izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
X
მოგესალმებათ izrune.ge-ს გუნდი

ონლაინ ტესტირების პლატფორმა izrune.ge-ს იდეა გაჩნდა „ეტალონის“ 20-წლიანი გამოცდილებისა და თანამედრივე პროგრესის მოთხოვნების საფუძველზე.

ჩვენი მიზანია ოჯახის წევრებს მივცეთ საშუალება, თანამედრივე ტექნოლოგიების გამოყენებით, პერიოდულად და რეალურად, პირადად შეაფასონ შვილების განათლების, უნარ-ჩვევების დონე და უშუალოდ იზრუნონ მათ აღზრდა-განათლება-წახალისებაზე.

ჩვენი მიზანია ოჯახი, ბავშვი, სკოლა და სახელმწიფოს ერთი მიზნით გაერთიანება - მოზარდში მოქალაქეობრივი აზროვნების ჩამოყალიბება!

რეგისტრაციის მარტივი ფორმის შევსების შემდეგ, თქვენი ბავშვ(ებ)ისთვის ხელმისაწვდომი იქნება I-დან XII კლასის ჩათვლით, საგნობრივი კითხვებისგან შემდგარი, ზოგადი განვითარების, ინდივიდუალური და მამოტივირებელი ტესტები. კითხვებს საქართველოს 100 საუკეთესო პედაგოგი ქმნის და საიტზე გამოქვეყნებამდე შემოწმების რამდენიმესაფეხურიან ეტაპს გადის. 

ინოვაციური პორტალი izrune.ge გთავაზობთ ორი სახის - სავარჯიშო და შემაჯამებელ ტესტებს. თითოეული ტესტი შედგება 20 კითხვისგან, სწორი პასუხის შემთხვევაში მოსწავლე იღებს 5 ქულას, არასწორი პასუხის შემთხვევაში 0-ს, თუ პასუხისგან თავი შეიკავა 2 ქულას. ტესტის დასრულებისთანავე კი პირად გვერდზე, დეტალური სტატისტიკის და ისტორიის საშუალებით, ხელმისაწვდომი გახდება ინფორმაცია თითოეული შესრულებული ტესტის შესახებ. თვალს ადევნებთ შვილის შეფასებას მიმართულებების მიხედვით, ინდივიდუალური განვითარების გრაფიკებს, განვითარების შეფასების კვლევას და ინდივიდუალურ სარეკომენდაციო წერილებს მოზარდის შემდგომი განვითარებისთვის.

სავარჯიშო ტესტის გავლა მოსწავლეს შეუძლია ყოველ ხუთშაბათს, ხოლო შემაჯამებელი ტესტის - ყოველი თვის ბოლო კვირას „შვილებზე განსაკუთრებულად ზრუნვის დღეს“, მშობლის თანდასწრებით.

ყოველი სავარჯიშო ტესტი თემატურად განსხვავებულია:

ყოველი თვის I ხუთშაბათი პორტალზე არის „სიბრძნის ხუთშაბათი“, ტესტში შესულია კითხვები სულხან-საბა ორბელიანის ლექსიკონიდან „სიტყვის კონა“. ტესტის მიზანია ოჯახის ჩართულობით მოსწავლეებისთვის სულხან-საბა ორბელიანის გაცნობა და ქართული ენის ლექსიკური მარაგის შევსება.

ყოველი თვის II ხუთშაბათი პორტალზე "წიგნიერების დღეა". ყოველთვიურად მოსწავლეებს ვთავაზობთ კლასის შესაბამის ნაწარმოებებს წასაკითხად და სავარჯიშო ტესტის დღეს კითხვები სწორედ ამ ნაწარმოებებიდან მოდის. წიგნიერების სია, კლასების მიხედვით, შედგენილია პროფესიონალი მასწავლებლების და ფსიქოლოგების მიერ. ტესტის მიზანია წიგნიერების დონის ამაღლება.

ყოველი თვის III ხუშაბათი პორტალზე ინგლისური ენის 5-დონიანი ტესტის დღეა. მოსწავლეს საშუალება ეძლევა, სურვილის მიხედვით აირჩიოს მხოლოდ ერთი დონე (Elementary, Pre-intermediate, Intermediate, Upper-intermediate, Advanced). ტესტის მიზანია ინგლისური ენის განმტკიცება.

ყოველი თვის IV ხუთშაბათი პორტალზე არის „მოქალაქეობრივი აზროვნების განვითარება - გზა ევროპისკენ“ ტესტი. ამ ტესტის მიზანია მოსწავლეებში მოქალაქეობრივი ცნობიერების ამაღლება და თვეში ერთი დღე მოქალაქეობრივი აზროვნების თემატიკის შეკითხვებს ეთმობა. ტესტის შედგენაში აქტიურად არიან ჩართული საქართველოს გარემოს დაცვისა და სოფლის მეურნეობის სამინისტროს, იუსტიციის სამინისტროს და შინაგან საქმეთა სამინისტროს წარმომადგენლები. 

