izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
რჩევები მშობლებს
15 აპრილი, 2019
როგორ განვუვითაროთ ბავშვს წარმატებისთვის აუცილებელი უნარი - ემოციური ინტელექტი

ბოლო ათწლეულების სამეცნიერო კვლევების მიხედვით, ადამიანის ინტელექტუალურ პოტენციალზე (IQ) არანაკლებ მნიშვნელოვანი ემოციური ინტელექტია (EQ), რომელიც პირის წარმატებას განსაზღვრავს. ემოციური ინტელექტი გულისხმობს ადამიანის უნარს ამოიცნოს თანამესაუბრის განწყობა და შეგრძნებებს თავადაც გაუწიოს კონტროლი. 


ფსიქოლოგები და სამედიცინო სფეროს წარმომადგენლები ამ თვისების განვითარებას განსაკუთრებულ მნიშვნელობას ანიჭებენ. სწორედ ამიტომ, Izrune.ge  დაინტერესდა ამ თემის უფრო დეტალურად გაცნობით და საკითხზე ფსიქოლოგ სოფო მახარაძეს ესაუბრა. 

- რას ნიშნავს ემოციური ინტელექტი?

- ბოლო ათწლეულის განმავლობაში სამეცნიერო კვლევები ემოციური ინტელექტის შესახებ საკმაო ინტენსივობით ვითარდება. თუმცა მისი პოპულარიზაცია ამერიკელი ფსიქოლოგის დანიელ გოლმანის სახელს უკავშირდება. კერძოდ 1995 წელს, მისი ცნობილი ბესთსელერის Emotional intelligence: why it matters more than IQ - გამოქვეყნებას. ყველაზე გავრეცელებული განმარტების თანახმად, ემოციური ინტელექტი წარმოადგენს ინტელექტის ტიპს, რომელიც გულისხმობს საკუთარი და სხვისი ემოციების აღქმის, გაგების, გამოხატვის, მართვის და რეგულირების უნარს. სამეცნიერო ლიტერატურაში განასხვავებენ ემოციური ინტელექტისადმი სამ ძირითად მიდგომას: ერთი მხრივ ემოციური ინტელექტი განიხილება როგორც პიროვნების უნარი გადაამუშავოს ემოციური შინაარსის ინფორმაცია. ამ მოდელის ავტორები ემოციურ ინტელექტს განიხილავენ როგორც სტანდარტულ ინტელექტს, სტანდარტული ინტელექტის ისეთივე სახეს, როგორც ანალიტიკური ინტელექტია - ე.წ. IQ. 

მეორე მხრივ ემოციურ ინტელექტს განმარტავენ დასწავლილი და გავარჯიშებული კომპეტენციის ტერმინებში, რომელიც პიროვნების ცხოვრების მანძილზე ყალიბდება და რომელსაც ლიდერობამდე მიჰყავს ადამიანი. ამ მოდელის თანახმად, ემოციურ ინტელექტს ანალიტიკურ ინტელექტთან ერთად თანაბარი წვლილი შეაქვს ინდივიდის ზოგადი ინტელექტის ფორმირებაში, თუმცა მათ შორის კავშირი არ აღინიშნება, რაც იმას ნიშნავს, რომ მაღალი ანალიტიკური ინტელექტი, არ განსაზღვრავს მაღალ ემოციურ ინტელექტს და პირიქით. და ბოლოს, ემოციურ ინტელექტს განიხილავენ როგორც პიროვნულ ნიშანს. მოდელის ავტორების თანახმად, ემოციური ინტელექტი წარმოადგენს ერთმანეთთან დაკავშირებული ემოციური და სოციალური უნარების, ჩვევების და კომპეტენციების ნაკრებს, რომელიც განსაზღვრავს თუ რამდენად კარგად წარმოაჩენს ინდივიდი საკუთარ თავს, რამდენად კონსტრუქციულია ის სოციალური ურთიერთობების ფარგლებში, როგორ უმკლავდება ცხოვრებისეულ გამოწვევებს, პრობლემებსა და მოთხოვნებს ყოველდღიურად, რამდენად იცნობს საკუთარ თავს, რამდენად იცნობს საკუთარ ძლიერ და სუსტ მხარეებს და ა.შ. მაშასადამე, ემოციური ინტელექტი გულისხმობს ინდივიდის მაღალ ემოციურ თვითეფექტურობასა და კონსტრუქციულობას. 

როგორც პიროვნული ნიშნის ანალიზის დონეზე, გამოყოფენ ემოციური ინტელექტის შემდეგ ფაქტორებს:

ა. კარგად ყოფნა - ადამიანის მიერ საკუთარი ცხოვრებით კმაყოფილების და ბედნიერების გენერალიზირებული განცდა. ოპტიმისტური მოლოდინები და პერსპექტივები მომავალთან მიმართებაში. საკუთარ თავში დარწმუნებულობა, ადექვატური და სტაბილური თვითშეფასება და წარმატებულობა.

