izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
რჩევები მშობლებს
15 აგვისტო, 2018
როგორ გავუადვილოთ ბავშვს სკოლაში წასვლა - პრაქტიკული რჩევები ფსიქოლოგისგან
პირველი დღეები, რომლებსაც ბავშვი სკოლასა თუ საბავშვო ბაღში ატარებს, ხშირად მისთვის დიდ სტრესს უკავშირდება. ფსიქოლოგი დავით მეზურნიშვილი ამბობს, რომ ასეთ დროს ემოციური სტრესის ასაცილებლად, მთავარია, ბავშვმა თავი მიტოვებულად არ იგრძნოს. ამ დროს კი, ყველაზე მნიშვნელოვანი, მასწავლებლის კვალიფიკაცია და მისგან ბავშვებისკენ წამოსული გულწრფელი სითბოა.

დავით მეზურნიშვილმა Etaloni.ge-სთან იმ აუცილებელი ქმედებების შესახებ ისაუბრა, რომლებიც ბავშვს სკოლასა თუ საბავშვო ბაღში მისვლისას, სტრესს აარიდებს.

- პირველ რიგში, ბავშვმა უნდა იგრძნოს, რომ მარტო არ არის და მარტო არ გადადის იმ ეტაპზე, რომელსაც სკოლა თუ საბავშვო ბაღი ჰქვია. მან უნდა იცოდეს, რომ ახალ ასპარეზზე მშობელთან ერთადაა. ეს არ უნდა იყოს მხოლოდ სიტყვიერი დაპირება, ბავშვი რეალურად უნდა გრძნობდეს, რომ გვერდით არიან მისთვის მნიშვნელოვანი ადამიანები.

სკოლისთვის მზაობა არ არის მხოლოდ ის, რომ ბავშვი ცნობს რიცხვებსა და ასოებს. ყველაზე მნიშვნელოვანი სოციალური მხარეა, თუ რამდენად შეუძლია ბავშვს მონაწილეობის მიღება ჯგუფურ აქტივობებში, რამდენად არის დამოუკიდებელი. სკოლაში მისვლამდე ბავშვს ამ სტრესების გადალახვაში საბავშვო ბაღში სიარული ეხმარება. მშობლის განწყობა მთლიანად გადადის ბავშვზე. თუ მშობელი მიიჩნევს, რომ ეს სტრესი დაძლევადია, ბავშვიც ნელ-ნელა ეჩვევა და ისიც ფიქრობს, რომ დაძლევს და ეჩვევა სიტუაციას, დამოუკიდებლობის განცდა უჩნდება. სკოლაში მისვლამდე ბავშვი უნდა გაუშვათ, მაგალითად, მაღაზიაში, მიაჩვიოთ სხვადასხვა მცირე ნაბიჯი დამოუკიდებლად გადადგას.

- როდესაც კლასის კარი იხურება და იქ ატირებული ბავში რჩება, ამ დროს შეიძლება მშობელი დაესწროს გაკვეთილს?

- არ უნდა დაესწროს. თავიდან შეიძლება ვთხოვოთ მასწავლებელს, საკლასო ოთახის კარი დატოვოს ღია და ბავშვმა იცოდეს, რომ იქ, გარეთ, დერეფანშია მისი მშობელია. მერე ეს მანძილი უფრო უნდა დავაგრძელოთ. კარი უნდა დაიკეტოს და ბავშვმა უნდა იცოდეს, რომ მშობელი სადღაც იქვე, სკოლის ტერიტორიაზეა. ასე ნელ-ნელა უნდა დავაშოროთ. თუ მშობელი კლასში დაჯდება, ბავშვს ამ ფობიას კიდევ უფრო განვუმტკიცებთ, ანუ კიდევ ერთხელ ვეტყვით, რომ შვილო, ეს სამყარო არის საშიში და მე, რაც შეიძლება ახლოს უნდა ვიყო შენთან.

- ბრძანებთ, რომ ბავშვს ბაღში სიარული უადვილებს სკოლაში მისვლას. ბაღის ასაკის ბავშვებს ხომ უფრო დიდი სტრესები და შიშები აქვთ? მათ როგორღა უნდა დავეხმაროთ?

