ყველა მშობელს სურს, რომ მისი შვილი ბედნიერი იყოს. დედები და მამები მათ გახარებას განსხვავებულად ცდილობენ. გთავაზობთ მშობლების რჩევებს და თანამედროვე მეთოდებს რომლებიც ბავშვის ბედნიერად აღზრდისთვის გამოგადგებათ.
დაუთმეთ დრო თქვენს შვილებს
მშობლები ხშირად დაკავებულები არიან და ვერ ახერხებენ ბავშვებისთვის სათანადო ყურადღების დათმობას. დღის განმავლობაში ბავშვთან დროის გატარება უმნიშვნელოვანესია, ვინაიდან უფრო მეტად დაახლოვდებით. გარდა ამისა, ბავშვი სხვებთან ურთიერთობასაც ისწავლის.
გამოიჩინეთ მზრუნველობა
ბავშვებს აუხსენით, რომ ერთმანეთზე მზრუნველობა მნიშვნელოვანია. დაანახეთ, რომ თქვენ მათზე ზრუნავთ და დიდ გულისხმიერებას იჩენთ.
ასწავლეთ პრობლემებთან გამკლავება
შეეცადეთ ბავშვი ამსჯელოთ სხვადასხვა სახის საკითხებზე და ასწავლოთ როგორ გადაჭრას პრობლემა. მაგალითად, მარტივად ჰკითხეთ რა ჩაიცვას ან რა მიირთვას სადილად. ის მიხვდება რა სურს და გახდება მეტად დამოუკიდებელი. ყურადღებით მოუსმინეთ მას ნებისმიერ საკითხზე და დაეხმარეთ სწორი გადაწყვეტილების მიღებაში.
გახადეთ კომუნიკაბელური
ხშირად დაპატიჟეთ მისი მეგობრები, რომ მათთან ერთად გაერთოს. წაიყვანეთ საზოგადოების თავშეყრის ადგილებში და მიეცით უფლება უცხო ბავშვებთანაც ითამაშოს.
იყავით პოზიტიურები
ბავშვის განწყობაზე მშობლის ხასიათი დიდ გავლენას ახდენს. ნუ იქნებით დეპრესიულები, ეცადეთ ბავშვს თქვენი პრობლემები არ დაანახოთ.
არ დასაჯოთ
ფიზიკური დასჯით ბავშვმა შეიძლება სერიოზული ტრავმა მიიღოს. ეცადეთ გააკონტროლოთ თქვენი ემოციები. აუხსენით ბავშვს რა დააშავა და რატომ აღარ უნდა გაიმეოროს იგივე საქციელი.
იყავით სამაგალითო
ბავშვი ახდენს თქვენი საქციელის კოპირებას, მისთვის მშობელი ეტალონია. პატივი ეცით სხვის გრძნობებსა და სურვილებს. სხვებთან ურთიერთობის დროს ბავშვისთვის მაგალითი იყავით.
ასწავლეთ ემოციების მართვა
ბავშვებს ემოციების კონტროლი უჭირთ და ხშირად მშობლების დახმარება სჭირდებათ. იმისათვის, რომ თქვენი შვილები მომავალში წარმატებულები იყვნენ, სასურველია, ბავშვობიდანვე ჩაუნერგოთ თავიანთი ემოციური სამყაროს მართვის უნარი. მთავარია, შეაყვაროთ მშვიდ გარემოში ყოფნა, ხოლო მძაფრი ემოციებისადმი (აღელვება, შფოთვა,აფორიაქება) უარყოფით მხარედ დაანახეთ.
გამოიჩინეთ იუმორის გრძნობა
ეცადეთ თქვენი იუმორით ბავშვები უფრო ლაღრები გახადოთ და გააბედნიეროთ. ჯანსაღი იუმორი ბავშვის ფსიქიკაზე დადებით გავლენას ახდენს.
წაახალისეთ
მიეცით ბავშვებს საშუალება მაქსიმალურად თავისუფლად გამოხატონ საკუთარი იდეები და ნუ ეტყვით, რომ მათი აზრი სისულელეა. კარგი საქციელისთვის გაუკეთეთ წამახალისებელი საჩუქარი ან შეაქეთ სიტყვიერად, რომ მათი მოტივაცია უფრო ამაღლდეს.