, აუცილებლად უნდა აუსრულონ. წიგნს ან ბურთს თუ გთხოვს, უყიდე, მაგრამ როცა მავნე საკვებს გთხოვს, რატომ უნდა შეუსრულო?! 6, 8 ან 11 წლის ბავშვი საიდან აიღებს, მაგალითად, ჩიფსებს, თუ ფულს არ გაატან ან თვითონ არ უყიდი?

სიმსუქნის ეპიდემია მოზრდილებში უკვე კარგა ხანია მძვინვარებს. ყოველი მესამე პაციენტი ჩემთან სიმსუქნის ჩივილით მოჰყავთ. სიმსუქნე კი, შემთხვევათა უმრავლესობაში, არასწორი კვებითა და უმოძრაობით არის განპირობებული. მშობელმა იმ თანხის ნახევარი მაინც, რასაც კანფეტებსა და ტკბილეულობაში იხდის, სპორტში რომ ჩადოს, შეუდარებლად ჯანმრთელი თაობა გვეყოლება. თუ მშობელს აქვს დიაბეტის ტიპი 2, 100-დან დაახლოებით 40 შანსია, რომ შვილსაც ექნება ადრე თუ გვაინ იგივე დაავადება. თუ შვილი გასუქდება, ეს შანსი 80-90-მდე იზრდება. თუ ივარჯიშებს და წონას შეინარჩუნებს, 100-დან 5-მდე ჩამოდის დიაბეტის შანსი. ან შეიძლება, ასეთ დროს, შვილს დიაბეტი 70 წლის ასაკში ჩამოუყალიბდეს და არა – 40 წლისას. ერთ ქალბატონს ვკითხე, ტკბილეულს თუ აძლევთ შვილს-მეთქი და მიპასუხა, ფაქტობრივად არა, დღეში მხოლოდ ხუთ ცალ „ქინდერ სიურპრიზს“ ვყიდულობ, სხვას არაფერსო. ერთი პატარა ბიჭი საწუწნ კანფეტს „ეჭიდავებოდა“ და ვერ ხსნიდა. მამას მიმართა, გამიხსენიო. მამამ უთხრა, შვილო, კუჭი გასკდომაზე გაქვს და იქნებ არ გინდაო. არა, მინდაო, ჯიუტად უთხრა ბავშვმა. მამამაც, მორჩილად გაუხსნა კანფეტი და მისცა. მამას რომ არ ესმოდეს, რომ კუჭი გასკდომაზე აქვს და მავნეა ეს ტკბილი, კიდევ გავიგებდი, მაგრამ როცა გესმის და მაინც აძლევ?! ტკბილი ლიქიორი რომ მოითხოვოს ბავშვმა, უყიდით?! 4 წლის ბავშვი უკვე 4-5 კილომეტრს უნდა დადიოდეს დღეში. თუ ბავშვი ფიზიკურად იტვირთება, პატარა დიეტური ზიგზაგი კიდევ შეიძლება, მაგრამ ბავშვი, რომელიც დილიდან საღამომდე ზის ტელეფონთან თუ კომპიუტერთან და ლაყდება... მშობელი ბავშვისთვის ვერ იცლის და აძლევს ტელეფონს – თავი დამანებე და გაერთეო. ჩვენი შვილებისთვის გარკვეული დრო უნდა გამოვყოთ და ეს დრო გავატაროთ არა ქეიფში, არამედ სეირნობასა და ვარჯიშში.

– რაც შეეხება პურს, რომელიც ასუქებს?

– პური გარკვეული რაოდენობით აუცილებელია. ჩვენს ქვეყანაში კი პურს ზედმეტად იყენებენ, ყველაფერს პურთან ერთად ჭამენ. აუცილებლად უნდა დავიმახსოვროთ, რომ სიმსუქნე, დიაბეტისკენ მიმავალი გზის დასაწყისია. 



რას ამბობენ ჩვენზე