izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
საგანმანათლებლო სიახლეები
02 ივლისი, 2019
„იცით, ცხრილში Izrune.ge მაქვს მიწერილი საყვარელ გაკვეთილად“ - წლის ბოლო შემაჯამებელი ტესტის პირველი მონაწილე

Izrune.ge-ს რედაქციიდან ზარი რომ გაისმება, ყურმილის მეორე მხარეს თავშეკავებული , ხანაც დაუფარავი სიხარული და ემოცია მოდის...

ასე მოხდა კორკოტაძეების ოჯახში...

ლინა პირველი იყო, ვინც 30 ივნისის შემაჯამებელი ტესტი გაიარა და საკმაოდ წარმატებულადაც.

თბილისის N11 საჯარო სკოლის მეორეკლასელი მოსწავლე გამალებით ელოდა 12 საათის მოსვლას, რომ მთელი წლის განმავლობაში დაგროვილი ცოდნა და გამოცდილება Izrune.ge-ზე ეფექტურად შეეჯამებინა:

„ძალიან გამიხარდა, რომ პირველმა გავიარე ტესტი, ყოველთვის მოუთმენლად ველოდები ხოლმე ამ დღეს. ასევე, ძალიან ბედნიერი ვარ, რომ დამირეკეთ. იცით, ცხრილში ხუთშაბათობით Izrune.ge მაქვს მიწერილი ბოლო გაკვეთილად, მეცადინეობის ეს ნაწილი განსაკუთრებით მიყვარს,-“ აღნიშნა ლინა კორკოტაძემ.

წარმატებულ მოსწავლეზე პორტალთან ერთად დედა, მაია ციყელაშვილი განსაკუთრებით ზრუნავს:

„ერთი სული აქვს, როდის მოვა ტესტების გავლის დრო. „შვილებზე განსაკუთრებულად ზრუნვის დღეს“ არ იძინებს ხოლმე... იმდენად ხალისით ერთვება პორტალში, რომ ეს მუხტი მეც გადმომედო და სწორი პასუხების, წამახალისებელი შეძახილისა თუ დიპლომების მოპოვებისას სიამაყით ვივსები. Izrune.ge-სთან ერთად ლინამ დამოუკიდებლად მუშაობა ისწავლა, მიუხედავად იმისა, რომ ყოველთვის გვერდით ვუზივარ, არასდროს ვეხმარები. თავისით კითხულობს, იაზრებს და ირჩევს პასუხს, თანაც მუდმივად აკონტროლებს დროს და წარმატებაზეა ორიენტირებული. პორტალზე არსებულ სხვა ტესტებსაც აქტიურად ასრულებს, თანაც პროცესში ბებია-ბაბუასაც რთავს და მთელ ოჯახს სიხარულით გვიჩვენებს რა შეუძლია. თქვენი ზარის შემდეგ, მეტი შემართებით ველოდებით სექტემბრის მოსვლას და კიდევ უფრო მეტი წარმატების მიღწევას Izrune.ge-სთან ერთად.“



II კლასის მზრუნველი და აქტიური ხელმძღვანელი შორენა ნაცვლიშვილი გახლავთ:

„პროექტი ძალიან საინტერესო და სასარგებლოა, როგორც მოსწავლის, ასევე ოჯახისა და სკოლისათვის. ცოდნის გაღრმავების, სხარტი აზროვნების, თვითშეფასებისა და მოტივაციის ამაღლების კუთხით Izrune.ge ეფექტური მექანიზმია. კლასი აქტიურად ერთვება საგანმანათლებლო ინოვაციებში და შემეცნებაში კომპიუტერულ ტექნოლოგიებსაც წარმატებით იყენებს. შვილების მონდომებას რომ ხედავენ, სასკოლო ცხოვრებაში მშობლებიც აქტიურად ერთვებიან და მათი წინსვლით იწონებენ თავს. რაც შეეხება ლინას, ძალიან კარგი გოგონაა, ინტერესიანი და მიზანსწრაფული, ყოველთვის აქტიურად ერთვება საგაკვეთილო პროცესსა და დისკუსიებში, აქვს საკუთარი აზრი და მუდამ თამამად აფიქსირებს პოზიციას. დადის ხატვასა და მუსიკაზე, არაჩვეულებრივად მღერის. მის მრავალმხრივ განვითარებას ოჯახიც აქტიურად უწყობს ხელს. წარმატებული სასწავლო წლის შემდეგ, Izrune.ge-სთან ერთად კიდევ უფრო მეტი წინსვლის მოლოდინი გვაქვს. “

მოგეხსენებათ, 30 ივნისის შემაჯამებელი ტესტით Izrune.ge- ზე 2018-2019 სასწავლო წელი დასრულდა, ჩვენ სექტემბრიდან მრავალი საინტერესო და ინოვაციური სიახლით დაგიბრუნდებით და რედაქციიდან წარმატების წამახალისებელი ზარი კიდევ ბევრჯერ გაისმება...



რას ამბობენ ჩვენზე