16 აგვისტო, 2019
„იმ წიგნს ვირჩევ, რომელიც უფრო დიდია“- 8 წლის ევა დავითაშვილი „წიგნიერების დღის“ ტესტებს მოუთმენლად ელის
მოპოვებული დიპლომები მაცივარზე გაუკრავს და სტუმრებს თავს ამით აწონებს. ჯერ მხოლოდ სამი ვერცხლის და ერთი ოქროს დიპლომი აქვს. ახლა მოუთმენლად ელის ახალი სასწავლო წლის დაწყებას, როცა ბავშვებზე მზუნველი izrune.ge, მრავალრიცხოვან ოჯახთან ერთად, წარმატებისკენ სვლას კვლავაც აქტიურად განაგრძობს...
თბილისის 208-ე საჯარო სკოლის მესამეკლასელ ევა დავითაშვილს კითხვა უყვარს და ამიტომაც, „დიდი წიგნები“ ურჩევნია. izrune.ge-ს პროექტში გაზაფხულიდან ჩაერთო და უკვე ვერცხლის და ოქროს დიპლომებიც მოიპოვა, წარმატების შესახებ კი პირველად მამას ატყობინებს.
izrune.ge-ს პროექტის აქტიური მონაწილე ევა დავითაშვილი და მისი დედა რიტა კვიცარიძე ესაუბრება:
- ევა საკმაოდ მონდომებული და ინტერესიანი ბავშვია და ვცდილობ, ყველანაირად ხელი შევუწყო. izrune.ge-ში გაზაფხულიდან ვართ ჩართული და უკვე სამი ვერცხლის და ერთი ოქროს დიპლომი ავიღეთ, ოქრო ივნისში, შემაჯამებელ ტესტებში ავიღეთ და ძალიან გაგვიხარდა.
ჩვენს სკოლაში იყო ბატონი გოჩა ტყეშელაშვილი მოსული, პროექტის პრეზენტაცია გაიმართა და მაშინვე გაგვიჩნდა ჩართვის სურვილი. ახლა ზაფხულია, ივნისში დროებით დავემშვიდობეთ izrune.ge-ს და ახლა მოუთმენლად ელოდება 5 სექტემბერს, გადაწყვეტილი აქვს, მხოლოდ ოქროს დიპლომები მოიპოვოს.
- ტესტებზე ალბათ ერთობლივად მუშაობთ? პასუხების შერჩევაში ეხმარებით?
- ტესტებს ერთად ვაკეთებთ. ევას რატომღაც ტელეფონით მუშაობა ურჩევნია, „ბუკს“ არ იყენებს. ტელეფონი მე მიჭირავს, ვკითხულობ და თვითონ აჭერს ხოლმე ხელს სწორ პასუხს. ძალიან მონდომებულია, ხალისით აკეთებს და ბევრ რამეს სწავლობს. ყველა კითხვას თვითონ პასუხობს, თუმცა, ზოგჯერ ყოფილა ისეთი შემთხვევა, როცა მეც არ ვიცოდი სწორი პასუხი. მაგალითად, არ ვიცოდი, რომ ღამურას თავდაყირა ეძინა. ამ ასაკში გავიგე და ეს სამუდამოდ დამამახსოვრდება. პროქტის სიკეთეც სწორედ იმაშიც მდგომარეობს, რომ თუკი რომელიმე კითხვას ბავშვი არასწორად უპასუხებს, იქვე სწორი პასუხი მწვანედ ინთება, რასაც, ასეთ ასაკში, ძალიან მარტივად იმახსოვრებს ადამიანი.
- როგორ ფიქრობთ, რა მისცა izrune.ge-მ თქვენს შვილს ამ მოკლე დროის განმავლობაში?
- ყველაზე მეტად მომწონს ის, რომ ტესტები არა მხოლოდ ერთ რომელიმე კონკრეტულ საგანს, არამედ, ყველაფერს, ყველა სფეროს მოიცავს. გარდა ამისა, ძალიან მომწონს, რომ რა კითხვებიც გვაქვს ყოველ ხუთშაბათს, შემაჯამებელ ტესტებში იგივე აღარ მეორდება. ანუ ყოველ ჯერზე სხვადასხვა ტესტი გვხვდება და ძალიან კმაყოფილი ვართ!
პროექტმა, პირველი რიგში ევას შემართება მისცა, და კითხვისა და ახალი ინფორმაციის მიღების ინტერესი გაუღვივა, უხარია დადებითი შეფასება და ყველას უნდა, რომ თავისი წარმატება მიახაროს. თან მინიმალურ ფასად გაქვს ეს ყველაფერი, რაც ძალიან დასაფასებელია, რადგან თვეში ერთ ლარად ასეთ ეფექტურ განათლებას, ფაქტობრივად, სხვაგან ვერსად მიიღებ.
- 12 სექტემბრიდან ყოველ მეორე ხუთშაბათს izrune.ge პროექტში ჩართულ მოსწავლეებს „წიგნიერების დღეს“ შესთავაზებს. როგორ ემზადება ევა ამ დღისთვის?
- ევა სექტემბერს მოუთმენლად ელოდება და უხარია. საზაფხულო არდადეგებზეც გვაქვს სამეცადინო, ინანიშვილის მოთხრობებს კითხულობს, შინაარსს წერს, მათემატიკას უკვე მოვრჩით. მიხარია „წიგნიერების დღეც“ რომ იქნება. ზოგადად, კითხვა უყვარს მერე მეც ვკითხულობ, რომ აზრზე ვიყო, იმ მოთხრობაში რა ხდება და რამდენად სწორად აღიქვამს ბავშვი... მაქსიმალურად ვცდილობთ, შვილის აღზრდა-განათლების პროცესში ვიყოთ ჩართული.
სექტემბრიდან ვაპირებთ უფრო მეტი ოქროს დიპლომი ავიღოთ. ვუბეჭდავ ხოლმე დიპლომებს და მაცივარზე ვაკრავთ, უხარია, როცა სახლში ვინმე მოდის და მის წარმატებებს ნახულობს.
ევა დავითაშვილი:
- ველოდები 5 სექტემბერს და ძალიან მინდა, გავიარო ტესტები, მომწონს, როცა შეკითხვებს სწორად ვპასუხობ.
izrune.ge-ზე ავიღე სამი ვერცხლის და ერთი ოქროს დიპლომი, ახლა უფრო მეტი წიგნი მაქვს და მიხარია, უფრო ხშირად რომ ვკითხულობ.
- ახლა რას კითხულობ?
- რევაზ ინანიშვილის მოთხრობებს ვკითხულობ, რომელიც 7-8 წლის ბავშვებისთვის არის განკუთვნილი და ძალიან მომწონს. კითხვა ძალიან მიყვარს, ამიტომ წასაკითხად დიდ წიგნებს ვირჩევ.