izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 15-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გექნებათ მიუსხდეთ შვილს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ შვილ(ებ)ის აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე იღებს სპეციალურ დიპლომს. ყოველი მომდევნო თვის დიპლომი განსხვავებულია და შეძლებთ მიღებული დიპლომი გადმოწეროთ, ამობეჭდოთ ან გააზიაროთ სოციალური ქსელის საშუალებით.

რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 15 ლარი
5 თვე -  70 ლარი
10 თვე - 129 ლარი

VIP პაკეტის ღირებულება:
1 თვე - 10 ლარი
5 თვე - 50 ლარი
10 თვე 100 ლარი

განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 5 ლარის ნაცვლად შეადგენს მხოლოდ 1 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საინტერესო ამბები
20 თებერვალი, 2019
როგორი უნდა იყოს XXI საუკუნის იდეალური მასწავლებელი - პროფესიონალის 8 რჩევა

ამერიკელი მასწავლებელი და პოპულარული ბლოგერი ვიკი დევისი საკუთარ ბლოგზე იძლევა პრაქტიკულ რჩევებს - თუ რა უნდა იცოდეს XXI საუკუნის მასწავლებელმა.

ვიკი დევისი - პედაგოგი და განათლების სფეროს პოპულარული ბლოგერია. იგი უკვე 12 წელია საიტ CoolCatteacher-ს აწარმოებს, რომელსაც 100 000-ზე მეტი მკითხველი ჰყავს. 

Izrune.ge გთავაზობთ ბლოგერის რჩევებს, თუ როგორ უნდა მიაღწიოს პედაგოგმა მოსწავლეებთან მუშაობისას საუკეთესო შედეგებს და ამასთან, სამუშაოსგან სიამოვნება მიიღოს.

პედაგოგი გამოყოფს რამდენიმე თვისებას, რომლებიც მის კოლეგებს ახალი ტექნოლოგიების სამყაროში სწრაფად ორიენტირებაში დაეხმარება.


არ გაიფანტოთ მილიონ საქმეს შორის

მასწავლებელს ყოველდღიურად უამრავი საქმე აქვს მოსაგვარებელი. მას ადმინისტრაციის, კოლეგებისა და მოსწავლეების მხრიდან უამრავი დავალება ატყდება თავს. ნუ შეეცდებით ერთბაშად შეეჭიდოთ ყველა ამოცანას. ამოირჩიეთ სამი ყველაზე მნიშვნელოვანი. 

ვიკი მკითხველს ისტორიას უზიარებს - როდესაც, საქმეში ყურებამდე ჩაფლული მორიგი კონფერენციიდან დაბრუნდა ჩამოწერილი 50 იდეით, რომელთა რეალიზებას ახალ სასწავლო წელს გეგმავდა და სიის ვერც ერთი პუნქტი ვერ განახორციელა.

დროსთან ერთად ვიკიმ გაიგო, რომ მხოლოდ სამი საკითხი უნდა გამოყოს და ამით შემოიფარგლოს. 


არ ელოდოთ სწრაფ პროგრესს და გააგრძელეთ წინსვლა პატარა ნაბიჯებით

მასწავლებლები ძალიან დატვირთულები არიან, ამიტომ, ხშირად ჰგონიათ, რომ ახლის სწავლის დროის გამოყოფა არარეალურია. 

მაგრამ ექსპერტი დარწმუნებულია, რომ სურვილის დროს ყველაფერია შესაძლებელი. მთავარია დაწყება და მიზნისკენ გამუდმებული სვლა.

როდესაც ვიკიმ ახალი ტექნოლოგიებისა და ბლოგერობის ათვისება გადაწყვიტა, ამ საქმისთვის ნახევარი საათი გამოყო.

ორშაბათობითა და სამშაბათობით მესამე და მეოთხე გაკვეთილს შორის არსებული შუალედის დროს პედაგოგი ახლის შემეცნებას უთმობდა დროს, შემდეგ კი ამ ახალს აუცილებლად უზიარებდა საკუთარ მოსწავლეებს.

ისწავლეთ მოსწავლეებისგან

2005 წელს, როდესაც ახალი საქმის ათვისება დაიწყო, ახალი ტექნოლოგიების ათვისების პრობლემა ჰქონდა. ამიტომ დასახმარებლად საკუთარ მოსწავლეებს მიმართა. პედაგოგმა პოპულარული რესურსებით მუშაობა მოსწავლეების დახმარებით ისწავლა. 