- დიახ, ასეა და ზუსტად იმავე სტრატეგიით უნდა ვიმოქმედოთ - ნელ-ნელა უნდა დავშორდეთ და მივაჩვიოთ ბავშვი დამოუკიდებლობას. ბაღში სიარული და იქ მიღებული მხოლოდ პოზიტიური გამოცდილება ვაქცინასავით არის. როგორც აცრის დროს შეგვყავს ორგანიზმში ინფექცია გარკვეული დოზით, რომ ორგანიზმს გამოუმუშავდეს იმუნიტეტი, ასევე უნდა ვატაროთ ბავშვი სკოლამდე ბაღში, რომ ჯგუფთან ერთად ყოფნის იმუნიტეტი გამოუმუშავდეს  და ამან ხელი არ შეუშალოს სწავლაში. სკოლაში რომ შევა, მისთვის უცხო გარემო აღარ იქნება დამაზიანებელი. არ ვამტკიცებ, რომ ბავშვისთვის აუცილებელია ამ ეტაპების გავლა, რადგან ყველა შემთხვევა ინდივიდუალურია, მაგრამ ეს გამოცდილება ბევრად უმარტივებს პატარებს სკოლასთან შეგუებას. ზოგ ბავშვს ატირებულს ტოვებენ სკოლაში და მიდიან მშობლები. შეიძლება ბავშვმა თავიდან ატეხოს ისტერიკა და მერე მიეჩვიოს, ზოგმა კი ვერ მოიშალოს ეს ისტერიკა. ამიტომაა ძალიან მნიშვნელოვანი ეტაპობრივი დაშორება.

- რაც შეეხება სწავლას, შიში ამ მხრივაც აქვთ ხოლმე ბავშვებს...

- სწავლა დაკავშირებულია კონკურენციასთან. ბავშვის თვითშეფასება პირდაპირ კავშირშია მშობლის განწყობასთან. სამწუხაროდ, არსებობს მშობლების კატეგორია, რომელიც პირდაპირ ორიენტირებულია ბავშვის წარმატებაზე და როდესაც პატარას ხვდება რაიმე წარუმატებლობა, ამ დროს მას მშობლები მკაცრად კიცხავენ. ბავშვი უნდა გრძნობდეს, რომ ფრიადოსანია თუ ოროსანი, ის მაინც მნიშვნელოვანი და ფასეულია მშობლისთვის და ეს ფასეულობა არ არის დამოკიდებული მის ნიშნებზე. მშობელი არ უნდა მიიჩნევდეს, რომ თუ 10-იანის მერე 9-ს მიიღებს, ეს ბავშვისთვის წარუმატებლობაა. ჯანსაღი თვითშეფასება ყველაზე მნიშვნელოვანი პირობაა.

ასევე, კვლევები ადასტურებს, რომ თუ ბავშვს მოსწონს მასწავლებელი, ეს პირდაპირ კავშირშია მის წარმატებასთან იმ საგანში, რომელსაც ეს პედაგოგი ასწავლის. როდესაც ბავშვი შედის პირველ კლასში, მასწავლებელმა ამ დროს მშობლის ფუნქციაც უნდა შეითავსოს და ამ მხრივაც და კვალიფიკაციის მხრივაც, პროფესიონალი უნდა იყოს. ასეთ დროს, ბავშვს თავისთავად  ნაკლები სტრესი ექნება. შესაბამისად, დაწყებითი კლასის მასწავლებლები ყველაზე დიდი სიფრთხილით უნდა შეირჩნენ. მასწავლებლობა შედის იმ პროფესიათა რიცხვში, რომლებიც მიიჩნევა სტრესულად. ყველაზე დიდი სტრესის მქონედ ითვლებიან იმ პროფესიის წარმომადგენლები, ვისაც შეხება აქვთ ადამიანებთან - ექიმები, მასწავლებლები, იურისტები... და როდესაც დაწყებითი კლასების პედაგოგებზეა საუბარი, ეს განსაკუთრებით სტრესული პროფესიაა. თუ მასწავლებელი მშობლის ფუნქციასაც ითავსებს და აკადემიურადაც კარგი პედაგოგია, ბავშვებს აუცილებლად გაუმარტივდებათ ადაპტაცია.

- მშობლის ფუნქციის შეთავსებაში კონკრეტულად რა იგულისხმება?

- უპირველეს ყოვლისა, ეს არის სითბო, რომ ბავშვს გაუჩნდეს სიმპათია ამ უცხო ადამიანის მიმართ. თუ ეს სიმპათია გაუჩნდება, მასწავლებელი მოიპოვებს მის ნდობას. თბილად იმიტომ კი არ უნდა მოიქცეს მასწავლებელი, რომ ის ვალდებულია, არამედ იმიტომ, რომ ეს მის ბუნებაში ზის. ბავშვი კი ამას ყველაზე კარგად გრძნობს, მერე ანბანსაც ადვილად სწავლობს და სხვა ყველაფერსაც. 


რას ამბობენ ჩვენზე