12 თებერვალი, 2018
უნგრეთში ვიზიტით მყოფმა წყალტუბოს თვითმმართველობის დელეგაციის წევრებმა გენერალური ანსამბლეის კონფერენციაში მიიღეს მონაწილეობა
უნგრეთში ვიზიტით მყოფმა წყალტუბოს თვითმმართველობის დელეგაციის წევრებმა გენერალური ანსამბლეის კონფერენციაში მიიღეს მონაწილეობა.
კონფერენციაზე მოხსენებით წყალტუბოს მუნიციპალიტეტის მერი გრიგოლ იოსელიანი წარსდგა.
მან წყალტუბოს ტურისტულ პოტენციალზე და ერთობლივი პროექტების განხორციელების მნიშვნელობასა და პერსპექტივაზე ისაუბრა.
კონფერენციის მონაწილეებს მოხსენებით მიმართა იმერეთში სახელმწიფო რწმუნებულ-გუბერნატორის მოადგილემ იოსებ ხახალეიშვილმა.
ქართულ დელეგაციაში წყალტუბოს მუნიციპალიტეტს მერი გრიგოლ
იოსელიანი, მერის მრჩეველი ნიკა აფხაძე, მერიის კულტურის, სპორტისა და ახალგაზრდობის საქმეთა სამსახურის ხელმძღვანელი რიმა მარგიანი, საკრებულოს თავმჯდომარის მოადგილე პაატა ახალაძე და საფინანსო-საბიუჯეტო კომისიის თავმჯდომარე თამარ მამარდაშვილი წარმოადგენენ.
იმერეთის რეგიონიდან უნგრეთში ვიზიტით იმყოფებიან იმერეთის მხარეში სახელმწიფო რწმუნებულ-გუბერნატორის პირველი მოადგილე გრიგოლ დალაქიშვილი, ბაღდათის მერი არჩილ გოგსაძე, ხარაგაულის მერი ნიკო თოფურიძე და სამტრედიის მერი ვალერიან ფოცხვერია.
უნგრეთში ვიზიტის ძირითად მიზანს იმერეთის მხარეში დაგეგმილი პროექტების უნგრული მხარისადმი გაცნობა წარმოადგენს. მათ შორის, წყალტუბოს მუნიციპალიტეტისათვის განსაკუთრებით მნიშვნელოვანი კურორტის ტურისტული პოტენციალის საერთაშორისო ბაზარზე პოპულარიზაცია, ინვესტიციების მოზიდვა და ახალი კავშირების დამყარებაა.
ვიზიტის ფარგბლებში, ქალაქ სენტგოტჰარდსა და წყალტუბოს შორის ურთიერთთანამშრომლობის მემურანდუმს უკვე მოეწერა ხელი. ცერემონიას ესწრებოდა საქართველოს სრულუფლებიანი ელჩი უნგრეთში ზაზა კანდელაკი.
გაიმართა ორი ქალაქის მერებსა და თვითმმართველი ორგანოების წარმომადგენლებს შორის საქმიანი შეხვედრები.
ვიზიტის დღის წესრიგი, ასევე, ითვალისწინებს ქართული დელეგაციის მონაწილეობას სზარვასკენდის კულტურულ ფესტივალში, რომელსაც საქართველოსთან ერთად, სლოვაკეთის, რუმინეთის, სერბიისა და სლოვენიის დელეგაციები დაესწრებიან, მხარეებს საშუალება ექნებათ ერთმანეთს გამოცდილება გაუზიარონ. ფესტივალის ფარგლებში, გაიმართება შეხვედრა უნგრეთის გარემოს დაცვის სახელმწიფო მდივანთან.
ოფიციალური ვიზიტი უნგრეთში 12 თებერვალს დასრულდება.