ბ. თვითკონტროლი - ადამიანის მიერ საკუთარი სურვილების და ემოციების კონტროლი და რეგულაცია. გარემოს ზეწოლასა და სტრესთან გამკლავების უნარი, სტრესის მართვის უნარი. ნეგატიური ემოციების პოზიტიურ ემოციებად გადასტრუქტურირების უნარი.

გ. ემოციურობა - მაღალი თვითცნობიერება, საკუთარი და სხვა ადამიანების ემოციების აღქმის, გაგების, მათი ცოდნის და წვდომის უნარი. ემოციების კონსტრუქციული გამოხატვის და „ემოციური“ კომუნაკაციის უნარი. ემპათიის, სხვა ადამიანების განცდების, თვალსაზრისების, მდგომარეობების გათვალისწინება და მათ მიმართ თანაგანმცდელობის გამოხატვა. მჭიდრო და სრულფასოვანი სოციალური ურთიერთობები ოჯახის წევრებთან, მეგობრებთან, ნათესავებთან და ა.შ. 

დ. სოციალურობა - მაღალი სოციალური ცნობიერება, სოციალური ურთიერთობების და სოციალური გავლენების უნარი. ადამიანის გრძნობებზე გავლენის მოხდენის უნარი. მაღალი ასერტიულობა, რომელიც გულისხმობს პიროვნულ ღიაობას, საკუთარი სურვილების, გრძნობების, საჭიროებების გამოხატვის და საკუთარი უფლებების, მოსაზრებების და შეხედულებების დაცვის უნარს, ისე რომ არ შელახოს ადამიანების გრძნობები და უფლებები.

ე. ადაპტაცია - ახალ გარემო პირობებთან შეგუების და მორგების უნარი. ცვლილებების მართვის უნარი.

ვ. მოტივაცია - არახელსაყრელი გარემო პირობების მიუხედავად მიზანმიმართული შრომის უნარი. თვითმოტივაციის უნარი.

- შესაძლებელია თუ არა მისი განვითარება და რა ასაკიდან არის უმჯობესი ემოციურ ინტელექტზე მუშაობა?

- რა თქმა უნდა, შესაძლებელია და მისი განვითარება ბავშვის მუცლად ყოფნის პერიოდიდან იწყება. მონაცემები ცხადყოფს, თუ როგორ რეაგირებს ნაყოფი დედის და არამხოლოდ დედის ემოციებზე. პოზიტიური ემოციები, კეთილგანწყობილი მოლოდინები და საუბრები მუცლადმყოფ პატარასთან ქმნის პირველ მყარ საფუძველს მისი ემოციური ინტელექტის განვითარებისათვის. შემდეგი მნიშვნელოვანი ეტაპი ჩვილობის პერიოდია-რამდენად გამოხატავს დედა სითბოს, სიყვარულს და ემპათიას ჩვილის მიმართ. რამდენად შეუძლია მას ამოიცნოს პატარას მოთხოვნილებები და დააკმაყოფილოს ისინი დროულად. რამდენად გადასცემს დედა ჩვილს ვერბალური, არავერბალური და  შეხებითი საშუალებით მის კეთილგანწყობასა და სიყვარულს.  

- როგორ შეიძლება მშობელმა მცირეწლოვან შვილს ემოციური ინტელექტი განუვითაროს?

- ერთი მხრივ ძალზე საყურადღებოა ბავშვის ოჯახური გარემო-რამდენად გახსნილები და კონსტრუქციულები არიან ოჯახის წევრები ერთმანეთთან, რამდენად ესმით და თანაუგრძნობენ ურთიერთს; როგორ უმკლავდებიან რთულ და დაძაბულ სიტუაციებს და ზოგადად, განიცდიან თუ არა საკუთარი არსებობით ბედნიერებას. ოჯახური გარემო წარმოადგენს ბავშის პირველ გამოცდილებას სამყაროსთან მიმართებაში და შესაბამისად მნიშვნელოვანია იქნება თუ არა ის ასახული მის ცნობიერებაში კეთილგანწყობილად; ასევე, ოჯახი ბავშვისათვის არის ის პირველი მოდელი, რომელიც ძლიერ ზეგავლენას იქონიებს მისი განავითარების პროცესზე. ამავდროულად, მნიშვნელოვანია თავად ბავშვთან დამოკიდებულება საკუთარი ოჯახის წევრების, განსაკუთრებით კი მშობლების მხრიდან. ემოციური ინტელექტის განვითარება გულისხმობს ბავშვის თვითცნობიერების, თვითკონტროლის, სოციალური ცნობიერების, მოტივაციის, ადაპტაციის,  ზოგადად ემოციური თვითეფექტურობის და კონსტრუქციულობის განვითარებას. პირველ რიგში ის გულისხმობს ბავშვის მიერ საკუთარი ემოციების გაცნობიერების, რეგულაციის და მართვის, მათი კონსტრუქციული გამოხატვის უნარს. ამისათვის საჭიროა მშობელი დაეხმაროს ბავშვს ემოციების იდენთიფიკაციაში, მაგალითად: 

