მთავარი | საგანმანათლებლო სიახლეები | სკოლამდელი აღზრდა | რჩევები მშობლებს | საინტერესო ამბები |
სწავლის დაწყება ყველა მოსწავლეს უხარია, მაგრამ ხანგრძლივი დასვენების შემდეგ ხანდახან უჭირთ ჩვეულ ფორმაში მარტივად დაბრუნება. გაგაცნობთ 10 ჩვევას, რომელიც ყველა მოსწავლეს ახასიათებს.
1. პირველ რიგში აუცილებელია დღიური, სადაც მოსწავლე დღის განმავლობაში ჩაინიშნავს დავალებებს. ასეთი დღიურის წარმოების შემთხვევაში გამორიცხულია მას მეორე დღის ან მიმდინარე კვირის დავალებების შესრულება დაავიწყდეს.
2. ხშირად ბავშვებს უჭირთ მობილიზება რომ მიუჯდნენ საწერ მაგიდას და დაიწყონ დავალებებისთვის მომზადება. ამისთვის კი აუცილებელია გამორთონ მობილური ტელეფონი და არ ჰქონდეთ ოთახში ტელევიზორი, სადაც გაკვეთილებს ამზადებენ.
3. როდესაც მასწავლებელი კითხვას სვამს ან მოსწავლეს
გაკვეთილზე იძახებს, თუ მომზადებულია არასოდეს უნდა დაეზაროს ხელის აწევა, თუნდაც ბოლომდე
არ იყოს დარწმუნებული რომ საგანი ძალიან კარგად იცის. ეს ჟესტი დაეხმარება რომ მომავალში
უკეთ მოემზადოს ან პირიქით, საკუთარი ცოდნა აჩვენოს.
4. თუ სოციალურ ქსელში საკუთარი პროფილი აქვს, უნდა მოერიდოს ისეთი ფოტოებისა და სტატუსების გამოქვეყნებას, რომელიც უბრალოდ მოაცდენს და ბევრ დროს დააკარგვინებს. ამის გაკეთება, გაკვეთილების მომზადების შემდეგაც შეიძლება.
5. ყოველთვის
გქონდეთ მოწესრიგებული საკანცელარიო ნივთები, რაც სწავლაში გჭირდებათ. სუფთად შეინახეთ
და ხშირად გადაამოწმეთ, მაგალითად კალამი ხომ არ თავდება, ან ფანქარს წვერი ხომ არ
მოტყდა. გამოიყენეთ ფერადი სანიშნეები და ლამაზი ნივთები, ეს კიდევ უფრო მობილიზებულს
გაგხდით დავალების შესრულებისას.
6. გაკვეთილის მომზადებისას მნიშვნელოვანი ადგილები შეგიძლიათ მონიშნოთ ფანქრით და ის ადგილი ხელმეორედ გადაიკითხოთ. ეს უკეთესად დამახსოვრებაში დაგეხმარებათ.
7. ნუ დატოვებთ კბილებს ფანქარზე ან კალამზე, ფიქრის დროს შეგიძლიათ უბრალოდ ტექსტს უყუროთ და თუ ვერ იგებთ ხელმეორედ გადაიკითხოთ ან დაიხმაროთ ოჯახის წევრი.
8. გაკვეთილის მომზადებისას, გადაუდებელი აუცილებლობისთვის, გქონდეთ გამოყოფილი განსაზღვრული დრო. მაგალითად, თუ სამზარეულოში შესვლა მოგინდებათ ან დასვენება. ოღონდ 15 წუთს ნუ გადააჭარბებთ.
9. სკოლა უნდა იყოს ადგილი, სადაც შეიძენთ კარგ ჩვევებს. თუ ნახეთ, რომ სხვას ჩაგრავენ აუცილებლად ჩაერიეთ და დამნაშავეს მიეცით შენიშვნა. ამით თქვენი ავტორიტეტი თანატოლების თვალში უფრო ამაღლდება.
10. გაკვეთილის მომზადების დასრულების შემდეგ აუცილებლად გაისეირნეთ გარეთ, სუფთა ჰაერზე, თუნდაც 10-15 წუთით. ან გადით აივანზე და მიეცით თავს საშუალება დაისვენოთ, სანამ სხვა რამეზე გადაერთვებით. ტელეფონს ჩართავთ ან ტელევიზორს უყურებთ.