მშობლებისთვის კი ყოველი თვის ბოლო კვირა დღე შვილებზე განსაკუთრებულად ზრუნვის დღედ ცხადდება!

საქართველოში მცხოვრებ, შვილის ბედნიერ მომავალზე მეოცნებე თითოეულ მშობელს, ყოველი თვის ბოლო კვირა დღეს, საშუალება გეძლევათ მიუსხდეთ შვილ(ებ)ს გვერდით და იმ კოდის მეშვეობით, რომელიც მოკლე ტექსტური შეტყობინებით (SMS) მოგივათ, პირდაპირ რეჟიმში შეიტყოთ მათი აზროვნების, განათლების და განვითარების დონე. აღნიშნული ტესტის წარმატებით გავლის შემთხვევაში კი მოსწავლე სპეციალურ დიპლომს მიიღებს. ყოველი მომდევნო თვის დიპლომი განსხვავებულია და შეძლებთ მათ გადმოწერას, ამობეჭდვას ან სოციალური ქსელის საშუალებით გაზიარებას. ინდივიდუალური პაკეტის მომხმარებლებს კი სკოლაში გამოგეგზავნებათ თქვენი შვილის წარმატების დიპლომები.


რეგისტრაციას გადის ოჯახის წევრი, რომელიც მარტივად არეგისტრირებს ბავშვ(ებ)ს და ირჩევს სასურველ პაკეტს - თვეების მიხედვით.

რეგისტრაციის გასავლელად გადადით ბმულზე: https://www.izrune.ge/geo/10

გადახდის მარტივი მექანიზმი ჩვენი საიტით სარგებლობას კიდევ უფრო კომფორტულს ხდის თქვენთვის. შეგიძლიათ ისარგებლოთ გადახდის შემდეგი მეთოდებით: 

  1. გადახდა პლასტიკური ბარათით, უშუალოდ მოსწავლის პროფილიდან.
  2. გადახდა საბანკო გადარიცხვით. 
    მიმღები ბანკი: ს.ს "თიბისი ბანკი"
    მიმღების ანგარიში: GE82TB7994636080100007
    მიმღების სახელი: შპს ეტალონი განათლება
    დანიშნულება: მოსწავლის სახელი, გვარი და პროფილის ექვსნიშნა ნომერი.
    ბანკის კოდი: TBCBGE22
    ს/კ: 404561979
  3. გადახდა სწრაფი ჩარიცხვის TBC Pay, Express Pay და Pay Box აპარატებით, მოსწავლის პროფილის 6 ციფრიანი ნომრით.
  4. გადახდა თიბისი ბანკისა და საქართველოს ბანკის მობილური აპლიკაციით (ონლაინ ბანკი), მოსწავლის პროფილის 6 ციფრიანი ნომრით.

ინდივიდუალური პაკეტის ღირებულება:
1 თვე - 25 ლარი
5 თვე -  110 ლარი
10 თვე - 209 ლარი


განსაკუთრებული შეთავაზებით სარგებლობენ საქართველოს მასშტაბით etaloni.ge და izrune.ge-ს თანამოაზრე სკოლები, რომელთა მოსწავლეებისთვისაც საბაზო პაკეტის სოციალური ღირებულება თვეში 8 ლარის ნაცვლად შეადგენს 5 ლარს.

ერთად ვიზრუნოთ საქართველოს ნებისმიერ ქალაქში, რაიონში და სოფელში მცხოვრებ მოსწავლე-ახალგაზრდების აღზრდა - განათლება - წახალისებაზე!

მოსწავლეებო, დააგროვეთ სტატუს ვარსკვლავები, მიიღეთ დიპლომები და გაუზიარეთ მეგობრებს თქვენი წარმატება!

დამატებითი ინფორმაციის მისაღებად ეწვიეთ facebook გვერდს: https://www.facebook.com/izrune.ge
ან დაგვიკავშირდით: 0 (322) 110 122
მადლობა თანამშრომლობისთვის!
კეთილი სურვილებით, Izrune.ge-ს გუნდი.
რჩევები მშობლებს
18 იანვარი, 2019
რატომ სტკივა თავი მოსწავლეს - 10 მიზეზი, რომელთა შესახებ მშობლებმა უნდა იცოდნენ
სკოლის მოსწავლეები ხშირად თავის ტკივილს უჩივიან - ზოგი, რა თქმა უნდა, სიმულირებს, რომ მეცადინეობას აარიდოს თავი, სხვა კი სერიოზულად ამბობს და გაკვეთილებზე იტანჯება...

გაიგეთ, როდის უჩივის სკოლის მოსწავლე თავის ტკივილს და რა შემთხვევაში უნდა მიმართოთ სასწრაფოდ ექიმს.

თუ თავის არეში ტკივილს ან არასასიამოვნო შეგრძნებას სკოლამდელი ასაკის ბავშვების 3-8% უჩივის, გარდატეხის ასაკში თავის ტკივილის პერიოდულ გამოვლინებას ბავშვების უმრავლესობა (სხვადასხვა კვლევების თანახმად 57-82%) აღნიშნავს.  