ვიკის გაკვეთილზე მასწავლებელი და მოსწავლეები პერიოდულად როლებს ცვლიდნენ. მოსწავლეები ეხმარებოდნენ მას საკუთარი ბლოგისთვის სახელის არჩევაში, თემების მოფიქრებასა და კონტენტის მომზადებაში. ეს ყველაფერი კი მოსწავლეებს კლასგარეშე სამუშაოდ ეთვლებოდათ. ბავშვები საკუთარი მასწავლებლის თანაავტორები გახდნენ და პროექტზე მუშაობის უნიკალურ გამოცდილება მიიღეს.


ითანამშორმლეთ კოლეგებთან

მასწავლებელი პროფესიულად იზრდება, როდესაც კოლეგებს გამოცდილებას უზიარებს. ბლოგერის აზრით, იმისთვის რომ ჩართული იყო პედაგოგიურ საზოგადოებაში აუცილებელი არ არის ესწრებოდე კონფერენციებსა და სემინარებს. საკმარისია გამოცდილების გაზიარება თემატურ ფორუმებსა და ინტერნეტ ბლოგებში.

დაამყარეთ მოსწავლეებთან თბილი და ნდობაზე დამყარებული ურთიერთობა

მანამდე, სანამ ბავშვს ასწავლით, მნიშვნელოვანია თითოეულ მათგანთან კონტაქტი დაამყაროთ. ბავშვები ცუდად სწავლობენ პედაგოგთან, რომელიც არ მოსწონთ. 

ელოდეთ მოსწავლისგან ყოველთვის უფრო მეტს

მოსწავლეები იმ ზღვარს არ გადადიან, რაც მათ მასწავლებელმა დაუწესა. ამას პიგმალიონის ეფექტს ან თვითქმნად წინასწარმეტყველებას ეძახიან.

პირველად ეს ეფექტი ამერიკელმა ფსიქოლოგებმა რობერტ როზენტალმა და ლენორ ჯეკობსონმა აღწერეს. მათ ჩაატარეს ექსპერიმენტი, რომლის აზრი მდგომარეობდა მოსწავლეების შესაძლებლობებთან მიმართებაში მასწავლებლების მოლოდინების მანიპულაციაში.

მასწავლებლებს შესთავაზეს მუშაობა მოსწავლეებთან,  რომლებიც წარუდგინეს, როგორც განსაკუთრებით ნიჭიერები (სინამდვილეში, შემთხვევით შერჩეული ჩვეულებრივი ბავშვები). პედაგოგების მიზანი იყო საკუთარ კლასებში მოსწავლეთა აკადემიური მოსწრების გაზრდა.

შედეგად, სრულიად ჩვეულებრივმა ბავშვებმა, რომელთაგან მასწავლებლები ბევრს ელოდნენ, შესანიშნავი შედეგები აჩვენეს.

ვიკი დევისი დარწმუნებულია, რომ მნიშვნელოვანია გვჯეროდეს საკუთარი მოსწავლეების დიდი მომავლის, მაშინ ისინი მსოფლიო დონის სპეციალისტები გახდებიან.


ეძებეთ ადამიანები, რომლებიც შთაგაგონებენ

სამასწავლებლო ოთახი - სამწუხაროდ, ყველაზე შთამაგონებელი ადგილი ნამდვილად არ არის. სამასწავლებლოში ხშირად ნეგატიური ემოციები უფრო მეტია. 

მნიშვნელოვანია გარშემო თანამოაზრეები შემოვიკრიბოთ, რომლებიც დაგვეხმარებიან ვიყოთ ძლიერები.

ეძიეთ ბავშვებთან მიდგომის გზები, რომლებიც მათში ცნობისმოყვარეობას აღძრავენ

თითოეულ ბავშვს უნდა ჰქონდეს სკოლაში წასვლის მიზეზი. კარგია, თუ ეს იქნება რაიმე საგანის სიყვარული, მაგრამ ეს აუცილებელი არ არის.

მოსწავლეებს შეუძლიათ მოვიდნენ სკოლაში, რადგან მათთვის საინტრესოა კლასგარეშე საქმიანობა აკეთონ - თანაკლასელებთან ერთად ვიდეორგოლები გადაიღონ ან სპექტაკლების მიიღონ მონაწილეობა. მსგავსი აქტივობები მათ ასევე ახალი შესაძლებლობების აღმოჩენაში ეხმარება.



რას ამბობენ ჩვენზე