შენ ახლა განიცდი ბრაზს! ნორმალურია იყო გაბრაზებული, როდესაც შენს ნივთს გართმევენ!; 

ნაწყენი ხარ, ჰო? ისე კარგად მესმის შენი, განა შეიძლება არ იყო ნაწყენი, როცა ასე უხეშად მოგმართავენ!; 

ძალიან გეზარება ახლა შენი სათამაშოების ალაგება! დიდი ძალისხმევაა საჭირო სათამაშოების ასალაგებლად, როცა გარეთ შენი მეგობრები გელოდებიან... და ა.შ. 

ბავშვი უნდა გრძნობდეს, რომ ყველა მისი გრძნობა და ემოცია-ნეგატიური და პოზიტიური- ნორმალური და მისაღებია მშობლისათვის. სწორედ ასეთი დამოკიდებულება განავითარებს ბავშვში როგორც საკუთარი, ისე სხვა ადამიანების ემოციების აღქმის, გაგების და წვდომის უნარს. ამასთან ერთად ბავშვს უნდა მიეცეს გამოცდილებაში ამ გრძნობების და ემოციების კონსტრუქციული გამოხატვის ფორმები და მიეცეს ცოდნა, რომ ყველა ემოციის გამოვლენა და გამოხატვა შესაძლებელია, თუ ამას ვაკეთებთ სოციალურად მისაღები ფორმით. ამიტომ თავად უნდა ვისწავლოთ საკუთარ გრძნობებზე დაკვირვება და მათი გამოხატვის კონსტრუქციული ფორმა. მშობლის მხრიდან ბავშვისათვის საკუთარი გრძნობების გაზიარება, ბავშვს უვითარებს სხვა ადამიანების ემოციების აღქმის, გაგების და მათ მიმართ ემპათიის გამოხატვის უნარს. ბავშვისათვის რთული სიტუაციების არსებობის დროს, მშობლის მხრიდან მხარდაჭერის, წახალისების და ემპათიურობის გამოვლენა, ბავშვს ნდობით განაწყობს საკუთარი შესაძლებლობების მიმართ და ადექვატურად განავითარებს მის თვითშეფასებას და მოტივაციას. მშობლის სიხარული, ბედნიერება და ოპტიმისტური მოლოდინები ბავშვთან და ზოგადად ცხოვრებასთან მიმართებაში, ასეთივე პოზიტიურ უნარებს განუვითარებს მას. 

- როგორ შეიძლება ზრდასრულმა ემოციური ინტელექტი განივითაროს?

- ემოციური ინტელექტის განვითარება ყველაზე ინტენსიურად მოზარდობის ასაკამდე - 16-17 წლამდე ხორციელდება, მაგრამ ეს არ ნიშნავს, რომ ზრდასრული ადამიანი მოკლებულია მისი განვითარების შესაძლებლობის. ადამიანის მიერ ამ უნარების, როგორც საკუთარი თავით და არსებობით ბედნიერების განცდის პირობად გაცნობიერების და მასზე პასუხისმგებლობის აღების შემდეგ, საჭიროა ამ უნარების ყოველდღიური მიზანმიმართული გამოყენება და დასწავლის გზით მათი შეთვისება და გაშინაგანება. ამ უნარების დასწავლის სიმტკიცეს კი მათი გამოყენებისას, საკუთარ გრძნობებსა და ემოციებზე დაკვირება და მათი გაცნობიერება განაპირობებს, რადგან ეს არის უნარები, რომელიც უზრუნველყოფს ადამიანის თვითგამოხატვას და შესაბამისად ბედნიერების თანმდევ გრძნობას, რაც ბუნებრივია განაპირობებს ბედნიერების ამ გენერალიზირებული გრძნობის განმეორების მოთხოვნილებას.  

- რა შემთხვევაში შეიძლება ვთქვათ პირზე, რომ მისი ემოციური ინტელექტი განუვითარებელია?

- არაკონსტრუქციულობა და არაპროდუქტიულობა, ალბათ, ემოციური ინტელექტის განუვითარებლობის ყველაზე ნათელი მაგალითია.


რას ამბობენ ჩვენზე