საბედნიეროდ, თითქმის, ყველა შემთხვევაში პროგნოზი ხელსაყრელია და სწორად შერჩეული დღის რეჟიმის, დაბალანსებული კვების, სასწავლო დატვირთვის ოპტიმიზაციის შემდეგ მნიშვნელოვანი გაუმჯობესება მიიღწევა. 

თავის ტკივილი ხშირად რაიმე დაავადების სიმპტომია. ასეთ შემთხვევაში აუცილებელია ექიმს მივმართოთ.  


ინფექციური დაავადებების დროს (მაგალითად: გრიპი) თავის ტკივილი შესაძლოა, საერთო სისუსტის, მაღალი ტემპერატურისა და ინტოქსიკაციის ფონზე გაჩნდეს. 

მწვავე ოტიტისა და სინუსიტის დროს (ჰაიმორიტი, ფრონტიტი) თავის ტკივილი შესაძლოა, იყოს საკმაოდ ინტენსიური, ხშირად იგი მძაფრდება ფიზიკური დატვირთვის დროს და ასევე, როდესაც ბავშვი ახველებს, კითხულობს, თავს ხრის ან გვერდით აბრუნებს.

მენინგიტის დროს, თავის ტკივილი შესაძლოა, მოულოდნელად გაჩნდეს, პირღებინებისა და ტემპერატურის მკვეთრი ზრდის ფონზე.

ის შეიძლება იყოს ქალის შიდა წნევის მომატების ნიშანიც. ასეთ შემთხვევაში თავის ტკივილი დილით ჩნდება, შესაძლოა, ახლდეს გულისრევა, ძლიერდება ხველისა და კიბეზე ასვლის დროს. 

გარდა ამისა, თავის ტკივილი შესაძლოა, ტრავმის შემდეგ გაჩნდეს. ხანდახან ბავშვი უმნიშვნელოდ მიიჩნევს რომ წაიქცა, თავი დაარტყა, ამიტომ ძლიერი თავის ტკივილის დროს მშობლებმა ეს მომენტი უნდა გაითვალისწინონ. თუ ტრავმაა, მაშინ აუცილებელია ექიმს მიმართოთ. 

პირველადი თავის ტკივილები

პირველადი თავის ტკივილი დამოუკიდებელი მიზეზით ვითარდება და სხვა დაავადებით არ არის გამოწვეული. მას მიეკუთვნება შაკიკი, კლასტერული თავის ტკივილი და დაძაბვის თავის ტკივილი.

შაკიკს ახასიათებს ძლიერი, ხანგრძლივი პულსირებადი თავის ტკივილი. ტკივილი შესაძლოა, გაგრძელდეს სამი საათიდან სამ დღემდე.

ბავშვს შესაძლოა, ჰქონდეს გულისრევა, ღებინება, სინათლისა და ბგერების აუტანლობა. ფიზიკური დატვირთვის დროს ტკივილი ძლიერდება.

შაკიკი, როგორც წესი, მემკვიდრეობითია. მისი ეფექტური მკურნალობის შერჩევა მარტივი არ არის, აუცილებელია ნევროლოგის კონსულტაცია.

მაგრამ გაცილებით ხშირად ბავშვებს დაძაბვის თავის ტკივილი აქვთ. რით არის ის გამოწვეული?

პირველ რიგში, კისრის კუნთების გადაჭარბებული დაძაბულობით. მაგალითად, თავის ტკივილი შესაძლოა, გაჩნდეს სპორტის გაკვეთილის შემდეგ, თუ გაუვარჯიშებელმა ბავშვმა ბევრი იმოძრავა, ირბინა, იხტუნავა. ან პირიქით, იმის გამო, რომ ბავშვი დიდი დროს ატარებს თითქმის უმოძრაოდ.

აღსანიშნავია, რომ სტრესმა და ზედმეტმა მღელვარებამ ასევე შესაძლოა კუნთების სპაზმი და თავის ტკივილი გამოიწვიოს.

თავის ტკივილის კიდევ ერთი მიზეზი მხედველობის პრობლემაა. ბავშვი, როცა ცუდად ხედავს თვალებს ძაბავს. თვალების გამუდმებული დაძაბვა ასევე თავის ტკივილს იწვევს.

როდის უნდა მივმართოთ სასწრაფო სამედიცინო დახმარებას :

  • თუ თავის ტკივილი ყოველდღიურად მატულობს
  • დილის საათებში ჩნდება
  • თან ახლავს გულისრევა და პირღებინება
  • იზრდება ტემპერატურის მატების პარალელურად
  • უფრო ინტენსიური ხდება თავისა და სხეულის მდგომარეობის შეცვლისას
  • ხანგრძლივია და წამლების მიღების შემდეგ არ ნელდება


რას ამბობენ ჩვენზე